استطلاع مين غير ضفيرة الكهرباء

**mohamed10** · 05-08-2011 11:04 AM

[ده نص المشاركة فى الموضوع السابق
لا ياجماعة الراجل عنده حق لان ضفيرة الكهرباء كان بيشتكى منها بعض الاعضاء فى المنتدى وتم تغيرهم وانا واحد منهم لان العربية كانت غير مظبوطة واشتكيت منها فى التوكيل وتم تغييرها باخرى الحمد لله اما موديل السيارة 2008 وعداد الكيلومتر تقريبا 50 الف والشكوى كانت حدوث رجة فى الماتور اثناء القيادة مع اهتزاز شديد فى عصا الفتيس وكانت الغيارات بتم بصعوبة وعداد ار بى ام كانت بيقف على قراءة 1.5 الى 2 وكان المؤشر بتاعه به اهتزاز ولكن الحمد لله بعد تغيير الضفيرة اصبحت السيارة جيدة خصوصا وان الضفيرة التى يتم تركيبها يابانى يعنى الضفيرة الاصلية بتاعة العربية اما ظروف الاحساس بها فكان تقريبا بعد 20 الف وابلغت بشكوتى فى صيانة ال30 ولم يتم تغييرها وعندما ذهبت للصيانة التالية كان الضمان خلص وجددت الشكوى منها وابلغنى مهندس الصيانة انه تم تغييرها فى صيانة 30 الف ولكنى ابلغته انه لم يتم تغييرها وبالرجوع الى ملفى بالصيانة تم التاكد ان التغيير لم يتم ولذلك قاموا بتغييرها على حساب الضمان والسؤال هو اذا حدث اى شى للضفيرة بعد انتهاء الضمان هل ادفع 5000 الالاف جنيه على خطا ليس ذنبى ام ان الضمان يغطى الضفيرة لفترة اطول ام من المفترض ان الضفيرة تمثل عصب السيارة وبالتالى يجب تركيبها اصلية حتى لا يعانى بعضنا من هذه المشاكل وارجو لحسم هذا الامر من مشرف القسم ان امكنه ان يعلن لنا احصائية عن معدل تغيير الضفيرة من التوكيلات ان امكنه ذلك للحكم اذا كانت تلك الظاهرة حالات فردية ام انها مشكلة عامة ولكم جزيل الشكر

**Ramy Rateb** · 07-05-2013 03:22 PM

يا ريت الموضوع ده الناس تهتم به و نعرف هل حد غير الضفيرة تانى و لا

**kabara** · 07-05-2013 05:54 PM

نيسان صني 2010 مانيوال
المشكلة ظهرت بعد 5000كم والأعراض علو الموتور في السلانسيه و عند نقل الغيار و قمت بتغيير الضفيرة في صيانة 30000 كم بأوتو إيجيبت لكن دلوقت بلاحظ حاجة غريبة علو صوت الموتور ( نفس أعراض الضفيرة ) عند السلانسيع أو نقل الغيار و المشكلة إن مفيش مركز صيانة باسوان و الضمان قرب يخلص و مش عارف أعمل إيه
علي فكرة بعد تغيير الضفيرة فوجئت تاني يوم بنفس أعراض علو صوت الموتور و رحت للتوكيل كشفوا علي العربية و قالوا إن ده سببه إني بستخدم بنزين 90 و ده عمل طبقة شربون علي الحساسات و نظفوها و لم تعد تلك المشكلة إلا هذه الأيام و مش عارف هل ده من إستخدام بنزين 90 لأني أحيانا بظطر أحطه لعد توافر بنزين 92 بأسوان بوفرة
مع خالص التحيات

**acasper3d** · 07-05-2013 09:58 PM

غيرت الضفيرة
العربية ex auto , و الاعراض نفس الي قالو الأستاذ يوسف . بس مع اختلاف انها اوتو . وبطلت مرة او اتنين .
وغيرتها في السبع بعد اكثر من شكوي ابتداء من صيانة 30الف . وتم التغيير في صيانة 45الف

**Ramy Rateb** · 13-05-2013 06:08 PM

ياريت اللى صوت يكتب ويقول :
1- الأعراض اللي ظهرت علي السيارة وخليتهم يغيروا الضفيرة
2- متى ظهرت تلك الأعراض (عند كام كيلومتر)
3- مكان تغيير الضفيرة.

