الموضوع: ايه رأيكم في اللي عملته أسماء محفوظ في العباسية؟

المشاركة الأصلية كتبت بواسطة nevozaky

انا مش مع حضرتك
انا لا اعظم شخص انا هنا باتكلم عن الجيش والقوات المسلحة انا باعتبرهم فعلا خط احمر .مش خوف بقدر ما هو رمز حمايتك ورمز بلدك انا مش باتكلم على المشير انا باتكلم على الجيش .على القوات المسلحة .
وكلامى ده لا ينفى وجود للفساد بطبيعة الحال فى عصر كله كان ملىْ بالفساد
انا باتكلم على اهانة امنك ووطنك ومن يحمى هذا الوطن وليس على شخص معين نعبده ونجعله اله .
تقبل تحياتى واحترامى

ومين جاب سيرة الجيش اصلاً ؟

المشاركة الأصلية كتبت بواسطة nevozaky

حاليا فى الوقت اللى احنا فيه مش من المفروض ان اشتم او اسب فى اى شخص يتبع للقوات المسلحة على الاقل حاليا .
وانا قلت انا لا انفى الفساد الموجود .
ولكن حاليا مش هاتهمه باى شىْ
بص حضرتك انا لا اميل الى حركة 6 ابريل .ولكنى حتى الان لا اقدر على انى اخونهم تماما لحين وجود الادلة والاسانيد الكاملة لادانتهم لو كانوا مدانين .
وانا مع لو هما مدانين يبقى لازم المجلس العسكرى ياْتى بالادلة الكاملة على كده واتهامهم على اساسها .
الا اذا كان الوقت غير مناسب لهم لاظهار هذه الادلة حاليا .
بس فعلا انا رايى الاساءة لاى قائد يتبع للقوات المسلحة حاليا لازم يبقى خط احمر
وافتكر حضرتك انا بقول حاليا .
تقبل تحياتى

كونك تتوقفين في الحكم على 6 ابريل انتظارا للادلة هو ادانة في حد ذاته في الوقت الحالي
لا اطالبك او غيرك بما هو فوق طاقتكم
لكن هناك ما يسمى ضمير الامة والحس الوطني الذي هو بوصلة تحديد الاتجاهات الصحيحة
اذا كنت تعترفين ان نظام مبارك فاسد فالمنطقي ان من تعبوا وتعذبوا حتى يسقطون هذا النظام الفاسد لا ننتظر الادلة حتى نحكم عليهم خصوصا اذا كانت الادلة كما يقول الرويني من عام 2009 اي من ادراج امن الدولة الفاسد
فمن يحارب الفساد هو شريف و لا شك
(فَمَاذَا بَعْدَ الْحَقِّ إِلاَّ الضَّلاَلُ فَأَنَّى تُصْرَفُونَ)

هل الغاية تبرر الوسيلة انى اخد تمويل او تدريب من دولة اجنبية حتى لو مش امريكا

6 ابريل لم تاخذ تمويل اجنبي ولا تقبل الا تبرعات المصريين بعد تدوينها ماليا واكبر مبلغ تبرع لهم من مصري كان الفين جنيه
اسماء محفوظ نفسها قالت مع هالة سرحان اقبضوا على وودوني المحكمة علشان تعرفوا ان احنا ليس لنا تمويل اجنبي
وهو ايه اكثر من ان 6 ابريل تتحدى المجلس العسكري بتقديم وثيقة صحيحة

للتدريب على اى امور معينة لتعليم كيفية عمل المظاهرات وتجميع الشعب حولى .وتعليم كيفية عمل عصيان مدنى ؟

لا يوجد تدريب ولكن استكشاف لعمل شباب قام بثورة سلمية ادت بخلع الدكتاتور سلوبودان ميلوسوفيتش اللي دمر مسلمي البوسنة
مثلما يحدث الان ان شباب سوريا يتعلم مننا وكما حدث وتعلم الشباب الاسباني من 6 ابريل لعمل مظاهراتهم الشهيرة في اسبانيا في ميدان سموه ميدان التحرير وهذه الثورات سواء الصربية او المصرية هي ثورات تدرس بالمدارس والمعاهد فهل تدريسها خيانة
كما ان المركز الديمقراطي لتعليم التواصل الجماهيري والعصيان المدني هو معهد موجود في مصر وقلنا كل هذا هو علم كامل حديث لا ستخدام التواصل الحديث مثله مثل علم الادارة والجودة وشبيه بعلم الحشد الجماهيري في حملات الانتخابات الرئاسية
فكل شئ شرعي وقانوني فالعمل مشروع لابادة نظام قمعي فلماذا تشويه الثورة المصرية العظيمة بالقول ان الذي خطط لها عملاء خونة وليس شباب تعب وناضل وتعلم واخذ اسباب العلم ولكن الشعب طيب ولكن هؤلاء الخونة لهم اهداف خبيثة كأن يتسلمون السلطة والحكم !!!
وكان تسلم السلطة ليس عمل مشروعا وليس هدف كل حركة وحزب سياسي !!!!

