الموضوع: سيات ولا مازدا

المشاركة الأصلية كتبت بواسطة crayvor

مع احترامي للاختيارات اللي حاططها قدامك طالما انك مش مقتنع أساسا بالليون اللي كله بيرشحهالك يبقي كل اللي انت عملته من الأول غلط في غلط. لو جبت عربية مش مقتنع بيها عمرك ما حاتستريح فيها خصوصا انك ناوي تخليها معاك قترة طويلة. لو فيه شك في عيوبها أو امكانياتها هي دي اللي تستدعي مقارنة أو لو شايف كذا عربية محببين ليك ومش عارف تختار. انما انك تحاول تختار عربية مش مقتنع أساسا بيها زي اللي بيحاول يقنع نفسه بحاجة هو مش حاببها أساسا.

وبعدين ميييييييين اللي قالك ان بتوع المبيعات بيدورو علي مصلحتك؟ انت أساسا مجرد واحد من الكام ألف عميل اللي تعاملو معاه قبل كدة. قبل ما أكمل كلامي حاديك مثال..
أخويا كان في الطارق (اللي في كارفور اسكندرية) بيسأل عن عربيات والبيه رشحله كيا ريو علي أساس انها نضيفة وجميلة ومهشتكة وكان فعلا حايقتنع لولا صحيته من الحلم وقلتله "انت شوفت كام واحدة منها في الشارع" وراهنته ان قريبا فيه شكل جديد نازل منها وبيحاولو يسربو الشكل القديم بسرعة ودا اللي حصل في شهر 7 وخليتو يعزمني علي عشوة مجانا عشان نجيته من المقلب اياه
نفس الكلام. مندوب المبيعات له نسبة أعلي علي السيارات اللي مابتتباعش عشان حاتتركن وتعفن للسنة الجاية وبالتالي يقل سعرها ويخسرو فيها. فا تلاقيه (ولاحظ كدة وانت تتأكد من كلامي) دايما يرشحلك حاجات أساسا صعب تلاقيها في الشارع ونادر جدا مين يركبها ويقولك "أصلها محجوزة كلها بس لسة الناس ماستلمتش عشان العدد كبير"!!!!! ويرجع بعدها بدقيقة يقولك "احنا عندنا متوفر كل الألوان"!!! مش لسة قايلي ان كله محجوز وحاستني بالشهرين تلاتة
بعد اللت والعجن ووجع الدماغ اللس سببتهولك حارجع تاني لكلامك
انت قولت انك "مش حاتجيب عربية والسلام"!!! وحد قال ان العربيات المنتشرة زي اللانسر والتيدا والكيا (سواء سيراتو أو كارينز) وغيرهم كتير يعتبرو "عربية والسلام"؟ ما برضه فيهم امكانيات وكماليات وخلافه. علي الأقل العربية اللي حاتدفعلها اقساط 6 سنين دي حاتبقي متطمن ان لو بعد الشر حصل حاجة هما تلتميت ربعميت جنيه يخلصو الموضوع عند الواد بلية بدل ما ينتهي علي سبع تمن بواكي في التوكيل. وعلي الأقل مش حايطلعلك واحد يقولك "للأسف الجيربوكس مش موجود منه دلوقتي استني شهرين لغاية ما الشركة تبعت تجيب" وتتشحطط في المواصلات رغم ان عندك عربية بمبلغ وقدره. مش دي حاجات برضه لازم تتحسب في الاعتمادية ولا اييييييييييييه؟

برضه انا ماليش غير النصيحة وانت عليك القرار... وان شاء الله حتاخد القرار السليم.

كلامك منطقي جدا وسليم بس فيه نقطه هو انا عدم اقتناعي بالليون لخوفي من ندرتها اما هي كعربيه فهي اكتر من كويسه .

موضوع استني شهر او اتنين ده ممكن يكون حقيقي فعلا خصوصا لو العيب فعلا كبير وكلنا عارفين مراكز الصيانه هنا يدوب يغيروا زيت .

