الكلاكس تعطل

**a_saladen** · 31-07-2011 01:33 PM

السلام عليكم
أنا معايا لانسر بومة 2006 1600 سي سي وانا ماشي ضغطت على الكلاكس جامد شوية لقيته شغال على طول ما بيفصلش، روحت لكهربائي وقاللي ان القلب بتاع الدركسيون اتكسر من جوه ولمس كهربا ولازم يتغير علشان ما بيتصلحش، وطبعا خليته يفحص الكتاوت بتاعة الكلاكس والسلك اللي جنب سلك الأير باج
كنت بسأل حضراتكم مافيش طريقة لتصليح الكلاكس من غير ما اغير الدركسيون كله؟

**Ralliart** · 31-07-2011 01:39 PM

نفس الحوار ده حصل معايا من سنة
الدركسيون مبيتغيرش الكلاكس بيتصلح عادي والصنايعية مش كلهم بيعرفو يفكوه وممكن يبوظو الايرباج والتوكيل بيصلحه بـ500 جنيه

**EslaM_NagY** · 31-07-2011 01:48 PM

هو اكيد بيتصلح بس الخوف من الايرباج.

**mohammedabdallh** · 31-07-2011 03:08 PM

لسه المشكله دى عندى من شهر
بس عربيى كرستاله من غير ايرباج الكهربائى فكه عادى وصلحه واخد 5 ج وقالى لو باظ تانى هيغيرة تقريبا ب 25ج
وسعتها كنت روحت لكهربائى تانى قبله غير تاوت وبص على الكلاكس قالى كله كدا تمام ورجع العطل تانى بعد ما مشيت عنده
اهم حاجه الى تروحله لازم ياخد باله من الاير باج ويفك الدركسيون براحه ويكون فاهم هو هيعمل ايه
وان شاء الله بسيطه

**m_waheed** · 01-08-2011 02:14 AM

عادة في بكرة جوه القلب والبكرة دي عبارة عن شريط ابيض بيكون في دايرة كهرباء الكلاكس وايرباج .. انا حاليا بدور علي القطعة دي جديدة او استيراد انا بتكلم عن بومة 2005

**szaalouk** · 01-08-2011 12:19 PM

السلام عليكم
رمضان كريم عليكم جميعا اعاده الله علينا جميعا بالخير و اليمن و البركات و جعلنا و المسلمين جميعا من عتقاء النار .
انا عربيتي بومه 2005 و الموضوع لسه حاصل معايا من حوالي شهر و الكهربائي فك الدركسيون و فور القلب و صلحه و كل حاجه رجعت تاني تمام و الحمد لله .

**a_saladen** · 04-08-2011 11:43 AM

استاذ szaalouk كل سنة وانت والأخوة كلهم طيبين
هي عربية حضرتك فيها ايرباج ولا لأ؟ ولو فيها، ممكن تدلني على الكهربائي اللي صلحهالك
اكون شاكر جدا وجزاك الله خيرا

**eng_audi2002** · 04-08-2011 09:29 PM

فى ناس بتقول الخوف من الايرباج لو على الاير باج افصله .... انا الاير باج مفصول عندى عادى جدا مش هتحتاجه فى حاجة ان شاء الله
بس اللمبة بتاعته هتنور فى التابلوه .. شيلها من التابلوه لحد متيجى تشغل الايرباح تانى وابقى ركبها

**a_saladen** · 08-08-2011 10:49 AM

بفضل الله صلحته بنفسي لأنه للأسف ما فيش كهربائي سيارات من بين السبع أشخاص اللي روحت لهم قدر يعالج الموضوع ده.
وأي أخ محتاج أي معلومة في هذا الجزء انا في الخدمة