الموضوع: كل ما تريد معرفته عن الديفيل و تحسين نظام العادم

المشاركة الأصلية كتبت بواسطة AhmaZonG

بصراحة موضوع أكثر من رائع .. احيييييييك بشدة

كان نفسي في واحد فاهم في الموضوع ده من زمان ..

عايز اخد رأيك في حاجة ..

أنا معايا صني 2010 و عايز اعملها exhaust system كامل ..

المهم قاعدت لفيت و دورت و سألت ناااااس كتيييييير ..

ناس تقول اعمل واحد كامل بـ headers ..

ناس تقول لأ اعمل نظام عادي بس متشلش ال headers ..عشان غلط

ناس تقول شيل علبة البيئة .. و أنت بتقول غلط ..

واحد بقى قال لي متعملش حاجة من دول خالص .. شيل العلبة اللي في النص كلها .. و غير العلبة الأخيرة فقط و متغيرش مواسير الشكمان ال stock ..

أنا محتار و مش عارف اعمل ايييييييييه !!!! ..

يا رييييييت تدلني :)

متشكر قوي على تعبك ..

امازونج باشا

شوف يا كبير علبة البيئة دي لازم تتشال !!

لانك بمجرد ماتشلها العربية بتفوق جاامد !! بتكتم خروج العادم بطريقة غبية !! ؟

عايز اقولك انت لو فضيت محتوياتها فقط من غير ماتعدل اي حاجة تانية هتحس بفرق !

فدي حتما ولابد تتشال لانك لو عملت Exhaust من غير ماتشيل علبة البيئة اكنك ماعملتش حاجة !!

ال Exhaust نظام كامل بداية من الفلنشة اللى بتمسك في الهيدرز ولحد العلبة الاخيرة ماينفعش يبقى في حاجة في النص تعوق خروج العادم !

يعني لو عملت كل حاجة وسبت العلبة اللى ورا زي ماهي اكنك ماعملتش حاجة لانه هيخرج بسرعة ويجي عند العلبة اللى ورا يتكتم !!

نفس الكلام لو عملت كل حاجة وسبت في النص علبة البيئة هيجي عندها يتكتم !! يعني هو تخيله كدة عبارة عن انبوبة لو وسعتها بس سبت حتة ضيقة في النص او في الاخر يبقى انت كدة عملت ايه ؟؟ ولا حاجة !!

الشكمان يا يتعدل كله عشان تحس بفرق يا مايتعدلش !!

وموضوع الهيدرز طبعا بيفرق بس الفكرة ان انت بمجرد تشيل علبة البيئة / الفلتر والمحول الحفزي وتوسع المواسير عندك !! هتحس بفرق ! ممكن تكون مش محتاج هيدرز

عشان كدة بقولك تجرب الاول من غير الهيدرز لقيت الدنيا تمام معاك اوكي !! حبيت تاخد اداء اعلى كمان تعمل الهيدرز

انما الهيدرز مش غلط ولا حاجة بالعكس ده بيحسن كمان الاداء !!

وانك تشيل العلب اللى في النص من غير ماتعدل حاجة في الشكمان الاستوك !! اصلا عشان تشيلها هتقطع في الشكمان !! ؟ يبقى الاحسن تخلي الشكمان الاستوك زي ماهو وتوسع بمواسير جديدة مافيهاش علب في النص وده اكيد هيبقى احسن من انك تشتغل على الشكمان الاستوك وهيسهل خروج العادم

لان كل مابتسهل خروج العادم كل مابيقل ال Back pressure على الماتور بالتالي الاداء يتحسن

فضي نفسك يوم كدة ونروح سوا للطفي اتفرج على الشغل هناك على الطبيعية وشوف الدنيا وبعدها قرر انت عايز تعمل ايه