ضفيرة الكهرباء في النيسان

**momo_h** · 31-12-2011 09:42 PM

هل تم حل مشكة ضفيرة الكهرباء في النسيان صني 2012 ولا نفس المشكلة موجودة زي الموديلات السابقة وكتير من الاعضاء كان بيقول ان الضفيرة بتعتبر عيب ي استهلاك البنزيصناعة في النيسان صني ؟
فهل في عيوب صناعة تانية في النيسان صني غير الضفيرة ؟
وهل استهلاك البنزين في موديل 2012 اقل من الموديلات السابقة لاني سمعت ان المصنع عمل تعديل في السيارة باضافة حاجة مش فاكر اسمها عشان تقلل استهلاك البنزين ؟
هل الكلام ده صحيح ؟
وهل التقفيل المصري سئ جدا ولا تقفيل كويس ؟
انا عارف طبعا ان أعضاء نايل موتورز في قسم نيسان مش بيبخلوا بالمعلومات وما شاء الله خبرتهم كبيرة جدا في الصني ومنتظر نصيحتهم و رأيهم في الصني 2012

وان شاء الله انضم ليكم

**Dr'AhmZZong** · 31-12-2011 09:52 PM

1/ موضوع الضفيرة ده بقى قليل قوي .. وحتى لو موجودة بتغير من غير أي تفكير .. ده فايدة التوكيل المحترم ..
2/ ساعات الكراسي بتزيء بسيط .. و برده بتتعالج في التوكيل . والكنبة اللي ورا ضيقة شوية. و العفشة ناشفة عشان عفشة سبورت < بس ده ميزة مش عيب > ..
3/صح .. بسبب اضافة حاجة اسمها oxygen sensor وده من أول 2011
4/لأ تقفيله كويس جدا .. متسمعش كلام حد .. هو آه مش بكفائة الياباني بس معقول قوي ..
5/بص العربية ما شاء الله جميلة جدا . موتور قوي جدا عشان كده سحبه للبنزين عالي شوية . تكييف تحفة .. عفشة ممتازة تستحمل أي حاجة .. عربية حمالة قاسية .. فيها كل اللي حضرتك عيزه بصراحة

تحياتي لحضرتك ونورت قسم نيسان ..

**Youssef.Awad** · 01-01-2012 01:06 AM

تأكيدا على كلام احمد .. انا افضل ان اختار عربية بها عيوب الدنيا والاخرة بشرط وجود توكيل محترم وبيحافظ على سمعته بكل ما تحمله الكلمة من معنى عن انى اشترى عربية مستوردة مافيهاش غلطة وتوكيلها ............ وطبعا انتوا عارفين لأنه للاسف السوق مليان عربيات وتوكيلات سيئة جدااااااااااا ومع الاسف برضه اسماء لصانعين كبار على مستوى العالم كله
طبيعى هانشكر فى العربية عشان احنا فى قسم نيسان .. لكن الملاحظ برضه اننا اتعاملنا مع كل عيوب العربية وبالاخص الصنى واتكيفنا معاها بشكل خلانا فصصنا العربية دى ووصلنا الحمد لله لمستوى ان مراكز الخدمة بيهتموا بارائنا المطروحة سواء هنا على صفحات المنتدى او بعد زياراتنا لاجراء صيانتنا الدورية وبدون مبالغة احنا دلوقت بنفكر فى تحسين اداء العربية والاهتمام بصيانتها غير كل راكبى النيسان صنى فى مصر والهدف اكيد لاقتناعنا الشخصى الكامل بالعربية وحتى نقدر نفيد حضرتك وناس كتير ونساعدهم على الاختيار الصحيح والاقتناع التام بانه لا يوجد عربية كاملة ولكن هى معادلة وباكدج كاملة متكاملة بنسب طبعا حسب احتياجات العميل
وانا عن نفسى اول حاجة بادور عليها وانا باشترى عربية فى مصر هى التوكيل اولا وثانيا وثالثا قبل اى شىء واهم من العربية نفسها ايا كانت صناعتها وجودتها وسعرها وكمالياتها ... الخ

