اختلف مع الجميع فى موضوع البنزين

**solycar** · 07-05-2008 12:13 AM

المشاركة الأصلية كتبت بواسطة محمد ابراهيم 1

الحكومه فاكره إن أى حد راكب عربيه يبقى مقتدر
ومش حاطين فى دماغهم إننا بنركب العربيه لإنعدام آدميه البدائل الأخرى
يعنى لو فيه أوتوبيسات نضيفه ومعقوله فى إزدحامها مكنش حيبقى فيه هذه الرغبه فى السيارات الخاصه لحفظ ما تبقى من الكرامه فى هذا البلد
وبعدين
أنا واحد من الناس معنديش مانع تبقى كل أسعار السلع زى أوروبا بس على شرط تبقى الدخول زيهم
مش عارفين يعملوا كده
طيب فيه حل كويس يفارقونا بقى كفايه زهقنا
................................................

الفكرة مش ان انت عندك عربية بس
فى ناس كتير (انا اعرف ناس كتير من النوع دة)عندهم اكتر من 3 عربيات
و تلاقيهم قسط
واحدة خاصة بية
واحدة للمدام او الاولاد
واحدة سيبها تتاجر فى معرض كدخل اضافى

**solycar** · 07-05-2008 12:17 AM

يا ريت يا جماعة متفهمونيش غلط
انا معاكو ان الحكومةXXXXXXX فيها كل العبر
لكن مش كل قرار يتم فية مهاجمتها و خلاص
انا فى رائي الشخصى المتواضع ان دة افضل حل و لكنى مختلف معهم فىكيفية تنفيذة و جدولته و دراسة التوابع

طب ممكن اى حد يقوللى انه موافقنى او يكون عندة اقتراح شخصى

تم الحذف لمخالفة قواعد المنتدى

الإدارة - 3

**Ahmed Selim** · 07-05-2008 12:29 AM

المشاركة الأصلية كتبت بواسطة solycar

يا ريت يا جماعة متفهمونيش غلط
انا معاكو ان الحكومة فيها كل العبر
لكن مش كل قرار يتم فية مهاجمتها و خلاص
انا فى رائي الشخصى المتواضع ان دة افضل حل و لكنى مختلف معهم فىكيفية تنفيذة و جدولته و دراسة التوابع

طب ممكن اى حد يقوللى انه موافقنى او يكون عندة اقتراح شخصى

نبيع الغاز بالسعر العالمى مثلاً؟؟؟؟؟

**Chicco** · 07-05-2008 12:34 AM

المشاركة الأصلية كتبت بواسطة solycar

جميل اوى اوى اوى
بس اللى انت بتقولو دة لازم يحصل بغض النظر عن وجود غلاء او ارتفاع اسعار البنزين
مش لازم تحصل مصيبة عشان نقضى على الفساد

إنت سألت إيه اللي ممكن يغطي عجز الموازنة بدل زيادة أسعار البنزين و ديه كانت الاجابات ....ضغط الأنفاق الحكومي و القضاء على الفساد و ضرايب على المليونيرات اللي ماليين البلد...... ما أختلفناش بس ما بيحصلش .......على العموم إنت حر في رأيك و السلام ختام

**solycar** · 07-05-2008 12:42 AM

المشاركة الأصلية كتبت بواسطة Chicco

إنت سألت إيه اللي ممكن يغطي عجز الموازنة بدل زيادة أسعار البنزين و ديه كانت الاجابات ....ضغط الأنفاق الحكومي و القضاء على الفساد و ضرايب على المليونيرات اللي ماليين البلد...... ما أختلفناش بس ما بيحصلش .......على العموم إنت حر في رأيك و السلام ختام

ممكن تحددلى مين المليونرات و هتاخد منهم كام
مع العلم ان فى قانون XXXXX يحميهم و فى مصالح بين الناس دى و ناس فى الحكومة (شغل من تحت الترابيزة)

مفيش مسئول هيقدر يفضل مصلحة الشعب على مصلحته الشخصية

تم الحذف لمخالفة قواعد المنتدى

الإدارة - 3

**MohabSaeed** · 07-05-2008 12:52 AM

المشاركة الأصلية كتبت بواسطة محمد ابراهيم 1

الحكومه فاكره إن أى حد راكب عربيه يبقى مقتدر
ومش حاطين فى دماغهم إننا بنركب العربيه لإنعدام آدميه البدائل الأخرى
يعنى لو فيه أوتوبيسات نضيفه ومعقوله فى إزدحامها مكنش حيبقى فيه هذه الرغبه فى السيارات الخاصه لحفظ ما تبقى من الكرامه فى هذا البلد
وبعدين
أنا واحد من الناس معنديش مانع تبقى كل أسعار السلع زى أوروبا بس على شرط تبقى الدخول زيهم
مش عارفين يعملوا كده
طيب فيه حل كويس يفارقونا بقى كفايه زهقنا
.....

