ساندريو ولا نيو سبارك ولا نيو بيكانتو؟

**MoMaDoW** · 26-07-2011 06:49 PM

ساندريو ولا نيو سبارك ولا نيو بيكانتو؟

السلام عليكم.. عايز حاجة كاملة مانيوال تقفيل بلادها.. في حدود السبعينات.. بافكر في النيو سبارك و النيو بيكانتو وزاد عليهم الساندريو الرينو.. حد جرب الساندريو؟ اي تعليقات؟ انا عايز اجيب البيكانتو بس لما الوكيل ينزلها لان الموجودة خليجي.. ناس كتير متكلمة عن غلو سعر النيو سبارك.. لكن ماحدش اتكلم عن غلو سعر البيكانتو.. يا ترى ليه؟ اخيراً انا خايف من الرينو لو جيت ابيعها سعرها يقل جامد.. بس هي 1600 ودي ميزة كبيرة.. شكراً مقدماً

**Hkawetsh** · 27-07-2011 05:23 AM

السلم عليكم . انا اسمى هشام و هتكلم مع حضرتك بوجه عام . انا جربت السبارك و البكنتو و الاتنان تاريبن زى بعض تماما لايكاد فى اختلاف فى الاداء. بالنسبة للشكل , السبارك حاسس انها شوية و هتقى النقل chevrolet l200 . البكنتو لزيزة . انا شخصيا ارشح البكنتو . السبارك مبالغ فى شكلها شوية من نحية الفوانيس و بادج الشركة الامامى .
السانديرو موجودة بالخارج من فترة و كان التقيم بتعها حلو . لاكن بامانة مش عارف عنها حاجة . كل اللى اقدر اقولوا لحضرتك ان التقيم بتعها كان كويس .

**MoMaDoW** · 28-07-2011 01:52 AM

شكرا استاذ هشام..

**RAMYALI_1982** · 28-07-2011 11:47 AM

ياسيدى الفاضل

لا مجال للمقارنة بين السانديرو والعربيات التانية اللى انت بتتكلم عنها دى
السانديرو 1600 موتور ميجان فرنساوى 100 % عفشة قوية جدا (نفس عفشة اللوجان) عشان كدة هى امتن واقوى وعلى المدى الطويل هى اطول عمرا من السبارك والبيكانتو
ولو انت بتسافر باستمرار يبقى اكيد السانديرو عشان حمولة اكبر وحجم اوسع واريح دة غير شنطتها التى تقارن بالسيدان وليس الهاتش باك تتعدى سعة ال300 لتر بس مش متزكر اد اية بالضبط
وفى الاخر متنساش الاستخارة وربنا يوفقك بس بالامانة انا لو مكانك هاعمل كدة

**MoMaDoW** · 28-07-2011 04:41 PM

الف شكر يا فندم على النصيحة الغالية.. بس انا عارف كل المميزات دي.. اللي انا خايف منه تمن قطع الغيار.. وسعر البيع.. وسهولة البيع.. العربية مش امكانيات بس.. ولا حضرتك شايف ايه؟