مين غير ضفيرة الكهرباء وامتى وليه

**FBIAhmed** · 30-07-2011 09:13 PM

المشاركة الأصلية كتبت بواسطة kamello2003

غيرت الضفيره مرتين في عربيتين زيرو مكانوش عدو 5000 كيلو:
1-صني 2010 auto بسبب استهلاك مرعب للبنزين 150 كيلو/صفيحه (تم التغيير بضفيره ياباني و محصلش تغيير كبير وكرهت العربيه و بعتها)...
2-صني 2011 مانيوال بسبب علو ال rpm علطول (تم التغيير بضفيره مصري جديده بحجه ان الياباني غير موجوده)...العربيه حتى الان ممتازه
.
و كان تعليقى للمهندس محمد غالى في السبع ان دي نسبه مش قليله قاللي احنا بنعمل ريبورتات بكل دا للشركه
.
انا رايي ان شركه IDACO المصريه البتعمل الضفاير البايظه دي لازم نيسان تغيرها باى مورد تاني..والكلام دا انا قلته في السبع

و ايه هي اعراض علوه على طول يعني انا قصدي لما بدوس دبرياج ال rpm مابينزلش لوضعه لما اقف خالص و ادوس فرامل طول مانا بتحرك بيبقى على 1000 1200 لو وقفت بينزل لحد 630 الشرطه رقم 2 من تحت

هل كده فيه مشكله ؟؟؟

**FBIAhmed** · 30-07-2011 09:32 PM

المشاركة الأصلية كتبت بواسطة kamello2003

الrpm في حاله التوقف التام (السرعه صفر) كان برده بيفضل علي 1.5~1.9 وكمان في حاله فصل الحركه كان مبينزلش لحد مجنني

يعني انا كده في السليم

**Youssef.Awad** · 31-07-2011 12:28 AM

المشاركة الأصلية كتبت بواسطة HOSSAM_GABRE

طالما العربية ما ظهرشى فيها مشاكل طوال فترة الضمان يبقى مش حيظهر ان شاء الله مشاكل فى ضفيرة الكهرباء بعد انتهاء الضمان ولحد الآن لم نرى مشكلة فى ضفيرة الكهرباء بعد انتهاء الضمان مطلقا

**Youssef.Awad** · 31-07-2011 12:30 AM

المشاركة الأصلية كتبت بواسطة moustafa_saad

ياباشا انا مش قلقان والله

شكلك انت اللى قلقان عموما ان شاء الله ماحدش يشوف يوم فى ضفيرته ابدا ابدا

وعلى فكره انا اعرف ان فيه صنايعيه بيقسموا الضفيره بتاعت العربيه بس الكلام ده فى الموديلات القديمه

وبعدين انت مش حاتقولى على النيسان انا عاشرتها اكتر من اى عضو هنا تانى فى المنتدى فوق ال 500 الف كيلو فى 5 سنين وشويه بس كانت يابانى وماتور ديزل

هههههههههه
لا والله لا قلقان ولا اعرف ريحته حتى
وشكلك كده كانت عشرتك مع اليوريفان ميكروباص

**Youssef.Awad** · 31-07-2011 12:35 AM

المشاركة الأصلية كتبت بواسطة kamello2003

و كان تعليقى للمهندس محمد غالى في السبع ان دي نسبه مش قليله قاللي احنا بنعمل ريبورتات بكل دا للشركه
.
انا رايي ان شركه IDACO المصريه البتعمل الضفاير البايظه دي لازم نيسان تغيرها باى مورد تاني..والكلام دا انا قلته في السبع

كلام المهندس محمد غالى صحيح والدليل انهم مش بيماطلوا فى تغييرها وعالطول عندهم 2-3 فى السبع كل يوم استوك طوارىء وحتى لو مش موجودة بيحددولك ميعاد لتركيبها بس غريبة موضوع المصرى اللى ركبت عندك فى العربية التانية !!!
دى معاناها جاية من المصنع واحتمال تحصل اللى قبلها مش يابانى ولا تايوانى يعنى
وعلى ما اعتقد انهم فعلا مش بيدفعوا حاجة يعنى ممكن اوى بياخدوا بدالها سليم من الشركة الموردة عشان يعملوا ضفاير عدلة بعد كده

**Youssef.Awad** · 31-07-2011 12:39 AM

المشاركة الأصلية كتبت بواسطة kamello2003

الrpm في حاله التوقف التام (السرعه صفر) كان برده بيفضل علي 1.5~1.9 وكمان في حاله فصل الحركه كان مبينزلش لحد مجنني

وهو ده بالزبط اللى حصل معايا قبل ما اغيرها فى مانيوال مو2010

**Youssef.Awad** · 31-07-2011 12:41 AM

المشاركة الأصلية كتبت بواسطة fbiahmed

و ايه هي اعراض علوه على طول يعني انا قصدي لما بدوس دبرياج ال rpm مابينزلش لوضعه لما اقف خالص و ادوس فرامل طول مانا بتحرك بيبقى على 1000 1200 لو وقفت بينزل لحد 630 الشرطه رقم 2 من تحت

هل كده فيه مشكله ؟؟؟

يا استاذ احمد وحياة اولادك بطل وسوسة
والله لو بايظة هتلاقيها واضحة زى نور الشمس وتتغير
غير كده انت فى التمام

سؤال بسيط عرفت تقيس 630rpm دى ازاى ؟!!!

**FBIAhmed** · 31-07-2011 12:49 AM

المشاركة الأصلية كتبت بواسطة y2y1500

يا استاذ احمد وحياة اولادك بطل وسوسة
والله لو بايظة هتلاقيها واضحة زى نور الشمس وتتغير
غير كده انت فى التمام

سؤال بسيط عرفت تقيس 630rpm دى ازاى ؟!!! :e_braces[1]:

بيبقى بعد شرطه ال 5 بشرطه كبيره يعني 6 و 3 ملي صغيرين ميتلاحظوش الا بعين الناس الموسوسين .. و زي ما حضرتك عارف طبعا انا واخد نيشان من نيسان في الوسوسه

بص من الاخر اقتحمت ورشة السبع و شوفتها قاست كام على الجهاز و مدتش و لا dtc ما شاء الله و الحمد لله