عشان كلنا نستفاد

**Ramy Rateb** · 13-05-2013 06:14 PM

منتظرين التأكيد منك أ/ جودة

المشاركة الأصلية كتبت بواسطة goudamahdy

السلام عليكم ورحمة الله وبركاته
ازيكم احبابي الصقور

معايا نيسان صني مانيوال 2011 ماشية لحاد دلوقتي 6000 كيلو والحمد لله العربية ماشية كويس وممتازة جدا بس لاحظت حاجتين في الموتور بتاع العربية من حوالي اسبوع بس :

أولا : لما باجي اسخن العربية الصبح طبعا الــــ rpm بيكون عالي شوية علي حوالي 1100 لفة وبعد كده العربية بتسخن طبيعي والـــ rpm بينزل ويصبح حوالي 300 ( حوالي تلات شرطات يعني ) لما آجي ادي العربية المارشيدير ... بمجرد اني دوست على دواسة البنزين فجأة .... ألاقي الـــ rpm يعلى لحاد ما يوصل 2100 وما ينزلش تاني ...أزود بنزين ( زي ما اكون باكارك يعني ) ومع ذلك يفضل الـ rpm في مكانه عالي ..... ولازم اطفي العربية وادورها من جديد علشان الموضوع يرجع طبيعي وعداد الــ rpm يرجع على 300 تاني ..... والموضوع ده ما بيتكررش أبدا طول النهار حتى لو العربية باردة وبسخنها في أي وقت تاني وبصراحة ما جربتش ادي الأول وأشوف ......
ملحوظة : مرات باكون مدور المروحة بس بتاع التكييف ومش بادور التكييف نهائي وانا باسخن.
بجد المشكلة دي لما اتكررت بدأت تقلقني .

ثانيا : فيه بنزينة معينة بامون منها باستمرار ..... لما غيرت البنزينة دي تحديدا العربية صوتها بيعلى والسحب بيقل شوية .... وجربت الموضوع ده مع بنزينتين مش بنزينة واحدة .... فهل ده يكون بسبب ان البنزين اللي انا غيرته وحش مش تقي ولا ايه.
متأسف على الشرح المستفيض وعلى الإطالة.

المشاركة الأصلية كتبت بواسطة goudamahdy

السلام عليكم ورحمة الله وبركاته
متأسف يا جماعة على التأخر في متابعة الموضوع ........
بس زي ما الدكتور يوسف قال ..... شكلها ضفيرة فعلا !!!!!!
لأن الموضوع كان متقطع في الأول ودلوقتي تقريبا بيحصل شبه يوميا ...... وما بيروحش إلا لما اطفي العربية وادورها تاني ...
وان شاء الله هاتصل بيهم قبل رمضان يحجزولي ميعاد واروح اظبطها واشوف القصة دي ...
وربنا يسهل....

