فرش الصنى فى جينز كار

**م/محمد** · 30-07-2011 10:53 AM

المشاركة الأصلية كتبت بواسطة ahmed.tv

انا عارف قصدك يا محمد .. وعارف انك بتتكلم على العموم .. وانا بردوا بتكلم علىا لعموم بردوا .. عشان دايما الناس بتاخد الكلام وبتفسره غلط

وفاهم وجهة نظرك كويس .. ومقتنع بيها فى الظروف الحالية .. عشان الاقتصاد معايا واقع حبتين .. وياريت تخدنى معاك وعلى جناج فى الويك اند ياعم

ولو العملية فتحت معاها حعمل فرش تفصيل محترم فى عربيتى بصراحة .. وعندهم تحديدا .. وحيكون فى خصم ليه خصم محترم باذن الله .. لانى فعلا عايز اركبه .. لان فعلا القعدة على الكرسى بعد كدا بتفرق ومختلفة جدا

واى حد لو راح عمل بره وفى ناس راحت وركبت عند مليون واحد بره والدنيا مش اتظبطت .. الفكرة ان الناس دى شغلها مضمون .. ومحترمين جدا فى التعامل .. ودول اهم نقطة تهمنى .. والفلوس انت وشاطرتك بقا فى الفصال معاهم والاتفاق .. بس بردوا حتى لو جبت اخرهم حيفرق عن بره 200 جنيه .. ولو ناوى وعندى النية لتركيب الفرش ومقتنع بيه .. حركب عندهم وادفع الفرق ده عشان ارتاح

وقصة التوفير دى .. لو فضلنا نتكلم فيها انى اعمله ومش اعمله عشان اوفر والكلام ده .. لايمكن لو فضلنا للسنة الجاية نتكلم فى الموضوع ده حناخد راى ثابت فيه ابدااا .. لانها بتفرق من فكر كل واحد وظروف كل واحد واولويات كل واحد

انا عن نفسى مقتنع بيه .. ومخليه اخر حاجة اعملها فى العربية بعد ما اجيب الحاجات الاهم بالنسبالى

بس

ومتنسنيش فى طلعات الويك اند .. وياسلام لو طلعة تبقا عند اسامة فى دهب .. اصلىىىىىىىىى .. وسيبك بلا فرش بلا زينون بلاسمعات بلا عربيات

لا يا احمد يبقي انا لسه وجهه نظري موصلتلكش
انا لو معايا 5 مليون يورو في البنك مش هحط 1000 جنيه في فرش الصني عارف ليه

لاني اكيد مش هبقي راكب صني
بص يا سيدي عايز اقولك ان الموضوع ملوش علاقه بالظروف الاقتصاديه اللي انا معاك انها رايحه في داهيه اليومين دول
زي ما تقول كده مساله مبدأ مش اكتر

و بعدين انا لا اعتمد علي شطارتي في الفصال الا لما باكون بشتري من علي الرصيف
وانا لا احترم اي محل عايز يبقاله اسم بيسمح بالفصال - لان ده اعتراف منه بانه مبالغ في السعر وكسبان اكتر مما يستحق ويبقي اكيد اكيد انا خسران
انت بتقول انك هتبقي مرتاح لو ركبت عندهم بالاسم ودي لوحدها تساوي مال الدنيا ولو حتي راحه نفسيه مش راحه في الكراسي
وانا شخصيا ساعات بعمل كده - لامؤاخذه بشتري دماغي
اديك مثال - من ساعه ما طلع التاكسي الابيض وانا مبركبش القديم لانه بيقعد يناهد ويوجع قلبي انما التاكسي الابيض اغلي ولكن بتعريفه معرفه ومفيش مجال للمناهده

انا ركنت اسم المحل علي جنب و بكلم من بره خالص و بعيد عن اي اسم لاني شخصيا اعرف اسماء بس مينفعش اقولها علشان سياسه المنتدي و ضمان حياديه المناقشه

هنروح لاسامه بعد العيد ان شاء الله علشان اكون خدت العيديه و نهيص بقي او احتمال اوفرها للفرش ههههههههههههه

**م/محمد** · 30-07-2011 11:00 AM

المشاركة الأصلية كتبت بواسطة y2y1500

اتفق مع كلام المهندس محمد ومش بس المهندسين كمان الدكاترة بيحسبوها ويحسموها زى ما حضرتك قولت
فعلا ممكن نصرف اكتر من ال1000ج فى طلعة يوم واحد ولا يومين فى اى مكان مصيف او فسحة انما فرش عربية عن نفسى مش مقتنع لأنى مش هانام فيها مثلا اخر الليل مهما كانت رداءة الفرش الاصلى
وعن نفسى بافضل تطبيق مقولة خير الامور الوسط
لا غالى اوى ولا رخيص اوى وشكرا

