الموضوع: استفسار من اهل دمياط

انا متابع
بس انا سالت وقالولى انك لازم تعمل الاول فحوصات لان مش كل العيون ينفع يتعملها ومش كل المقاسات
وهل السعر دا(2250) شامل كل شئ يعنى العمليه والكشف والفحوصات
ربنا يستر انا بعد لما صرفت نظر رجعت تانى بس دمياط بعيده عليا انا فى اكتوبر بس كل يهون
متابع باهتمام

المفروض السعر شامل كل شىء

المشاركة الأصلية كتبت بواسطة moustafa_saad

الله يخليك يااستاذ وليد وشكرا على ذوقك
دمياط منوره باهلها

معندكشى فكره عن الفنادق عندكم نظامها ايه

العمليه انت ممكن تعمله وترجع فى نفس اليوم
لو ناوي على بيات ممكن تأجر شقه فى راس البر (المسافه بين راس البر ودمياط 12 كيلو فقط)
وفى برضو فى راس البر فنادق كتييير

المشاركة الأصلية كتبت بواسطة sha2e

العمليه انت ممكن تعمله وترجع فى نفس اليوم
لو ناوي على بيات ممكن تأجر شقه فى راس البر (المسافه بين راس البر ودمياط 12 كيلو فقط)
وفى برضو فى راس البر فنادق كتييير

انا عارف ان ممكن ان شاء الله ارجع فى نفس اليوم
انا اختى عاملتها ورجعت فى نفس اليوم بس رجعت للدكتور مره تانيه تانى يوم علشان يكشف عليها وكان الدكتور فى الاسكندريه فالمشوار سهل
لكن المشكله ان المسافه بعيده من دمنهور لدمياط وعلشان ارجع سايق 300 كيلو بعد العمليه دية حتبقى صعبه جدا خصوصا ان بيبقى فيه زغلله فى اليوم الاول وكمان بلليل و حارجع تانى يوم يكشف عليا مره تانيه فتبقى صعبه

انا تقريبا ناوى اخد اختى معايا علشان تسوق بيا وانا راجع بس برده قلقان من الطريق خصوصا ان سمعت كلام مايطمنشى عنه بالذات بلليل وهى لسه على ادها فى السواقه

عموما انا بفكر اخدها مواصلات واشوف

بس برده كل ده حيحدده المكالمه اللى حاعملها يوم السبت علشان اعرف السعر والمواعيد والنظام ايه وححاول اكلم دكتور فى المركز قبل مااروح طبعا علشان اجهز نفسى لان المشوار طويل ومش سهل

خطر انك ترجع سايق
البيات هيكون احسن
رأيي انك ممكن تأجر شقه يوم او اتنين فى راس البر
والمسافه بين دمياط وراس البر مش كبيره
وكمان المواصلات كويسه ومتوفره بينهم

بس ازاي من دمنهور لدمياط 300 كيلو ؟؟
ممكن تطلع من دمنهور المحموديه مطوبس وبعدين تطلع الدولى لدمياط مش هتكمل 200 كيلو
(دمنهور - طنطا - المحلة - المنصوره - دمياط ) ؟؟ مش هتكمل 200 كيلو برضو بس دي تبقى رحله رخمه اوى خصوصا ان الطريق زحمه وكله مطبات
او دمنهور الاسكندريه دمياط

انا لو روحت مواصلات
حاركب من دمنهور للاسكندريه ومن اسكندريه لدمياط
ولو روحت بالعربيه حاخد من دمنهور للاسكندريه (65 كيلو )ومنها اخد الدولى الساحلى اللى بعد كفر الدوار لدمياط (220 كيلو) يعنى تقريبا حتخش فى 300 كيلو

اول مره اعرف طريق المحموديه مطوبس ده
انا اعرف طريق دمنهور رشيد بس ده طريق غتت ومن رشيد تاخد الدولى

لو رجعت بالعربيه بلليل يمكن اخاف من الدولى والقلق بتاعه وارجع على طريق المنصوره طنطا
بس انا حاشوف الوضع ايه لان الرجوع سواقه بعد العمليه حيبقى فيه قلق جامد
والمشوار طويل على اختى انها تسوقه لوحدها وبالذات بلليل
غالبا كده حاقضيها مواصلات
انا مستنى لما اتصل بيهم بكره ان شاء الله واحاول اكلم دكتور منهم واعرف النظام ايه بعد العمليه

بص ياباشا تنور ...... بالنسبة للزهران انا بنت خالتي عملت الليزك عنده والحمد لله كله تمااام وللعلم عندها سكر .. وطبعا قبلها بيعملك فحوصات وممكن يقولك العملية ماتنفعكش ... بالنسبة للفنادق معرفش بصراحة للأني متخيلتش بفنادق في دمياط ههههههه
بص فعلا احسنلك تنزل راس البر وتاخدلك يوم في عشة ولا في فندق بتهيالي قي حدود من 200 ل 300 وبالمرة تغير جو وتشم شوية هوا حلووين ولو احتاجت ياباشا اي خدمة احنا موجوديين .... بص بالنسبة للطريق الدولي هوا كويس بس الامن بلاش سفر بليل والنهار ليه عنين ....... وتنورونا في دميااااط

الله يخليك يااستاذ احمد
وكويس انك طمنتنى عن موضوع الدكتور عاصم زهران