الموضوع: تيل الفرامل !!!!

متابع وربنا يستر علشان انا عندي نفس الصفارة من الجانب اليمين برده بس ناس اصحابي قاقولي ده تراب وعلشان انا غسلت العربية ومن ساعتها بسمع صوت صفارة لما بهدي خالص

المشاركة الأصلية كتبت بواسطة waelgabr

الصفارة دي فعلا عادية أنا بدأت عندي من 5000 لغاية لما إحتجت أغير تيل عند 30 ألف
تاني حاجه تغيير التيل حسب الإستخدام يعني ممكن يتغير على 10 و ممكن على 30 يعني دايما حاول ما تجريش كتير و تلزق في العربية إللى قدامك فتفرمل جامد حاول لما يبقى قدامك براح و تقف عند مطب أو تقاطع تمور العربية علشان السرعة تقل و ما تستهلكش الفرامل , ما تغسلش الجنط كتير طبعا السواد إللى على الطاسة هايديقك إبقى شيلوا بفوطة يدوبك مبلولة .
أما بالنسبة للسعر فهو غالبا ما دفعكش مصنعية إللى هي 40 جنيه غير الضريبة .
بس إنتا إبقى بطل جري و تنطيط و هو التيل يعيش شوية .

شكرا لحضرتك :) جايز اول ما جبت العربية كنت بسوق بسرعة شوية :) بس مش لدرجة" تنطيط" الى حضرتك بتقول علها ديه :)
عامتا انا دلوقتى بحسس عليها بحاول اهدى من بدرى و ما ادسشى فرامل جامد :)

المشاركة الأصلية كتبت بواسطة yoko

بالعكس يفضل معشق العربيه عشان تهدى اسرع ويوفر التيل مش يمور!!!!
أما موضوع غسيل الجنط لأ طبعا يغسله ويغسل الطنبورة بالميه بس تكون العربيه راكنه بقالها مده عشان متكنش الطنبورة سخنة وتبوظ
أنا بغسل الطنبوره كل 3 اسشابيع شهر بالكتير والتوكيل الي قايلي كده عشان لو فيه رايش ميدمرش الطنبورة

معاك في كل الباقي

تمام....شكرا يا باشمهندس احمد

المشاركة الأصلية كتبت بواسطة yoko

بالعكس يفضل معشق العربيه عشان تهدى اسرع ويوفر التيل مش يمور!!!!
أما موضوع غسيل الجنط لأ طبعا يغسله ويغسل الطنبورة بالميه بس تكون العربيه راكنه بقالها مده عشان متكنش الطنبورة سخنة وتبوظ
أنا بغسل الطنبوره كل 3 اسشابيع شهر بالكتير والتوكيل الي قايلي كده عشان لو فيه رايش ميدمرش الطنبورة

معاك في كل الباقي

بس أنا مش معاك يا بشمهندس فى موضوع التعشيقة لأنى كدا كدا هادوس دبرياش عشان أدوس فرامل والا العربية لو نزلت عن سرعة الغيار هاتبطل منى وكونى دوست دبرياش معناة أنى فصلت الحركة وبالتالى مش هاتفرق أنى أبقى ممور العربية ومن أنى أدوس دبرياش وأنا دايس فرامل