الموضوع: أسعار بعض قطع غيار ميجان 2 ( يوليو 2011)

المشاركة الأصلية كتبت بواسطة abasse

أى هوا طنبورة الكرنك ده وشداد الدينامو

طنبورة الكرنك دى بتكون راكبة على عمود الكرنك وبتنقل وتوزع الحركة الخاصة لكمبروسر التكيف وطرمبة الباور و الدينامو عن طريق السيور بتعتهم

المشاركة الأصلية كتبت بواسطة mohamdy

صباح الفل على احلى اعضاء واجمد منتدى ( بصراحة انا استفدت منه كتير جدا دا بالإضافة الى ان معظم الأعضاء متعاونين لأقصى درجة) وعشان كدة انا حابب افيد و اشارك كل الأعضاء ببعض اسعار قطع الغيار اللي مريت بيها خلال تجربتي في الفترة اللى فاتت واللى للأسف اضطريت خلالها اغير اكتر من حاجة في العربية دا بالإضافة الى ميعاد الصيانة الدورية_ مع العلم بان عربيتي مو 2006 هاتشباك_

قطع الغيار الجديدة:

- 50 جنيه بوجيهات (بوش)
- 50 جنيه فلتر هواء
- 50 جنيه فلتر بنزين
- 50 جنيه فلتر تكييف
- 80 جنيه سير دينامو وتكييف
- 180 جنيه 2 تيش ميزان (في حاجات تركي من 120 ل 150 جنيه)
- 180 جنيه تيل فرامل أمامي (ريمسا)
- 130 جنيه تيل فرامل خلفي (ريمسا)
- 320 جنيه طنابير امامية (ريمسا)
- 347 جنيه زيت موتور كاسترول ايدج 5 لتر ( زيت محترم جداً بس غالى حبتين وييجى بعديه الفيسكو 5000 بسعر 280 جنيه 5 لتر - وقعد معايا 15000 كم - ثم الشل الألترا ودا رأيي الشخصي بعد التجربة)
- 30 جنيه فلتر زيت
- 120 جنيه زيت فتيس شل 4 لتر ( وعن تجربة أفضل كتييييييير من موبيل)
- 30 جنيه مياه خضراء مستوردة 4 لتر
- 50 جنيه 2 جهاز رينجات :) اصلي مركب رينجات في الفوانيس

قطع الغيار الاستيراد:

- 300 جنيه طنبورة كرنك
- 220 جنيه شداد دينامو
- 1000 جنيه كومبريسور + 130 جنيه شحن فريون
- 150 جنيه حساس كامة (الاسود الصغير)
- 75 جنيه كاوتشة باب ( الكاوتشة اللي على القايم اللي بيقفل عليها الباب)
- 50 جنيه غطاء بطارية


على فكرة يا جماعة انا لفيت تقريباً على اغلب بتوع قطع الغيار الجديد والاستيراد وميكانيكية وكهربائية الرينو في التوفيقية و الحرفين وصقر المعادي وعندي خبرة كويسة معاهم وممكن افيدكم في اي حاجة اعرفها وده بجد اقل حاجة ممكن اقدمها للمنتدى الرائع ده.

شكرا يا باشا بجد مجهود رائع ومفيد ومحترم
ياريت لو تكمل جميلك لو فى معلومات عن اخر اسعار لاجزاء العفشة مع توضيح الماركة ان امكن ( مساعدين & بطاحات & بارات & علبة دركسيون & ومقصات ) ان امكن وجزاك الله خير

ياريت مكونات العفشة كاملة و الفوايس و الرفارف و الابواب عشان ان شاء الله ناوى ع واحدة