ولو ساْلت حضرتك سؤال تانى معلش وهل امريكا او اى دولة تانية اوروبية تريد لنا الخير وتريد ان تمد يد العون لنا ؟
هل تريد ان تجعلنا دولة قوية متقدمة بها نظام عادل ؟

لا طبعا
واول من طرد هيلاري كلينتون من ميدان التحرير هم شباب 6 ابريل لان امريكا كانت تدعم مبارك
اما القول بان امريكا ساعدت الشباب فهو قول باطل لان امريكا واسرائيل لا تزال تبكي على مبارك ولكن تريد ان تركب موجة الثورة المصرية لكي لا يحدث كما حدث في ثورة ايران
فمن يصدق ان امريكا تنقلب على مبارك رجلهم الاول في المنطقة وحامي حمى اسرائيل

من يمد اسرائيل حتى الان بالغاز المصري ؟ اليس المجلس العسكري
الم تسمعي الرويني وهو يقدم لائحة اتهام 6 ابريل انه يتهمهم بتفجير خط الغاز الموصل لاسرائيل ؟!!!! الذي قال المستشار نائب رئيس محكمة النقض السابق حين تفجيره ان الذين فجروه ابطال
تخيلي
المجلس العسكري شريف مناضل وخط ازرق
و 6 ابريل خونة وعملاء
مالكم يا شباب مصر موازينكم مقلوبة

إبريل: صور محمد عادل كانت بسلاح الشهيد الفلسطيني نضال فرحات

المشاركة الأصلية كتبت بواسطة nevozaky

بص حضرتك الموازين ما اتقلبتش ولا حاجة .
بس اللى بيحصل بيدعو للريبة والشك مش فكرة تخوين لله والوطن وخلاص .
انا سمعت فى التليفزيون وهاحاول ادور لحضرتك اكيد موجودة على النت ان محمد عادل قال ان احنا لما ساله المذيع عن تكلفة السفر قال له طبعا احنا مش معانا المبلغ كله جزء احنا دفعناه وجزء المنظمة او مكان التدريب اللى تدربنا فيه هوه اللى دفعه .
هاحاول ادور عليه واجيبه لحضرتك .
وانا مؤمنة ان امربكا مع الرايجة او مع ما يحقق مصلحتهم .يعنى عاش الملك مات الملك
مش هتقف على مبارك يعنى حتى لو راجلها الاول
وطبقا لافكار مكافيللى معلم جميع القادة واستاذ كل الرؤساء هابيع اى حد علشان مصلحتى حتى لو جنودى مش الراجل بتاعى بس اللى هوه حسنى مبارك .

عارف الفيديو ومفيهوش اي كلام عن تمويل خارجي
ركزي في كلام محمد عادل كويس
واتناقشنا في الفيديو ده هنا امبارح
يعني مثلا نص تذكرة محمد عادل دفعها اصدقاءه في حركة الشباب الصربي (وليس تمويل من منظمة) تخليه عميل وخاين واللي يصدر الغاز الى اسرائيل حتى الان بطل وخط احمر؟
بس طالما مقتنعة ان لهم تمويل اجنبي فهذه خيانة يبقى ما بني على باطل فهو باطل يعني الثورة مشروع باطل لاننا اتفقنا ان الغاية لا تبرر الوسيلة
وازاحة حسني مبارك وجمال وصفوت الشريف والعادلي عن الحكم عملية باطلة وغير شرعية ويجب ان تكوني عادلة وتطالبي صراحة بعودتهم
و لايجب ان يكون الانسان انتهازي ويأخذ باليمين ويضرب بالشمال
هذا اذا كنت منسجمة مع افكارك
انا تفكيري عكس ذلك بالطبع