تسلم ايدك ............ لو فى مواصلات ادميه حنركن عربياتنا ونركبها ....... ونخليها للسفر بس او للمشاوير الى بيكون فيها كل الاسره ....... او حتى نبيعها

لكن فين المواصلات الادميه ........... حد جه 6 زفت قطران اكتوبر وشاف المواصلات عبارة عن ايه ؟؟؟؟؟؟؟؟؟؟؟؟؟؟؟؟؟؟ انا ماسك نفسى والله مش عاوز اغلط ................. المواااااااصلات فى المحافظه الواعده عباره عن عربيات نص نقل زى بتاعت البهايم ...وحطين فيها صندوق وبيركبها الناس بالنفر للتنقل مابين احياء المحافظة الراقيه ................. بس ولا كلمه محدش يقول الحكومه معاها حق .
ولو انتا مرفه فى 6 اكتوبر وعاوز تروح مشوار مخصوص لوحدك ... بردة حتوقف عربية نص نقل وتركب جمب السواق وتدية 2 او 3 وسعات 5 و6 جنيه ... وتقوللولى مش عارف مين ؟؟؟؟؟؟؟؟؟؟؟؟؟؟

شوفو المدينة بقت عاملة ازاى كلها تكاتك وزفت ... كلها عربيات نص نقل من كفر الشيخ و بنى سويف و الفيوم ....... والى بيسقوها مجرمين وحرامية وممعاهومش رخص و الكارثه انى بشوف بنات كتير بتركب معاهم وبليل لان مافيش بديل .

انا كرهت 6 اكتوبر وكرهت القاهره و كرهت مصر كلها و كرهت الشعب و كرهت نفسى . والى متضايق من كلامى يتضايق

والله لاصورلكم المناظر الغير ادميه ديه .... وتحكمو بنفسكم فى مدينة المفروض انها راقيه واسعار الشقق بتعدى ال 250 الف جنيه.

**د.أحمد سمير** · 07-05-2008 01:11 AM

طب بص شوف الموضوع ده علشان تعرف حقيقة الوضع
http://www.nilemotors.net/Nile/showt...d=1#post254496

**turboman** · 07-05-2008 01:51 AM

الواحد والله ياسف ان الحكومة وصلت لانها توهم الناس بافكار زي بتاعة كاتب الموضوع مع احترامي الكامل ...........سيدي اولا اي دولة محتاجة موارد شعبها مش مسؤول انه يوفرها يعني الحكومة لما تتزنق مش انا و انت اللي نوفرلها دخل من جيوبنا و في امريكا مثلا اي مرشح للرئاسة بيلمح انه هيخفض الضرائب بيكسب اصوات كتير ............سيدي باختصار كده الحكومه اللي لما تتزنق ترفع الضرائب او الاسعار او البنزين دي حكومة فاشلة .........بلاش يا سيدي طيب انا بقى في مقابل رفع الاسعار عايز مستشفى عدلة اتعالج فيها و مدرسة كويسة اعلم ابني فيها و طريق مرصوف ميكسرش عربيتي و ميه نظيفة اشربها............مش كده ولا ايه ......كل مصري عنده جرح مش راضي يطيب ..نصيحة للحكومة بلاش تيجوا على الجرح الناس مش ناقصة.......

**Chicco** · 07-05-2008 02:06 AM

ممكن تحددلى مين المليونرات و هتاخد منهم كام
مع العلم ان فى قانون XXXXX يحميهم و فى مصالح بين الناس دى و ناس فى الحكومة (شغل من تحت الترابيزة)

مفيش مسئول هيقدر يفضل مصلحة الشعب على مصلحته الشخصية

سولي باشا إنت متمسك برأيك و ده حقك طبعا ...اسمح لي ديه أخر مشاركة لي في الموضوع ده لأني مش شايف الحوار حيوصل لأي نتيجة ....المليونيرات و إلملياديرات ماليين البلد و اسمائهم معروفة للعامة قبل الخاصة .....على فكرة أرباح سنة واحدة لفرد منهم (كان ليه دور كبير في القرار الأخراني) أضعاف العجز الناتج عن العلاوة المشئومة ....يا ترى الأخ ده دفع ضرايب قد إيه ؟!