الموضوع: المياه بتنقص..........تيييت

بصيت عالزيت اللزوجه تمام والمقاس كمان واللون والمراوح بتشتغل عالسرعتين هتجنن ياطناني والله.

تحت وفوق والشكمان مابيعرقش الحمد لله تقريبا مش جوان وش.
خد عندك الجديد بقه لقيت القربه فيها رمله تيييت..............مش عارف جت منين ممكن تكون ترسيبات من الردرياتير لانها ناعمه جدا مبقتش فاهم حاجه
الحقني ياطناني الحقوني ياعصاااااااااااابه

صباخ الخير عليكم جميعا

انا هقول حاجة ممكن تكون هى المشكلة ... ممكن لو فيه تسريب هوا من الغطا أو من القربة يخلى الميه اللى فى القربة تفور مرة وتسمعها بتغلى وكمان لو حاولت تفتح الغطا وهى سخنة هتلاقى كل الميه اللى جواها خرجت ..... وكمان المفروض إنك تلاحظ إن مؤشر الحرارة بدأ يقرب من النص ..... علشان كده الأفضل بما إنك مش لاقى الحمد لله مشكلة فى الزيت ولا فى وش الجوان ..... إنك تغير الغطا بتاع القربة وهو بـ 25 جنيه علشان ممكن يكون مخروم ولو قربتك جديدة يبقى تمام ولو مش جديدة تتغير ... وعليك وعلى كبس الريداتير علشان يشيل كل الترسبات اللى لاقيتها ... وكمان ينظف الريداتير ويحل ليك مشكلة الهوا ...... وتضيف ميه خضرا أسبانى هو الجركن 5 لتر بـ 30 جنيه ..... ويا رب أكون أفدتك ...... وطمنا

حبيب قلبي يابو عاطف فعلا الغطا عندي بيبقى فيه تسريب لما بتسخن العربيه والاقي ترتشة مايه جامده بسدي تفضي القربه كلها مش عارف؟
هروح النهارده اغسل دورة المايه والقربه جديده مكملتش شهر

وياترى اللي بينضف الدوره ممكن يكبس ولا هيقولي تيت وتيت ؟ معلش مغسلتش الدوره قبل كده دي اول مره

طمني ياحماده
حاجه كمان الشكمان بيجيب نقط مايه الصبح وهيا بارده بس لما بتسخن مبيعرقش
افيدوني افادكم الله

مستنيك انت كمان ياطناني لما تصحى بقه