خبر طازة : أخيراً لانسر شارك 2011 نزلت أسكندرية

**AshTurbo** · 04-08-2011 02:24 PM

5 فئات حسب كلام الموزع ومش نازل منها مانيوال ودي حاجة غريبة فعلاً عاوزين نتأكد منها :

أول فئة 134 أوتوماتيك وفي كمان 3 فئات 137 - 140 - 155 وفئة ال 160 ألف الهاين لاين

كماليات الهاي لاين تقريباً فيها كل حاجة :

سمارت كي - أبانوس في التابلوه - سي دي تشانجر 6 أسطوانات - usb - mp3 - زينون - فوانيس دوارة - حساسات مطر وحساسات ركن - abs - ebd - أيرباج حسب كلامه عددهم 2 - فتحة سقف - فرش جلد .... وباقية الكماليات المعروفة وشكل التوكيل منزل أعلى فئة فولي لوديد علشان كدة السعر مزوده حبتين لأن كدة دخل راس براس مع التويوتا كورولا الهاي لاين ومع المازدا 3 هاي لاين ونسيت أسأله على الماتور نفس القديم ولا في تغيير في موديل 2011 لأن بصراحة 1500 دة عيب العربية الوحيد .

بالنسبة للتوكيل دايموند في أسكندرية في مكانين مركز صيانة ومركز بيع واحد في الكيلو 23 والتاني في الواحد وعشرين زي ما الموزع قالي عاوزين اللي معاه نمرة التوكيل يجيبلنا الأسعار والفئات وكماليات كل فئة وعاوزين نعرف سعر العربية الخليجي كام علشان نعرف سياسة التوكيل التسعيرية ونقارن بين كماليات العربيتين الخليجي والمصري .

**eng/muhamad** · 04-08-2011 02:39 PM

للاسف كده يبقى التوكيل كتب نهايتها بايده

**romioramy** · 04-08-2011 02:41 PM

بس ضيقة من جوه ... و ده عيب خطير فيها

**bassem_sams** · 04-08-2011 03:58 PM

هى مش ضيقه من جوة انا ركبتها و كنت قاعد وراء صالونها اكبر من لانسر بومه لكن كماليات مش كتيرة فين مثبت سرعه و مرايا تعتيم اتوماتيك و مرايات ضم و زجاج ملون و هل فيها بلوتوث

**M_Marwan** · 05-08-2011 01:55 AM

المشاركة الأصلية كتبت بواسطة romioramy

بس ضيقة من جوه ... و ده عيب خطير فيها

ولا ضيقه ولا حاجه وكويس أوى الأسعار ديه

**girgiskamal** · 05-08-2011 09:43 AM

يا سيدى دى ميزتها الوحيدة انها اوسع صالون بالنسبة لكل الجديد جمعاء على راى محى اسماعيل

**bassem_sams** · 05-08-2011 12:50 PM

انا نفسى يدلعوها بكماليات عندك لا نسر بومه فى موديلات 2010 نزلت بستب ترونيك يبقى شارك الحدث تنزل فتيس اتوماتيك عادى ليه و نفسى تنزل بالحاجات تانيه اللى قولتها فوق بس غندى سؤال بالنسبه لأكصدام عربيه و جسمها خارجى اقوى من بومه يتحمل و لا اى حد يسند عليها صاج يدخل و يطلع

**Ralliart** · 05-08-2011 02:53 PM

من وجهة نظري كدة الرينو فلوانس افضل في فئتها السعرية وفيها كل الكماليات دي بالاضافة لمثبت سرعة ومرايات ضم وفتيس ستيبترونك
يعيبها ان العفشة الخلفية تورشن بيم