انا آسف جدا يا جماعة على عدم ردي خلال الفترة اللي فاتت بس انا كنت مسافر فاعذوروني.
بالنسبة لكل اللي شكرني لا شكر على واجب فالمنتدى هنا واعضاؤه يستحقوا كل خير.
بالنسبة بقى لردودي على الاستفسارات فهى:
المشاركة الأصلية كتبت بواسطة WALEEDELGINADY
ياريت لو حد عنده فكرة عن أسعار الكاوتش بتاع الباب اللي حوالين الإطار الداخلى للباب وممكن اجيبه منين وهل لو جبته إستيراد هيبقى ناشف وهيشقق بسرعة ولا بيكون كويس
المشاركة الأصلية كتبت بواسطة amr_elbazz
شكرا يا باشا بجد مجهود رائع ومفيد ومحترم
ياريت لو تكمل جميلك لو فى معلومات عن اخر اسعار لاجزاء العفشة مع توضيح الماركة ان امكن ( مساعدين & بطاحات & بارات & علبة دركسيون & ومقصات ) ان امكن وجزاك الله خير
في موضوعات كتير وجديدة في المنتدى عن اسعار العفشة بره التوكيل اما بالنسبة لى فانا بس اللي اعرف سعره هحطه في موضوع قريب ان شاء الله
المشاركة الأصلية كتبت بواسطة ecybrarian
شكرا على الموضوعات الجامدة دي..بس انا كنت شاري كباس تكييف من سنة استيراد بـ 700 جنيه فقط من صقر قريش
فعلا السعر الطبيعي للكباس من 650 ل 750 جنيه بحسب حالته بس للأسف في الفترة الاخيرة (ال كام شهر اللي فاتو) سعر العربية الاستيراد المتقطعة زاد 3000 الى 5000 جنيه وبالتالي كل قطع الغيار الاستيراد زادت ده غير اني لفيت عليه كتير وماليقيتوش بسهولة الا بعد مساعدة الوحش أيمن مومو
المشاركة الأصلية كتبت بواسطة cokx
بعد ازنك يا كبير افضل واحد مومكن نجيب من عندو قطع غيار مين و شكرا علي المجهود
وياريت العنوان
المشاركة الأصلية كتبت بواسطة helper
قطع الغيار دي رخيصة فعلا
انت جبتها منين
دا فلتر الزيت تمنه 40 ج و تيل الفرامل الريمسا في كل حته ب 280-300 الامامي (في نوع اسمه ريمسا برضة بس مضروب)
انا معايا ميجان سيدان 2007
هي الاسعار فارقة جامد كدا فعلا
يا ريت نعرف اسم المكان الي جبت منه و كمان المكان الي انت صلحت فيه
مع الشكر
المشاركة الأصلية كتبت بواسطة DReaMaKeR
طب ايه يا رجالة
قطع الغيار دي بنجبها رخيصة منين؟
وإزي نبعد عن المضروب؟
وياريت اسم ورقم تليفون ميكانيكي وعفشجي ميجان يكونوا متجربيين
شكرا مقدما :)
بالنسبة للأخوة اللي بتسأل عن ميكانيكية وبتوع قطع غيار كويسين فتجربتي الشخصية هحطها في موضوع جديد قريب ان شاء وهتلاقوا فيه كل حاجة ويارب يفيدكوا.
المفضلات