**Ramy Rateb** · 14-05-2013 12:38 AM

المشاركة الأصلية كتبت بواسطة ahmedya1976

الحمد لله غيرت ضفيرة الكهربا ومش مرة واحده دول مرتين يعني ضفيرتين وحبيت انقل تجربتي للاستفاده.
انا كان ليا مشاركه قبل كده حكيت فيها عن مشكلتيhttp://www.nilemotors.net/Nile/190161-rpm.html
المهم بعد رجع العيب تاني وعداد الاربي ام بيعلي كتير لغايه 2 وماينزلش الا لما اطفي العربيه واشغلها تاني , روحت السبع تاني وشافوا العربيه وقالوا لازم تغير الضفيرة بس لالاسف ماكنش فيه ضفاير مانيول وقالولي هنتصل عليك لما تيجي الضفاير المانيول وهياخد الموضوع ده حوالي شهر.
وبعد حوالي 35 يوم اتصلوا عليا وقالوا الضفيره موجوده وحددت ميعاد علشان اروح اغيرها.
روحت ميعاد الصيانه والموضوع خد حوالي 4 ساعات علشان كان فيه زحمه لانه كان يوم سبت واستلمت العربيه وكان كله تمام وبعدين خدت طريق الرجوع بتاعي وعند مدخل نفق العبور فجأه لقيت لمبه check engine نورت ومش هاحكيلكوا بقي كميه الاحباط اللي حصلتلي خصوصا علشان ليا تجارب مؤلمه قبل كده في عربيات تانيه .
المهم ركنت علي جنب وعلطول كلمت مركز مهندس غالي في السبع وحكيتلوا علي اللي حصل قالي انوا في مشكله في ضفيره الكهربه مع حساس الاكسجين ولازم الضفيره الجديده تتغير تاني وكان الوقت متاخر اضطريت اروح وانا حاطط ايدي علي قلبي طول الطريق خصوصا ان اللمبه دي منظرها مرعب بصراحه وهي منورة علطول خصوصا ان مشواري طويل.
تاني يوم كلمتهم وقالولي احنا طالبنا ضفيره تانيه من المصنع وهتيجي بكره . حددت معاد علي تاني يوم ورحت علي ميعادي واستلموا العربيه تاني وبعد حوالي 2 ونص استلمت العربيه علشان ماكنش فيه زحمه وقالولي لو فيه اي مشكله ظهرت تاني بلغنا.
والحمدلله روحت وانا عيني علي لمبه الانجين وانا خايف مووت انها تنور تاني بس الحمد لله الامور مشيت سليمه وحسيت فعلا ان العربيه احسن من الاول كتير وصوتها اهدي عن الاول كتير .
واخيرا عندي ملاحظتين : اولا متشكر جدا لصيانه السبع علي الاهتمام الكبير اللي الواحد بيلاقيه هناك
ثانيا اتمني من كل قلبي ان نيسان تشوف حل لمشكله الضفيره دي علشان حرام ان العربيه تتظلم اوي بسبب مشكله متكررة وانا شايف ان حلها سهل جدا باستيرادها من اليابان .وشكرا لكل اعضاء نايل موتورز علي نصايحهم لبعض

اللينك الأصلى
http://www.nilemotors.net/Nile/198773-a.html

**khaledshaheen** · 16-05-2013 03:49 AM

ملحوظة صغيرة / هو فعلا تمن الضفيرة 5000 جنيه ؟ طيب وفيه ملحوظة تانية أنا سمعت انه من ضمن المكون المحلى فى السيارة ان الضفاير كلها مصرى مش يابانى فهل ممكن يكون ده السبب ؟

**Ramy Rateb** · 16-05-2013 01:32 PM

المشاركة الأصلية كتبت بواسطة khaledshaheen

ملحوظة صغيرة / هو فعلا تمن الضفيرة 5000 جنيه ؟ طيب وفيه ملحوظة تانية أنا سمعت انه من ضمن المكون المحلى فى السيارة ان الضفاير كلها مصرى مش يابانى فهل ممكن يكون ده السبب ؟

+++++1

**Ramy Rateb** · 16-05-2013 01:57 PM

المشاركة الأصلية كتبت بواسطة khaledshaheen

ملحوظة صغيرة / هو فعلا تمن الضفيرة 5000 جنيه ؟ طيب وفيه ملحوظة تانية أنا سمعت انه من ضمن المكون المحلى فى السيارة ان الضفاير كلها مصرى مش يابانى فهل ممكن يكون ده السبب ؟

اقرأ الموضوع ده
http://www.nilemotors.net/Nile/26414...post3874021145