علي كل انا هاصلي استخاره وربنا يهدينا للي فيه الخير والصواب

وشكرا لكل ردودكم ورمضان كريم عليكم وعلي مصر كلها ان شاء الله

الليون أفضل فى رائي

المشاركة الأصلية كتبت بواسطة crayvor

لو لااااااااااااااازم أوي جدا من دول يبقي سيات ليون لمجرد اني باشوف ناس راكباها علي عكس المازدا اللي ماحدش بيركبها (أو أندر بكتير حتي من الليون اللي أساسا بعتبرها نادرة). بوجه عام مازدا تسارع بطيئ والمقاعد الخلفية + الشنطة ضيقة. وماعرفش لييه باحس ان باستثناء الشكل ماتجيبش السعر اللي محطوطة بيه. الليون جزء كبير من سعرها موجه عشان امكانيات ماتعتبرش عائلية زي التربو و(حسب ما سمعت) سهولة تعديلها والعفشة الخ الخ.
لو عاوز تقارن:
اعتمادية: الاتنين مش منتشرين بالدرجة اللي الواحد يحكم بيها عليهم بأي شكل. بس لمجرد العلم الاتنين ماحدش حايتعامل فيهم برا التوكيل سواء كا صيانة او تصليح أو قطع غيار ودي ف حد ذاتها عييب خطير لأن التوكيل حايبقي دايما لاوي دراعك (خصوصا توكيل دك العرب).
الوسع: الي حد ما الليون تكسب. مازدا رغم شكلها ضيقة من ورا.
الأمان: المازدا أعلي في اختبار Euroncap حققت ال5 نجوم في حين السيات أخدت 4 (مش وحش برضه)

نرجع تاني نقول.. العربيتين ركوبة حلوة جدا وماحدش ينكر نضافتهم (برا مصر) أما في مصرنا المحروسة مع توكيلاتها وانتشارها واسعار الصيانة والتصليح وقطع الغيار وخلافه ماتنفعش. كمان حط قدام عينيك ان العربيتين (علي عكس مثلا الكورولا أو الفانتازيا أو التيدا وغيرهم) مش موجهة لأسرة وبالتالي مش حاتستفيد من كمالياتهم وحاتحس ان الحاجات دي مزودة سعر العربية رغم انك مش محتاجها أساسا. حاجة كمان مهمة جدا وهي سعر اعادة البيع واللي ممكن تفرق من 40 ل 50 ألف كمان مثلا 8 ل 10 سنين بين عربية منتشرة وسمعتها كويسة قدام عربية ماحدش يعرف عنها حاجة.

كلمة أخيرة عشان انا عمال أكتب كلام من غير ترتيب أو تنسيق:
لو انت عاوز حاجة لأسرة خليك دايما في المضمون والمتجرب حاتريح نفسك واسرتك وحاتوفر في حاجات تفيدك في مصاريف البيت بداية من المصاريف الدورية لسعر اعادة البيع.

ربنا يوفقك في الاختيار ان شاء الله

اسمحلى اعدل على حضرتك فى بعض النقط

اولا الليون مفيش منها تربو , الموتور عادى مش تربو و اعتقد انو نفس موتور الجولف 5 بس مش متأكد بصراحة

عز العرب ماله بالمقارنة اصلا و لا هو وكيل سيات و لا وكيل مازدا وكيل سيات SMG و دا وكيل بورشه برضه و اعتقد انو توكيل مقبول الى حد ما و مازدا توكيلها غبور

انا رأيى بصراحة الليون استاي و عربية واخدة من الفولكس كثير و بسعر معقول على الاوبشنز الكثيرة اللى فيها

و شكل العربية مع انو يعتبر مش جديد بس ملفت جدا للنظر .. تحس فيها بالجمال الهادىء كده و طبعا لو اوتوماتيك هتبقى فتيس dsg فتيس غنى عن التعريف

بصراحة يا باشا انا شايف ان العربية مفيهاش غلطة ماشاء الله .. شكل .. امان .. تكنولوجيا .. اوبشنز