الموضوع: كل ما تريد معرفته عن الديفيل و تحسين نظام العادم

المشاركة الأصلية كتبت بواسطة smsm_nabawy

نورت الموضوع :)



والله الي واثق منه أنه نظرياً بالتطبيق النظري حيكون فعلاُ الفرق محسوس !! مش حتحس أن العربية حتعتل معاك على اللآر بي أمات الصغيرة !!

بتحس بكده ؟؟ ان شوية كان العربية أنت بتكبس بنزين و هي مفيهاش عزم !! لفترة كده بسيطة من بداية الكبسة على السرعات القليلة ؟؟

لو جاي السكندرية قولي جاي امتى و أظبطلك الجيل بتاع الفلتر !! و الجيل الأصلي !!

و هل عايز معاه فلتر ولا ؟؟

شوف انا اللى حسيته او لاحظته بعد ماغيرت نظام العادم

انا غيرته من اول الفلنشة اللى ماسكة في الهيدر لحد العلبة الاخيرة "يعني شلت علبة البيئة وبقية العلب اللى في النص"

اللى حسيته ان العربية تحت RPM 3 تكاد تكون زي الاول يعني مافيش فرق

بعد مالعربية بتعدي RPM 3 بلاقي صوت الماتور اتغير وبحس بعزم شديد وان العربية بقت اقوى من الاول بكتير

لدرجة انك ممكن تحس اكن العربية قبل RPM 3 بماتور وبعدها بيتشال ويتحط ماتور غيره

---------

لما بركب الفلتر K&N العربية بتبقى ضايعة على السرعات القليلة وبتفوق على السرعات العالية - الكلام ده قبل ماعدل نظام العادم -

لما عدلت نظام العادم وركبت الفلتر تاني الموضوع اتظبط على السرعات القليلة مابقتش ضايعة يعني تقدر تقول كدة تعديل العادم عوض العزم الضايع من الفلتر على السرعات القليلة

بس في نفس الوقت بقت بتفوق بداية من RPM 4 !!

يعني بالفلتر الاستوك بتفوق من RPM 3 - وده اعتقد عشان نظام ال VVTi بيخلي الماتور على ال RPM القليل مش فاتح كل الصمامات عشان استهلاك البنزين وبداية من 3.5 RPM بالظبط بتبدا الصممات كلها تفتح -

اما بالفلتر ال K&N بتفوق من RPM 4

وعلى السرعات العالية مش قادر احددها بصراحة لكن مش عارف ليه بحس ان الفلتر الاستوك اقوى سواء على العالي او الواطي والعربية علطول حاضرة وفايقة

او يمكن عشان الفلتر ال K&N عندي اتوسخ وحالته بقت صعبة !!!

-------------

انا جاي اسكندرية بكرة ان شاء الله وهقعد بالكتير يوم او يومين

فلو تعرف محل كويس ممكن انضف عنده الفلتر بالزيت الاصلي بتاعه يبقى عملت معايا واجب لاني دايخ عليه ومشوار الحرفيين رخم وبعيد عليا فكنت بكسل اروح