الحمد لله .... عملت حادثه

**mahmoud_magdy** · 03-12-2009 01:49 AM

السلام عليكم ورحمة الله وبركاته
اخواني الاعزاء
بصراحه مش عارف اقول ايه
1- اخدت علامة الجوده مثلا
2- باركولي على الحادثه
3- مصيبه وحطت على دماغي
والله ما عارف اقول ايه
بس اللي اعرفوا اني مخنوق جداااا وحسبي الله ونعم الوكيل في اللي كان السبب
وقدر الله وما شاء فقعل
واولا وأخيرا الحمد لله
الحادثه كالاتي
انا كالعاده ماشي في طريق في اول المدينه وهو طريق يعتبر سريع
طبيعي ان الطريق في تقاطعات وشوارع جانبيه
انا داخل في شارع جانبي يمين وقبل الشارع الجانبي واحد راكن
وانا خلاص هديت وداخل راح الشخص ده طالع بعربيه من غير ما يبص وراح داخل في الباب والرفرف اليمين الخلفي
رحت وقفت ونزلت بهدلت الراجل وعملت حاجات تيييييييييييييييييييييييي يت معاه
ورحت اخدت منه رخصة العربيه والبطاقه بتاعتو والتوكيل اللي ماشي بيه بالعربيه (العربيه مش بتاعتو) وقلتلو احنا هنعمل محضر
اعد يقولي لا ومش عارف ايه وانا مش حمل حبس والكلام ده
قولتلو هعمل محضر علشان التأمين وكدا
المهم اتصلت بأخويا يجيلي هو شاف اني اتصلت واخد ديلو في سنانو وقال يا فكيك (هههههه من غير نفس)
رحت جريت وراه ادور عليه طبعا كان اختفى في ثانيه
رجعت استنيت اخويا لحد ما جه ورحت قسم الشرطه عملت محضر ضد مجهول وجواب للتأمين
و 20 بندق لأمين الشرطه (كل حاجه ماشيه بالفلوس في البلد دي)
وجيت البيت بلغت الوالد واتفقنا اني ادور على صاحب العربيه( الرخصه بتاعة العربيه معايا) واشوف هعمل ايه في التأمين وهدفع اد ايه من التصليحات وهو يتحملها كلها
الخسائر :-
الباب الخلفي الايمن اتطبق لجوه شويه هو والرفرف مع وجود دهان السياره الاخرى على الباب والرفرف

دلوقتي انا عاوز رقم التأمين (المصريه للتأمين التكافلي) ياريت حد يدلني عليه
واذا حد اتعامل معاهم قبل كدا ياريت يقولي ايه الاجراءات
علما ان المحضر باسمي والرخصه باسم الوالد

دلوني يا جماعه اعمل ايه علشان ان شاء الله هبدأ من بكره في رحلة البحث عن المتاعب
مابين اني ادور على صاحب العربيه والشخص التييييييييييت اللي كان سايقها
وموضوع التأمين والاجراءات اللي بتحصل

واضح ان بروتون مش هتخلص من الحوادث الا لما تنتشر
انا دمي محروق ومتعصب جدااا من اللي حصل وحاسس اني لو شفت السواق ده هعملوا بانيه او كفته

معلش طولت عليكو بس اعذروني مليش غيركو ومليش خبره

**Ayman_52** · 03-12-2009 02:20 AM

لا حول ولا قوة إلا بالله

معلش قدر الله وماشاء فعـل

بخصوص التأمين ...

هتروح التوكيل الصحراوى ومعاك المحضـر ... هتدليهم المحضر وتسيب العربيه والرخصه

-المحضر مهم فقط لو التكلفه هتعدى الــ 5,000 ... بس خبطتك تكلفتها اقل ان شاء الله ... بس مدام عملته وديه بالمره-

وشركة التامين هتبعت حد يعاين العربيه ... ويطلع موافقه التصليح بسرعه -ان شاء الله-

وايمن هيديلك وقت للتسيلم ... تروح تستلم العربيه فيه -ان شاء الله-

فى بعض الحالات ساعات بياخدوا نسبه حوالى 10% (حصلت معايا) .. بس فى حالات كتيره غيرى ماخدوش منهم حاجه

لما تودى عربيتك ابقى قولى ... وان شاء الله هتتصلح وترجع زى الاول

وربنا يكفيك ويكفينــا شر الطريق يارب

معلش قدر الله وماشاء فعـل

وانا معاك لو عاوز اى حاجه

**mahmoud_magdy** · 03-12-2009 02:28 AM

شكرا يا أيمن
وان شاء الله هكلمهم في التوكيل وأشوف اقدر اوديها امتى
ربنا يسهل ويبقى يوم السبت
على فكره هعدي عليك يوم الجمعه ان شاء الله (اسف عالتأخير والله انت شخص كويس اوي وصعب نلاقي زيك )

كان نفسي التيييييييييييييت اللي خبط العربيه يتحمل الغلط اللي عملوا
من أفسد شيئا عليه اصلاحه
المهم
الحمد لله وقدر الله وما شاء فعل

**Dr Zezo** · 03-12-2009 02:34 AM

حمدا لله علي سلامتك

دي اهم حاجة

و فداك انت و عائلتك ...