**Dr'AhmZZong** · 01-01-2012 01:16 AM

المشاركة الأصلية كتبت بواسطة y2y1500

تأكيدا على كلام احمد .. انا افضل ان اختار عربية بها عيوب الدنيا والاخرة بشرط وجود توكيل محترم وبيحافظ على سمعته بكل ما تحمله الكلمة من معنى عن انى اشترى عربية مستوردة مافيهاش غلطة وتوكيلها ............ وطبعا انتوا عارفين لأنه للاسف السوق مليان عربيات وتوكيلات سيئة جدااااااااااا ومع الاسف برضه اسماء لصانعين كبار على مستوى العالم كله
طبيعى هانشكر فى العربية عشان احنا فى قسم نيسان .. لكن الملاحظ برضه اننا اتعاملنا مع كل عيوب العربية وبالاخص الصنى واتكيفنا معاها بشكل خلانا فصصنا العربية دى ووصلنا الحمد لله لمستوى ان مراكز الخدمة بيهتموا بارائنا المطروحة سواء هنا على صفحات المنتدى او بعد زياراتنا لاجراء صيانتنا الدورية وبدون مبالغة احنا دلوقت بنفكر فى تحسين اداء العربية والاهتمام بصيانتها غير كل راكبى النيسان صنى فى مصر والهدف اكيد لاقتناعنا الشخصى الكامل بالعربية وحتى نقدر نفيد حضرتك وناس كتير ونساعدهم على الاختيار الصحيح والاقتناع التام بانه لا يوجد عربية كاملة ولكن هى معادلة وباكدج كاملة متكاملة بنسب طبعا حسب احتياجات العميل
وانا عن نفسى اول حاجة بادور عليها وانا باشترى عربية فى مصر هى التوكيل اولا وثانيا وثالثا قبل اى شىء واهم من العربية نفسها ايا كانت صناعتها وجودتها وسعرها وكمالياتها ... الخ

مفيش بعد اللي إنت قلته كلام بصراحة

**maher75** · 01-01-2012 05:47 PM

انا معايا موديل 2011 وهى عربية ذى الفل قوية وثابتة ومابتحسش بالسرعة فيها وعيبها بس ضيقة شوية من الداخل مع ان حجمها مش صغير وده من وجهة نظرى راجع للكراسى المصرى حيث ان الملاحظ ان ظهر الكرسى الامامى عريض ذيادة وكذلك الكنبة القاعدة عريضة والظهر وممكن تعديل ذلك مع الشركة الموردة للكراسى

**Ahmed.TV** · 01-01-2012 06:45 PM

اضافة ان الضفيرة اغلب مشاكلها كانت فى تعليق الاربى ام .. ولما سالنا مهندسين كتير على موضوع انها ليها علاقة فى استهلاك البنزين .. وانها بتزوده .. قالوا لا

وفعلا فى اعضاء غيروا الضفيرة واستهلاك البنزين قبل ما يغيروها وبعد ما غيروها كان واحد
واللى اتظبط عندهم موضوع تعليق الار بى ام

بس الضفاير الاخيرة مفيش فيها مشكلة فى 2012 وعدلوا فيها من كتر ما حصل مرتجع منها

وبخصوص باقى الاستفسارات الاعضاء قاموا بالواجب .. ولوحضرتك اخدت فكرة ولفة فى القسم فى الموضوع المثبتة فى الاعلى .. حتلاقى موضوعات واستفسارات كتيرة جدا حتفيدك عن العربية وتقدر تحكم عليها

وحتى فيها موضوع السنسور الاوكسجين الجديد بتقرير عنها مثبت فى الفهرس

تحياتى ليك بالتوفيق والاستفادة واهلا بيك معانا معانا عضو دائم

**Sehsss** · 01-01-2012 08:39 PM

المشاركة الأصلية كتبت بواسطة Ahmazong

1/ موضوع الضفيرة ده بقى قليل قوي .. وحتى لو موجودة بتغير من غير أي تفكير .. ده فايدة التوكيل المحترم ..
2/ ساعات الكراسي بتزيء بسيط .. و برده بتتعالج في التوكيل . والكنبة اللي ورا ضيقة شوية. و العفشة ناشفة عشان عفشة سبورت < بس ده ميزة مش عيب > ..
3/صح .. بسبب اضافة حاجة اسمها oxygen sensor وده من أول 2011
4/لأ تقفيله كويس جدا .. متسمعش كلام حد .. هو آه مش بكفائة الياباني بس معقول قوي ..
5/بص العربية ما شاء الله جميلة جدا . موتور قوي جدا عشان كده سحبه للبنزين عالي شوية . تكييف تحفة .. عفشة ممتازة تستحمل أي حاجة .. عربية حمالة قاسية .. فيها كل اللي حضرتك عيزه بصراحة

تحياتي لحضرتك ونورت قسم نيسان ..