المياه بتنقص..........تيييت

**ashrafnoby** · 25-07-2011 02:40 PM

ياريت متخليش حد يفتكسلك عشان الريداتير ميتخرمش روح لبتاع ريداتير نضفوا بس يكون واحد كويس وان شاء الله الموضوع هيتحل هو الريداتير نحاس ولا المونيوم وده مهم جدا النحاس سهل فى الصيانه ام الالمونيوم عايز حد كويس علشان متعب فى صيانته

**emadhero** · 25-07-2011 03:17 PM

تمام يابو اشرف علم وجاري التنفيذ انا كلمت طناني وقالي على واحد كويس هروحله بعد الشغل واقولكم باليل عالاخبار

**tananybasha** · 25-07-2011 11:55 PM

ايه الأخبار

**emadhero** · 26-07-2011 11:40 AM

حاجه خت بالي منها الخرطوم اللي جاي من الردياتير بلاقي فيه سريان مايه والعربيه بارده الصبح لما قعدت افكر شويه لاقيت اني شاري الكوعه بالثرموستات ب20 جنيه من عربيه محروقه قولت اكيد الكوعه بالثرموستات بايظه هجيب واحده من سرور وهجيب بوجيهات وفلتر بنزين وحساس كولنت وجركن مايه بتاع توتال وادعولي ميطلعش جوان

وكنت عايز اسأل
انا الزيت لونه حلو ولزوجته تمام ومفيش تعريق في الشكمان ايه اعراض جوان وش السلندر لو باظ غير كده؟

**ashrafnoby** · 26-07-2011 01:04 PM

عم عماد
انا عايزك تكون هادى كل حاجه تتحل بالعقل والهدوء امشى وراء كل حاجه بالهدوء انا من راى انك تجيب كوعه الحراره من التوكيل هى مش غاليه ب151 جنيه بس انك تكون متاكد انها من مكان محترم وبعدين وديها لواحد كويس يكشف على الريداتيير وهو طنانى معارفه كتيير واكيد عنده حد كويس ثم راجع على كل الخراطيم والشجره احسن تكون فى حاجه مسربه وان شاء الله الموضوع يتحل ومتقلقش وربنا معاك وابقى طمنا

**emadhero** · 26-07-2011 02:22 PM

حبيب قلبي يا ابو اشرف ان شاء الله بعت واحد لسرور يجيبلي الكوعه بالثرموستات

هركبها ان شاء الله النهارده واقولكم

وبكره اشوف منسوب المايه واقولكم وهركب قفيز تاني لاني لقيت القربه بتسيل من ناحية الخرطوم اللي تحت في القربه من عند القفيز

سؤال بقه وردوا عليا اسلك ردرياتير الاول ولا اركب الكوعه الاول ؟ ياريت الرد بسرعه قبل ما اشتغل من دماغي وانا هكلم طناني دلوقتي وادعولي.

**emadhero** · 26-07-2011 02:52 PM

حاجه تانيه كده افتكرتها عالماشي

لما كنت عند الحاج عبد الحليم كان فيه تسريب من نص العربيه كده لما نزل الواد تحت سأله فيه تسريب قاله لا ده التكييف سألته ايه النظام قالي انت كنت مشغل التكييف وده عادي المايه بتاعت المكثف

رأيكو ايه هو فعلا لما التكييف يشتغل بتجيب مايه ولا ايه؟