واضح من الخبطة و مما رويته ان الطرف الاخر كان في عالم تاني

انا عارفة ان حرقة دمك بس عشان العربية لسه بزهوتها

معلش استعوض ربنا

و حاول ما تفكرش كتير في الاحداث عشان دمك ما يتحرقش زيادة العملية مش ناقصة

**XXXMEMOXXX** · 03-12-2009 02:35 AM

قدر الله وما شاء فعل
ماتزعلش نفسك
ان شاء الله تتصلح وترجع زي الاول واحسن

**mahmoud_magdy** · 03-12-2009 02:46 AM

المشاركة الأصلية كتبت بواسطة dr zezo

حمدا لله علي سلامتك

دي اهم حاجة

و فداك انت و عائلتك ...

واضح من الخبطة و مما رويته ان الطرف الاخر كان في عالم تاني

انا عارفة ان حرقة دمك بس عشان العربية لسه بزهوتها

معلش استعوض ربنا

و حاول ما تفكرش كتير في الاحداث عشان دمك ما يتحرقش زيادة العملية مش ناقصة

الحمد لله وقدر الله وما شاء فعل
انا مش عارف هو كان في عالم تاني ولا تالت ولا حتى فوق القمر ولا كان فين بالظبط مش عارف
حسبي الله ونعم الوكيل فيه
والله ما عارف انام ولا جايلي نوم خالص
وكمان المسؤوليه عليا في كل حاجه في العربيه من اولها لاخرها
وأكيد العوض على ربنا وملناش حد يعوضنا غيره
ياااااااااااااارب
شكرا لحضرتك يا دكتور

المشاركة الأصلية كتبت بواسطة xxxmemoxxx

قدر الله وما شاء فعل
ماتزعلش نفسك
ان شاء الله تتصلح وترجع زي الاول واحسن

شكرا لحضرتك
وان شاء الله هتتصلح وتكون كويسه
بس الاسم انها عملت حادثه وبقى فيها عيب
حسبي الله ونعم الوكيل

**M.almaghraby** · 03-12-2009 02:48 AM

معقولة 3 حوادث بروتون بيوم واحد

معلش يا باشا حصل خير و الحمد لله جت بسيطة

**mahmoud_magdy** · 03-12-2009 02:51 AM

المشاركة الأصلية كتبت بواسطة DRguevara

معقولة 3 حوادث بروتون بيوم واحد

معلش يا باشا حصل خير و الحمد لله جت بسيطة

شفت بقى
نسيت اقول اني 3 حادثه لبروتون في أسبوع واحد
وتالت موضوع على المنتدى بيقول ان في حادثه في عدة ساعات
شكرا يا محب على ردك

حسبي الله ونعم الوكيل

انا نفسي أعييييييييييييييييييييييي يييييييييط

**eslam_wega** · 03-12-2009 02:55 AM

لا اله الا الله ولا حول ولا قوة الا بالله
انت لسة كنت معنا فى المنتدى يا محمود ومكنش فى اى حاجة سبحان الله
ارضا بقضاء ربنا وايك والسخط او الغضب لان دول وحشين جدا قول الحمدلله

**eslam_wega** · 03-12-2009 03:00 AM

المشاركة الأصلية كتبت بواسطة DRguevara

معقولة 3 حوادث بروتون بيوم واحد

معلش يا باشا حصل خير و الحمد لله جت بسيطة

الشهر دة فى اكتر من 6 حوداث بالحدثة بتاعتى دة غير حدثتين قدام عينى وجين 2 برضوا بجد الواحد بقا يقلق على اى حد يستلم جديد

الموضوع: الحمد لله .... عملت حادثه

LinkBack

أدوات الموضوع

عرض

الحمد لله .... عملت حادثه - انشر الموضوع فى :

-

-

-

-

-

-

-

-

المواضيع المتشابهه

عملت حادثه بالفيرنا بس الحمد لله على كل شئ

الحمد لله عملت حادثه....

قدر الله و ما شاء فعل .عملت حادثه و الحمد لله على كل شىء

عملت حادثه و الحمد لله......

عملت حادثه و الحمد لله

الكلمات الدلالية لهذا الموضوع

المفضلات

المفضلات

ضوابط المشاركة