الموضوع: إزاى يا وحوش قدرتم تقفوا ضد التيار الكورى الجارف وتشتروا البروتون ؟

المشاركة الأصلية كتبت بواسطة ayman_83

بص ياسيدي انا مش عارف اقولك ايه بس خش شوف الموضوع ده انا الي كاتبه وانت احكم بنفسك
http://www.nilemotors.net/Nile/192351-2.html
والعربيه معايا وبسم الله ماشاء الله ربنا يباركلي فيها انا وكل الاعضاء العربيه زي الفل وركوبتها مختلفه جدا وشعورها تحفه جدا تكفي انك وانت ماشي بتشوف الناس وهي بتبص عليك عشان مميز

قريت موضوعك ....
وأنت عامل تقيم حيادى وموضوعى جدآ ....
ربنا يبارك لك فى العربية ويبعد عنك وعنها شر العين ....

المشاركة الأصلية كتبت بواسطة tutankhamoun

شوف يا عم جوست .... الموضوع بسيط جدا .

في أواخر السبعينيات و أوائل الثمانينات ...... مكنش حد يعرف الياباني و كله كان بيقول عليه ده تعبان و صاجه مش عارف أيه و مفيش أحسن من الأصلي اللي هو الأوروبي .
و مع ذلك الناس أشترت ...... و جربت و أنبهرت ...... و اليابان دلوقتي ما شاء الله عليها .

دخلنا فترة التسعينات .......... و بدأ الأعصار الكوري الجنوبي ..... و برضه أتقال للناس اللي بتشتريه ...... أنت أتجننت ....... تشتري كوري و تسيب الياباني .. ( سياسة القطيع ) و مع ذلك أثبت الكوري نفسه و أصبحت كوريا الجنوبية من أكبر خمسة صانعين في العالم للسيارات .

و دخلنا فترة ما بعد 2004 تقريبا لما الصيني دخل و كان بينافس بالسعر في الأساس ... برضه الناس بتسمع نفس الكلام ( مع أني مش مقتنع أن كل الصيني حلو ) بس فيه حاجات صيني ........ هاتبقى فاجرة و جامدة زي الياباني و الكوري مع رخص الأيدي العاملة اللي بيؤدي لرخص السعر النهائي .

المهم نيجي بقى لبيت القصيد .
البروتون كان أول دخول لها في مصر أواخر التسعينيات و أوائل الألفية الجديدة في هيئة الويرا .... اللي عملت مبيعات معقولة و لكن الماركة ما أشتهرتش و في 2006 و مع دخول الجين 2 ....... أعُجب بها من أشتراها ....... و جربها مع أنها كانت أول مرة تنزل و محدش يعرف عنها حاجة ........ و لولا الناس دي ..... مكنتش أنتشرت و مكنش حد عرف يعني أيه جين 2
زي الناس اللي أشترت ياباني في الثمانينات ...... و كوري في التسعينيات
لو مكنوش أشتروا .......... مكنش حد عرف الياباني أو الكوري و زمانا لسة بنركب فيات و بيجو بس .
سياسة القطيع لو الكل بيطبقها 100 % ...... مكنش حد عرف الجديد ....... اللي ممكن يثبت نفسه أو لاءة طبعا .

===------=======---------
بالنسبة للجين 2
دي عربية عجيبة ........ تشوفها ...... تخطف قلبك معاها و تقعد تتفرج عليها في الرايحة والجاية .
عاملة زي الحاجة الحلوة ........ أول ما تشوفها ما تقدرش تنزل عينك من عليها .

الجين 2 عملت معادلة صعبة لناس كتيرة و أنا منهم
سعر مناسب جدا بجودة معقولة جدا .
شكل خرافي و ثوري .
روعة في الأداء ( تحكم - ثبات رائع - سحب معقول جدا | علشان بس فيه مواتير أقوى منها | - أحساس بالأمان عالي جدا )
كماليات حدث و لا حرج .
أساسيات العربية ممتازة .... موتور و فتيس و شاسيه و صاج .... الخ .

بالاضافة لعامل هام جدا .......... الأرتياح النفسي و الحب للعربية .
زي العروسة ......... مهما كانت و أنت مش مرتاح لها ....... هاتقعد تطلع فيها الفاطس .

في 2007 ........ سمعت كلام كتير من قرايبي و أصحابي ...... اللي يقول هو حد سمع عن العربية دي .... هو حد يعرف الماركة دي ......... أنت بترمي فلوسك في الأرض ....... و كلام من ده .

