غيرت هواء كاوتش السيتي بالنيتروجين ..........

**FrozenFire** · 26-07-2011 08:32 PM

السلام عليكم ورحمة الله وبركاته......

من حوالي 3 أسابيع لقيت الفردة اللي قدام شمال مريحة شوية، قلت أروح أشوف فيها إيه. لقيت الراجل اللي بتعامل معاه جاب جهاز النيتروجين. الراجل قال لي يا دكتور عايزين نغير الهواء بنيتروجين. قلت ماشي.

المهم، وما طولشي عليكم ( قولوا طول)......

رفع العربية ومن غير ما يفك الكاوتشات، وصل الجهاز بفردة الكاوتش. والأول شفط الهوا اللي جوا تماما لحد ما الكاوتش بقى عامل زي المربع بالظبط على الجنوط. وبعدين راح عاكس إتجاه الجهاز وضغط النيتروجين.

عمل كده في كل عجلة على حدة. إستغرق الأمر أقل من ربع ساعة. ده كتير خصوصا إننا كنا بنحكي ونضحك مع بعض.
الحساب الإجمالي كان المفروض 30 جنيه ولكن عشان هو معرفة حسبه ب 25 جنيه.

بصراحة كنت معتقد إن الراجل بيشتغلني عشان يعمل شغل وأهو أي كلام وخلاص ولا ححس بفرق ولا يحزنون.......

أول ما إتحركت بالعربية حسيت بفرق واضح جدااااا. المطبات بقت أنعم بشكل ملحوظ.

المناطق الخشنة من الطريق كانت بتعمل دوشة جامدة جوا العربية لدرجة إني كذا مرة أول ما جبت العربية كنت أقف وأتأكد إن الكاوتشات مش نايمة. ده كله إختفى تماما. الدوشة قلت بنسبة 75% وبقت حاجة بسيطة تكاد تكون معدومة.

حسيت فعلا إن العربية بقت على وسادة هوائية ناعمة جدا.

بالنسبة لثبات العربية فبصراحة ما حستشي إنه فرق قوي يعني. هي بقت أنعم من الأول لكن ما حستشي بفرق قوي في الثبات. هو زاد شوية صغيرين. مش اللي تحسه قوي.

بالنسبة لإستهلاك البنزين، فبصراحة ما حستشي برضه، يمكن لأنها أصلا موفرة جدا في البنزين وأنا ما بحرقشي على الموتور ولا بجري إلا قليل جدا.

بقالي حوالي 3 أسابيع حاطط النيتروجين وما روحتش شيكت على الكاوتش لأن ضغطه ثابت ولم يتغير.

وسألته لو أنا ماشي في حتة ولقيت الكاوتش ريح شوية ومش لاقي حد عنده نيتروجين قريب، أعمل إيه؟ قال: زود الكاوتش هوا عادي جدا لحد ما تيجيلي ونبقى نغير الهوا تاني بنيتروجين.

ده باختصار تجربتي مع النيتروجين.

الخلاصة: أنصح الكل وبشدة بتغير هواء الإطارات بنيتروجين.

والسلام ختام

**Hamdy Masria** · 26-07-2011 09:04 PM

مبروك عليك النيتروجين يا دكتور
اهم حاجة تكون ظبط المقاس صح زى اللى مكتوب عندك على قايم الباب
انا عندى الظبط بيكون 26 قدام و 28 ورا لو العربية محملة
وبالنسبة انك تزود هوا ممكن لغاية 3 درجات هواء بس
ولو اكتر من كده لازم تفضى العجلة وتملاها من جديد
على فكرة الفردة بتتعمل ب 5 جنية فقط
وفى ناس بتطلب 6 جنية
وحضرتك كده المفروض تعمل تشك على المقاس كل شهر

**M_Nabil** · 26-07-2011 09:05 PM

مبروك يادكتور النيتروجين الجديد بس هو ملهوش علاقة بالثبات لا من قريب ولا من بعيد الفوائد بتاعته الملحوظة هى عدم احتياجك لتزويد الكاوتش كل فترة قريبة بالاضافة لتقليل الاحساس بالمطبات نوعاً ما

**tarekzein** · 26-07-2011 09:20 PM

مبروك يادكتور

الموضوع ده قتل بحثا والإختلاف فى الآراء كبير جدا

لدرجه مخليانى مش قادر أحكم عليه

لما أجربه بقى :)