و الله يا دكتور يوسف انا لم اقصد ان اميز المهندسبن بشئ - لا سمح الله
و لكن دي طبيعه شغلهم وكلمه engineering بتعني ببساطه تحقيق الغرض المطلوب -حتي لو كان الغرض ده الرفاهيه - باقل قدر من الموارد والطاقه
فبالتالي غصب عنهم بيفكرو كده
انما في ناس كتير بتفكر كده بالفطره و احسن من كده كمان لان دي بتبقي هبه من عند ربنا مش كلام علي كتب زي حالاتنا
ياريت نتعرف علي حضرتك اكتر من كده ولو تشرفنا في اامقابله القادمه ان شاء الله

**Youssef.Awad** · 30-07-2011 04:56 PM

المشاركة الأصلية كتبت بواسطة م/محمد

و بعدين انا لا اعتمد علي شطارتي في الفصال الا لما باكون بشتري من علي الرصيف
وانا لا احترم اي محل عايز يبقاله اسم بيسمح بالفصال - لان ده اعتراف منه بانه مبالغ في السعر وكسبان اكتر مما يستحق ويبقي اكيد اكيد انا خسران

100% وانا باكره الفصال والتحايل المهم الحاجة تعجبنى وتدخل دماغى واسعرها بنفسى واشوف تستاهل ولا لأ من وجهة نظرى مش من وجهة نظر السوق

المشاركة الأصلية كتبت بواسطة م/محمد

و الله يا دكتور يوسف انا لم اقصد ان اميز المهندسبن بشئ - لا سمح الله
و لكن دي طبيعه شغلهم وكلمه engineering بتعني ببساطه تحقيق الغرض المطلوب -حتي لو كان الغرض ده الرفاهيه - باقل قدر من الموارد والطاقه
فبالتالي غصب عنهم بيفكرو كده
انما في ناس كتير بتفكر كده بالفطره و احسن من كده كمان لان دي بتبقي هبه من عند ربنا مش كلام علي كتب زي حالاتنا
ياريت نتعرف علي حضرتك اكتر من كده ولو تشرفنا في اامقابله القادمه ان شاء الله

طبعا يا باشمهندس انا ضد التصنيف والحاجات دى
انما دى طبيعة الصيدلى برضه التجارية والمجازفة فى السوق وبعد النظر والمعاملات المادية الكتير اليومية
وفعلا طبيعة عمل اى بنى آدم بتأثر فى طريقة تفكيره فى الحياة بعد فترة
وباذن الله نتقابل فعلا قريب انا نفسى والله والفرصة هاتيجى فى وقت مناسب ليا بس مش هاكون لوحدى
هايكون معايا المودام لأنى مشغول دلوقت فى تجهيز الجواز فى العيد باذن الله ويارب المقابلة تكون فى شهر 9 عشان اقدر احضر واشوفكم باذن الله واهو يوم نقضيه سوا فى مكان جميل وياريت يكون برة القاهرة
ركاب نيسان تريد الخروج من الزحمة
ايه رأيكم فى اسماعيلية ولا العين السخنة او اسكندرية وأكلة سى فوود ؟؟

**Youssef.Awad** · 30-07-2011 05:57 PM

المشاركة الأصلية كتبت بواسطة م/محمد

الف مبروك وربنا يتمم بخير
و طبعا تشرفنا انت و المدام و اي حد من طرفك بس خلي المدام في المقابلات العائليه علشان بيبقي في مقابلات اعضاء و مقابلات عائلات
علي حسب كلامي مع احمد مصطفي المفروض ان في فطار في رمضان و في مقابله بعد العيد
تابع معانا وشوف ايه المناسب ليك
بس فكره هايله انها تكون بره مصر
انت تعرف ابو علي -الاسماعيليه؟

الله يبارك فيك يا باشمهندس
وباذن الله هايحصل ونتقابل وشكلنا هانبقى اصحاب كده
طبعااااااااااا يا باشا انا قعدت فى اسماعيلية سنة ونص بالتمام والكمال
ابو على و الرودى وفيش لاند طريق البلاجات وفرع التلاتينى
وحلمى كباب وكفتة
بلد جميلة انا عاشق لمدن القناة والبحر الاحمر
وبعديهم اسكندرية ومطروح
عامة باميل للهدوء والطبيعة الخلابة