الموضوع: استطلاع مين غير ضفيرة الكهرباء

المشاركة الأصلية كتبت بواسطة y2y1500

يسعدنى ويشرفنى ان اكون اول عضو يكتب تعليق انى غيرت الضفيرة وشاركت فى الاستطلاع
والاجابة رقم 5
نعم غيرت ضفيرة الكهرباء
عربيتى صنى مو2010 مانيوال ex saloon
تم التغيير مع صيانة ال40.000 كم بعد سنة من الشراء
اول ظهور للاعراض كان بعد 10.000 كم بعد 3 شهور من الشراء وبعدين اختفت وكانت على فترات طويلة يعنى ممكن توصل لشهر تقريبا وتقعد فترة بسيطة وترجع لطبيعتها وبعدين بعد 30.000 كم وتحديدا عند 36.000 كم تم الضبط بالكومبيوتر فى حملة الفحص المجانى واعطائها مهلة لصيانة ال40 ولما زادت المشكلة اوى وبقت كل يوم وفترات طويلة واصبحت مستمرة رغم ابطال واعادة تدوير العربية قرر السبع انه يغيرها بواحدة يابانى او تايوانى المهم مش مصرى
الاعراض كانت معايا عبارة عن عدم انتظام فى الrpm فى السلانسيه وعند الفصل بالدبرياج تفضل معلقة عند 1500 او 2000 وتنزل لوحدها او تنزل بعد اعادة التدوير
ومع واحد صاحبى اخت عربيتى كانت بتحصل معاه انها تطفى فى السلانسيه منه فى المطبات وخلافه وهو ماشى وتم تغييرها برضه فى صيانة ال40.000كم
اتمنى ان اكون افتدك بتجربة شخصية
واخيرا دلوقت العربية مفيش فيها اى مشاكل ابدا من موضوع الكهرباء ده وعلى فكرة وقت المشكلة استهلاك البنزين لم يتأثر معايا لأن اغلب سواقتى كانت طرق سريعة مش جوة البلد وبالتالى كانت بتضايقنى بس صوت الموتور العالى وانا بانقل السرعات

تمام كدا الله ينور عليك ويبارك لك في عربيتك تعليق شافي ووافي وياريت كل اللي غير الضفيرة يكتب تعليق بنفس طريقة حضرتك علشان نستفيد من الموضوع ونقدر نعرف هل الموضوع نسبته عالية ولا محدودة وعموما الحمد لله إن التوكيل بيستجيب للموضوع فورا وبدون مشاكل

، يا ريت كل الزملاء يشاركوا في الإستطلاع وبالنسبة للأخوة اللي غيروا الضفيرة هما فقط اللي يكتبوا لنا تعليق

وعموما وعلشان مقطعش حبل أفكاركم ومتابعة تعليقات الزملاء اللي غيروا الضفيرة انا مش هدخل اكتب اي تعليق تاني

اخونا احمد مصطفي مش عارف ليه الاستطلاع مبيظهرش اسماء من قام بالتصويت مع اني كان نفسي اعمله زي ما انت نصحت عموما قدر الله وما شاء فعل

تم التغيير فقط لأستهلاك غير عادي في البنزين علي السرعات العالية و بعد التغيير اصبح من 240 كيلو في الصفيحة و اعلي علي الطرق المفتوحة