**FrozenFire** · 26-07-2011 10:51 PM

المشاركة الأصلية كتبت بواسطة hamdymsr

مبروك عليك النيتروجين يا دكتور
اهم حاجة تكون ظبط المقاس صح زى اللى مكتوب عندك على قايم الباب
انا عندى الظبط بيكون 26 قدام و 28 ورا لو العربية محملة
وبالنسبة انك تزود هوا ممكن لغاية 3 درجات هواء بس
ولو اكتر من كده لازم تفضى العجلة وتملاها من جديد
على فكرة الفردة بتتعمل ب 5 جنية فقط
وفى ناس بتطلب 6 جنية
وحضرتك كده المفروض تعمل تشك على المقاس كل شهر

متشكرين على الإفادة

المشاركة الأصلية كتبت بواسطة m_nabil

مبروك يادكتور النيتروجين الجديد بس هو ملهوش علاقة بالثبات لا من قريب ولا من بعيد الفوائد بتاعته الملحوظة هى عدم احتياجك لتزويد الكاوتش كل فترة قريبة بالاضافة لتقليل الاحساس بالمطبات نوعاً ما

أنا فعلا حسيت إنه مالوش تأثير على الثبات

المشاركة الأصلية كتبت بواسطة tarekzein

مبروك يادكتور

الموضوع ده قتل بحثا والإختلاف فى الآراء كبير جدا

لدرجه مخليانى مش قادر أحكم عليه

لما أجربه بقى :)

مش قادر تحكم عليه؟ هو قاتل حد وأنا مش واخد بالي؟ هاهاهاهاهاهاها
ياريت لما تجرب تقول لي عملت إيه؟

**No Comment** · 27-07-2011 01:20 AM

يوم الأحد انا كمان حطيت نيتروجين عندى من برجستون عباس العقاد- النحاس بـ 20 جنيه وظبطت الضغط على 30 .
وحطيته علشان الجرى بيسخن فرد الكاوتش فبيزيد ضغطه ... لاكن مع النيتروجين بتفضل ثابتة نسبياً .
ده غير انه المفروض بيحافظ على مادة الكاوتش ذات نفسها ... وكمان الجنط من الداخل وبيقلل فرص صدأه .
أما بالنسبة لراحة العفشة واحساسى بالنقر والمطبات ... بصراحة مش عارف خايف أقول أحسن واطلع فى الآخر موهوم .
أما الثبات فمعتقدشى انه هيبقى ليه علاقة بيه ... اللهم انه زى ما قلت المفروض مبيتمددشى مع السخونية وبالتالى يأثر على زيادة الضغط فى الكاوتش فيققل الثبات .
والله أعلم .

**hany63** · 27-07-2011 10:40 AM

اهم ميزه للنتروجين انه مش بيتمدد مقارنه بالهواءوبالتالى الضغط ثابت فى جميع درجات الحراره
مثلا فى حالة الهوا جرب تقيس الضغط قبل ما تطلع بالعربيه هاتلقاه اقل 4 درجات لما توصل للمحطه وبالتالى يأما الدركسيون تقيل و العفشه كويسه او الدركسيون خفيف و العفشه ناشفه و الموضوع ده بالتجربه العمليه عشان انا معاى مقاس كاوتش
انما النتروجين ما بيعملش كده وعشان كده بتحس ان العفشه انعم

**semba1** · 29-07-2011 01:45 AM

عليكم وارابكم ناس محترمة فعلا......

-

الموضوع: غيرت هواء كاوتش السيتي بالنيتروجين ..........

LinkBack

أدوات الموضوع

عرض

غيرت هواء كاوتش السيتي بالنيتروجين .......... - انشر الموضوع فى :

-

-

-

-

-

المواضيع المتشابهه

تسريب هواء من كاوتش باب الفيرنا

منفاخ كاوتش (كومبؤيسور هواء) يعمل على الولاعة

استبدل هواء اطاراتك بالنيتروجين واستمتع وعيش

ملء كاوتش اللانسر بالنيتروجين بدل الهواء

الكلمات الدلالية لهذا الموضوع

المفضلات

المفضلات

ضوابط المشاركة