كل ما تريد معرفته عن الديفيل و تحسين نظام العادم

**ez_dentist_200** · 29-01-2012 04:10 PM

السلام عليكم: انا ركبت علبه جاسما و عملت انبوبه شكمان 2 بوصه من بعدج علبه البيئه في عربيه 1600 بس في فرق واضح بس لانا كنت متوقع سرعه اكبر من كده

**ez_dentist_200** · 29-01-2012 04:11 PM

ممكن حد عندو خبره و يقؤلي في مشاكل من النظام الي عمله ده ولا لا زززو يقؤلي كمان ازاي ازود السرعه

**smsm_nabawy** · 30-01-2012 03:22 PM

المشاركة الأصلية كتبت بواسطة ez_dentist_200

السلام عليكم: انا ركبت علبه جاسما و عملت انبوبه شكمان 2 بوصه من بعدج علبه البيئه في عربيه 1600 بس في فرق واضح بس لانا كنت متوقع سرعه اكبر من كده

المشاركة الأصلية كتبت بواسطة ez_dentist_200

ممكن حد عندو خبره و يقؤلي في مشاكل من النظام الي عمله ده ولا لا زززو يقؤلي كمان ازاي ازود السرعه

اولاً آسف على التأخير في الرد
السبب في عدم ظهور فرق كبير اوي زي منتا متوقع ،، انك معدلتش الهيدرز معاها "الفرن يعني"
كان المفروض توسع قطر الأنبوبة من اول الموتور لحد الأكصدام الي ورا !!

لكن كده غلط !!!! أنت موسع من بعد علبة البيئة بس و كده غلط و بيدي أثر وحش !! لأن كده انت خليط السريان turbulent !! اي نعم عملت فرق ضغط حولين علبة البيئة و ده بيسرع سريان العادم معاك !! بس نظراً للتغير السريع و الجامد في القطر مرة واحدة ده بيعمل دوامات !!! بتقلل معاك الأداء المنتظر

**smsm_nabawy** · 01-02-2012 11:29 AM

المفروض يبقى 2 بوصة فقط ميزدش عنهم علشان ميعملش صوت عالي زيادة عن اللزوم !! بما أن انت مش متربن يبقى 2 بوصة هو المفيد

حط كمان علبة بيئة بقطر داخل و خارج 2 بوسة لأي موتور 1600 ،، أنشالله علبة البيئة بتاعت بي أم !!

حط علبتين كاتم صوت في اللاخر على كل فرع من فرع الجاكمان !! أشتري حاجة جاسما أو أتش كي أس مستعمل حتلاقيه بحدود 500 لو نظيف جداً !!!
و لما تيجي تجيب الأثنين مع بعض حيعمل معاك الراجل تخفيض في السعر أكييد :)

أو ممكن تطلبهم انت من على النت

بالنسبة للمكان تشتري منين ،، للأسف مقدرش أفيدك في القاهرة ،، لكن أعرف أن الحرفيين عندكم فيها البدع !!

**smsm_nabawy** · 03-02-2012 07:44 PM

المشاركة الأصلية كتبت بواسطة smaaraa

موضوع جامد منك يامان علي فكره دي اول مشاركه ليه بالمنتدي وان شاء الله يكون في جديد مني ان شاء الله

أن شاء الله تنور ،، و شكراً على ذوقك و رايك

**bmya** · 16-02-2012 04:30 PM

السلام عليكم اولا شكرا ياباشا بجد على الموضوع ده وفعلا زي ما فارما قال من المواضيع القليله اللي مش معقده ومفهومه ومتزهقش من القراءه فيها وربنا يجازيك خير ان شاء الله
ثانيا انا عربيتي 1300 اتوماتيك ديهاتسو سيريون طبعا هاتش باك وعايز اركب علبه ديفل كويسه هل تفرق ان العربيه هاتش باك ولا سيدان في حاجه وهل انها اتوماتيك ده هيبقى مأثر في حاجه ؟ تاني حاجه انا عندي شكل الشكمان غريب اوي !!!
يعني اي شكمان شوفته بتلاقي اخر علبه خالص من الشكمان بيكون علبه كبيره ويدوب خارج منها ماسوره صغيره لاخراج العادم انا عندي بقه اخر علبه دي مكانها مش في اخر العربيه لاءه هي بعيد عن الاكصدام الخلفي بمسافه وخارج منها ماسوره طويييييييييله لاخر العربيه لاخر الاكصدام الخلفي اللي هي بيخرج منها العادم !!!
ده اسمه ايه بقه ؟ انا مش عارف انا مش عارف اوضح ازاي يارب تكون وصلت لك ياباشا انا قصدي ايه

**smsm_nabawy** · 16-02-2012 11:46 PM

مش حتفرق أنها هاتش ولا !!

و مش حتفرق ازا كانت اوتوا ولا !!

و كضلك مش حتفرق معاك العلبة التانية بعيدة عن الكصدام ولا !! :)

المهم أنها موجودة

و لكن أخي العزيز ،، للحصول على فرق أداء !! مجرد تركيب ديفيل لن يفيد !! هو حيعمل شكل و صوت بسيط !! ولكن الداء يجب أن يكون بعمل تعديل لنظام العادم كله !! :)

**bmya** · 17-02-2012 12:10 AM

يبقى ياباشا مش وصلاك الفكره :(
بص ياباشا العلبه الاخير عندي بعيده وخارج منها ماسوره طوييييييييله اللي هي بتكون باينه من تحت الاكصدام دي
طيب انا هجيب منين علبه ديفل بالطول ده كله عشان توصل لاخر الاكصدام ويبان منها مخرجو العادم
يعني هي مش هتفرق نهائي في الاداء ؟ مش انت قلت ا العلبه الاخيره بتكون عامله باك بريشر كبير وكده هيخ شويه ؟
عموما انا عاوز حاجه صوتها واطي او متوسط بس انا مش عارف بس المشكله اللي عندي تتحل ازاي ومش عارف اوصلك انا قصدي ايه
هحاول اصورها بس لازم افع العربيه تقريبا عشان تبان