طبعا كل الكلام ده دخل من الودن اليمين .......... و طلع صاروخ من الودن الشمال ..... و لا آثر .
في 2010 ..... أضطرت أن أبيع العروسة الجميلة .....
و قررت أني أشتري العروسة من نفس الأب و الأم مرة تاني ..... ماليزيا و بروتون .... و نفس العروسة ..... جين 2 .
الأهل و الأصحاب ...
طيب غير ....... هات حاجة تانية ...... هات عربية مختلفة
و لكن هيهات ............ هي الجين 2 مفيش غيرها مالي قلبي ..... و مفيش غيرها أقنعني .
و برضه أشترت جين 2 تاني ....... و ممكن تالت كمان لو فيه منها تحديث .

على فكرة أنا أمكانياتي المادية تسمحلي أن أعلى بالرقم الخاص بالسيارة لغاية 200 ألف .
و لكن لن يحدث أبدا في حياتي أني أدفع في عربية أكتر من 100 ألف مهما كانت .
طريقة تفكيري كدا ...و أنا شايف أن أي عربية فوق 100 ألف ...... ما تستهلش ثمنها ( رأي شخصي بحت و مش عايز حد يقعد يجادل معايا فيه بعد أذنكم )

أنا ركبت عربيات كتير ...ياباني و أوروبي .. و أخيرا ماليزي ...... و شايف أن كلهم زي بعض ..... مفيش فرق
الفروق كلها نفسيه بحتة و لو فيه فروق في حاجة بتكون فروق بسيطة ( برضه ده رأيي أنا الشخصي البحت ) .

و بالتالي لا فارق ياباني من كوري من ماليزي معايا .............. و لكن الجين 2 ...... و بروتون ...... تفرق جامد معايا .

شكرآ جزيلآ على ردك الوافى الشامل المنسق المفصل الرائع ....
وعلى فكرة أنا من أشد المعجبين بأراء حضرتك ....
وبمشاركاتك اللى بتبين أنك حقيقى ....
معلم كبير كبير كبير ....

طب إزاى يا وحوش قدرتم تشتروا البروتون ....
بالرغم من الكلام الكتيييييييير اللى بيتقال عنها فى قسم الشكاوى ؟؟؟؟

المشاركة الأصلية كتبت بواسطة tutankhamoun

العفو يا أستاذ جوست .......
و ربنا يكرمك على رأيك يا جميل و كل سنة و أنت طيب و رمضان كريم



أسمه قسم الشكاوي
أكيد هاتلاقي فيه شكاوي ....... محدش هايشكر

فأكيد لازم الواحد يكون موضوعي .
أهم حاجة عدد الشكاوي دي قصاد عدد العربيات اللي أبتاع كام ؟
و بتمثل كام في المائة من المُباع ؟

أن الحمد لله أشتريت عربيتين جين 2 .......... و الحمد لله الأثنين ممتازين بفضل الله .

مفيش ماركة مفيش حد مش بيشتكي منها
أدخل أي قسم هاتلاقي شكاوي
أنا فاكر الياريس في 2007 كانت بتغير تبع الضمان .... أسطوانة دبرياج ( تخيل بقى حاجة في الموتور )

و كمان الدايهاتسو ......... علبة دريكسيون ...... و المشكلة مستمرة مع الناس .

يعني أي ماركة فيها مشاكل ..... المهم المشاكل دي عامة مع كل الناس و لا مشكلة فردية ؟؟؟

كلام جميل ومظبوط ودة مش غريب على الأستاذ توت ....
لكن أنا قريت مشااااااااااااااااااااااا ااااااااااااااااااااااااا اااكل بالعبيط ....
واللى يغيظ بقى أن معظم اللى بيشتكوا بيقولوا أنهم مش لاقيين قطع الغيار لا فى التوكيل ولا برة التوكيل ....
دة غير المشاكل اللى ملهاش حل اللى بتخلى الواحد يروح التوكيل مرة و أتنين و عشرة ...
لحد ما يفقد الأمل ويرضى بالأمر الواقع ودى طبعآ حاجات تغيظ وتضايق جدآ ....
هو الواحد بيجيب عربية زيرو عشان يدوخ ولا عشان يستريح ؟

المشاركة الأصلية كتبت بواسطة ashouhdy

لا تتنازل عن ال abs فى اى عربية تجيبها

من ضمن المشاكل اللى قريتها ....
واحد بيقول أن الabs مش شغال و التوكيل مش عارف يشغلة ....
يا فرحتى بالabs و التوكيل والمهندسين و الصنايعية اللى شغالين فى التوكيل ....
هو مفيش فى البلد دى حاجة عدلة أبدآ ؟؟؟؟