قالولي في التوكيل ان اللوجان فيها امبولايزر ومش محتاجة انذار

**Xlance2010** · 27-07-2011 02:10 PM

انا عن نفسى حليت المشكلة بأنى وضعت السيارة فى جراج ، وده فى رأيى احسن حل بعيدا عن السرقات والكسر لان ممكن حرامى يكسر زجاج يكلفنى قيمة الجراج 3 او 4 شهور وممكن يسرق استبن مثلا يكفنى الجراج سنة كاملة وفى نفس الوقت نعمل بقاعدة اعقلها وتوكل

ونسأل الله السلامة
اسمى اسفل مشاركتى

**MOUSTAFA_SAAD** · 27-07-2011 05:47 PM

المشاركة الأصلية كتبت بواسطة gebreel

بص يا باشا الاموبيلايزر مستحيل ان حد يدور العربية غير بمفتاحها فلو لا قدر الله هتحصل سرقة هتبقى لمحتويات العربية مش للعربية نفسها لكن الحالة الوحيدة اللي ممكن العربية كلها على بعض تتسرق انها تتشال على ونش و محدش ساعتها هيحس بيها

اللي انا عاملوا بقى اني مخلي العربية زي ما هية بدو لا انذار ولا حاجة و في نفس الوقت مبخليش حاجة ذات قيمة في العربية باينة يعني وش الكاسيت بشيلو و مبسيبش اي كيس او اي شنطة او حاجة تطمع الحرامي انو يكسر العربية علشان ياخدها و بركن بقدر الامكان في حتة صاحية فيها ناس علشان اصعب اي حاجة على الحرامي

لو ركبت انذار برة هيطلع ضفيرة العربية من الضمان و لو ركبتوا في التوكيل لو رضيوا فرع اسكندرية بيركبوا بمصنعية 400 جنيه غير ثمن الانذار نفسو