الموضوع: المياه بتنقص..........تيييت

هروح للحاج عبد الحليم النهارده على 6 بليل كده هغير الكوعه والبوجيهات وفلتر بنزين وحساس كولنت وهكلمك من هناك

حبيب قلبي انا عارف اني معذبك معايا بس العشم بقه

السلام عليكم
المشكله بسبب ان غطا القربه اصبح بايظ وبينفس علشان كده الترسبات الى فى الريداتير بدأت تفور ومن جوه الريداتير لاول منفذ بيخرج منه الهواء علشان كده الحل فى انك:-
1- تنضف الريداتير بالكبس
2- تجيب غطا قربه استيراد لان الجديد مضروب كله وبينفس بعد شهر فى الصيف وبعد شهرين ل3 شهور فى الشتا
3- ميه خضرا مركزه بتضيفها مع ميه مقطره لضمان ان الترسبات متتكونش الا بعد مرور فتره طويله

ويفضل فى دخله الصيف الى جاى تجيب ريداتير استيراد نضيف وتكشف عليه من التنفيس والترسبات او انك تجيب ريداتير جديد ماليزي او المانى الافضل ودا تجيبه من التوكيل افضل ودا كله لان الريداتير مش هيستحمل معاك شغل حتى لو كبست ونضفت وحطيت ميه معدنيه حتى

ها عملت ايه ايه
كبست الدورة ولا لسة؟؟
الخطوة الجاية عايزين نتاكد من ثيرموستات الكوعة وطرمبة المية
مستنى ردك

انا معايا نمرته ياجدعان 0121068879

بصراحه الرجاله تشكر على كل اللي عملوه معايا وعلى رأسهم محمد ابو الطناني

واسف على ازعاج خالد ايمن امبارح وبتأسفلوا تاني عشان موبايلي فصل شحن وانا بكلموه

نيجي للتقرير

الساعه 6 مساءا وصلت للميكانيكي استنينا للساعه 8.30 عشان العربيه تكون بردت خالص .
وقلت هغير بوجيهات وانضف البوابه وحساس كولنت وفلتر بنزين بالمره بخلاف ثرموستات الكوعه

1-طقم بوجيهات بوش 2 شمعه 75ج
2-حساس كولنت اسباني 80ج
3-كوعه ويهلر الماني بالثرموستات 175ج
4-فلتر بنزين انجليزي 45
5-منظف اسبراي مصري 20 ج

مصنعيه 50 اكراميه 15

طبعا الحاج عبد الحليم خد الهوا بعد ماغير الكوعه عن طريق نزع خرطوم القربه اللي على ايدك الشمال وانت ادام الكبوت وفضل يدي مايه لحد ما اخد الهوا المهم معرفش مكان حساس الكولنت فين ولا انا بصراحه وكانت المفارقه ان مفيش حد بيرد عليا في الوقت ده

طناني موبايله غير متاح
محمد حمدي مقفول
محمد عاطف نمرته الجديده عالتلفيون التاني
فادي مبيردش
ولما خالد ايمن رد موبايلي فصل شحن
مش مصدق نفسي بصراحه

نسيت اقولكم البوجيهات القديمه كانت طالعه مشنشه مع اني مشيت عليها بتاع 15000 بس المهم انا مسمعتش كلام طناني لما قالي هات قفيز تاني فوق القديم عالخرطوم اللي تحت في القربه لاني لقيته بيدي نقطه نقطه من تحت القفيز


دلوقتي بقه عايز طريقه ظريفه لمنع التسييل وياترى العربيه كده خدت هوا تاني ولا عالتجربه هيا القربه منقصتش غير 2مم تقريبا
وزودتها الصبح لغاية لما اليس الخرطوم

يبقى دلوقتي عايز

طريقة منع التسييل وهل العربيه خدت هوا من مكان التسييل ولا مش شرط
مع العلم اني بقالي يومين مفيش ضغط مايه وفرقعه في القربه (تنفيس يعني)

وشكرا ياطناني
وشكرا ياعصابه