والدي في العناية المركزة ومحتاج مساعدة في معرفة جراح جيد لعملية قلب مفتوح

**mrwho1982** · 29-07-2011 11:42 AM

والله كان نفسي اساعد لكني لا امللك له الا الدعاء ربنا يشفيه يارب ويهون عليه

**Ghosts** · 29-07-2011 11:50 AM

المشاركة الأصلية كتبت بواسطة rosebox

+111111

اللى اعرفهم هما طارق حلمى و مجدى جمعه ممتازين
و مجدى جمعة بالذات شغال مع مجدى يعقوب على طول و انسان محترم جدا جدا جدا

و ربنا هو الشافى و كلهم اسباب

دة أختيار ممتاز و الأحسن لو وصلت لدكتور مجدى يعقوب نفسة ....
طبعآ دة هيكون أفضل كتير ....

**A.Saad** · 29-07-2011 11:53 AM

دعائى له بالشفاء

**MTAK** · 29-07-2011 12:30 PM

الف سلامة يا موتو و ان شاء الله يقوم الوالد بخير

**Haitham10** · 29-07-2011 04:09 PM

الف سلامة علي الوالد يا موتو
وان شاء الله يقوم بالسلامة تاني

**haroun707** · 29-07-2011 05:03 PM

بسم الله الرحمن الرحيم

أخباركم إيه يا جماعة .. للأسف الوالد إتعرض من 4 أيام لوعكة صحية شديدة ومحجوز في العناية من ساعتها بعد إصابته بجلطة في القلب وهو مركب 3 دعامات من 2006 وعامل قسطرتين قبل كدة، وعملنا إمبارح قسطرة الطبيب قال إنه فيه نسبة إنسداد عالية في الشرايين ومفيش حل غير في عملية قلب مفتوح وبشكل سريع حتي لا تحدث أي مفاجأت علي حد قوله.

للأسف أنا معرفش أي جراح كويس في هذا المجال ومليش سابق خبرة أو معرفة بموقف مشابه، ومحتاج أتحرك في الموضوع بشكل سريع.

يا ريت لو حد يعرف أسماء كويسة يدلني عليها .. أو يفيدني بمعلومات زي:

هل العملية فعلاَ مبقتش معقدة زي زمان ونسبة نجاحها عالية؟
مين أسماء كويسة للموضوع؟
تكلفة العملية بتبقي في حدود قد إيه؟
هل انا اللي بشترط علي الجراح المستشفي أو هو بيتعامل مع مستشفيات معينة وبحاسب الاتنين مع بعض ولا كل حاجة علي حدا؟
هل أقدر أتواصل مع الجراح يوم الجمعة أو السبت؟ الموضوع بياخد وقت قد أيه لترتيب الجراحة عشان تتعمل؟

وعايز أتأكد من معلومة الطبيب قالهالي .. هل فعلاَ لو المريض تعرض لتوقف سابق في القلب قبل العملية ده بينزل بنسبة نجاح العملية لنسب متدنية جداَ؟

وأشكركم جميعاَ وعافانا الله جميعاَ من المرض يا رب

اولاً : شفا الله والدك وعافاه

المشاركة الأصلية كتبت بواسطة bassem raafat

ألف سلامه للوالد يا باشا .

أنا والدى عمل عمليه القلب المفتوح سنة 2007 ، وكنت ساعتها قلقان زيك كده بالظبط والحمد لله قام بالسلامه وأول لما شافنى شتمنى كالعاده : ))

والدى عملها فى معهد ناصر ، واللى قام بيها كان الدكتور محمد الفقى ، وبالنسبه للتكاليف مش حقدر أفيدك لأن التأمين الصحى ساعتها دفع نسبه كبيره من التكاليف ، وعنوان الدكتور محمد الفقى 79 شارع رمسيس ، تليفون : 25755171 وتقريبا ليه عياده تانيه فى مصر الجديده .

الموضوع مش مقلق إن شاء الله ، بس لازم تتحرك من دلوقتى علشان عامل الوقت مهم .

وكمان عندك أغلب مستشفيات القوات المسلحه بتبقى قمه فى الخبره والنظام والنظافه .

وبالتوفيق ، وربنا يقومه بالسلامه إن شاء الله .

ثانياً: نفس اللى حصل بالظبط معايه وانا كنت داخل اقوله على دكتور محمد الفقى ( ربنا يباركله )
وعيادته اللى فى مصر الجديده موجوده فى ميدان صلاح الدين قريب جداً من ميدان الاسماعيليه

**زينة الله** · 29-07-2011 05:33 PM

ألف سلامة للوالد " ربنا يشفيه ويطمنكم عليه يا رب

**koki4life** · 29-07-2011 06:13 PM

شفاه الله وعافاه .......

ياريت تبدأ بمراسلة الدكاترة المكتوبة بياناتها في الموضوع من أجل الإسراع في البدء في الإجراءات ...........

-

-

الموضوع: والدي في العناية المركزة ومحتاج مساعدة في معرفة جراح جيد لعملية قلب مفتوح

LinkBack

أدوات الموضوع

عرض

-

-

-

-

-

-

-

المواضيع المتشابهه

أريد معرفة جراح أطفال

عايز أشترى مازدا 3 ومحتاج شوية معلومات عنها ومحتاج مساعدة الوحوش

احدث صورة للرئيس اليمني في العناية المركزة

مساعدة في معرفة سعر بيع الذهب

مطلوب متبرعين بالدم لعملية قلب مفتوح

الكلمات الدلالية لهذا الموضوع

المفضلات

المفضلات

ضوابط المشاركة