الموضوع: الكارثة

المشاركة الأصلية كتبت بواسطة alaa_dash

طيب بالنسبة للعينة بعد الزرع ؟؟؟

معنديش فكره بعد العمليه والله ياستاذ علاء

اولا
نسأل الله ان يشفي زوجتك
ثانيا
كل اللى انتوا بتقولوه عن الطب والاطباء في مصر صح
المشكله ان مستوى التعليم قبل الجامعي زفت و طبيعى ان الناتج من هذا النظام يبقي سيئ
التعليم في كلية الطب في مصر (وانا طبيب و مدرس في كلية طب في مصر و في امريكا) معتمد على الدروس والواسطه وابن فلان وابن علان
الاسوأ ان التعليم الطبي بعد البكالوريوس و هو اهم جزء في منظومة التعليم الطبي منهار
بالله عليكم ادخلوا اي مستشفي في مصر شوفوا شكلها عامل ازاي وانتوا تعرفوا حجم الكارثه
مع كل هذا هناك اطباء ممتازين في مصر و هما دول اللى شايلين البلد
هناك ايضا جانب خطير هو التمريض اللى يودى في داهيه
نفسي تشوفوا التمريض هنا في امريكا شكله ايه عشان تعرفوا ان بيننا و بينهم الف سنه حضاره
المشكله الاساسيه في ان يجب ان يتعلم الطبيب كلمة ما أعرفش دى اهم حاجه في الطب
لكن بسبب الفلوس ازاي يقول معرفش لازم يعك و يقلب العيان في قرشين لحد ما ربنا يسهل
فاكرين السلطان اللى جحا ضحك عليه وقالوا انا ممكن اعلم الحمار يقرا ويكتب في عشر سنوات
الناس قالوا لجحا انت مجنون
قالهم في العشر سنين دول يا انا اموت يا الحمار يموت يا السلطان يموت
اهو هي دي خلاصة الطب في مصر
خصوصا في الامراض المستعصيه
لك الله يا مصر
التعليم ثم التعليم ثم التعليم هو حل كل المشاكل

شوف يا دكتور

انا أرى الاتى

هناك دكاترة - فى منتهى الاخلاص و التفانى و هم على دراية تامة بما كلفهم الله من مسئولية كبيرة و هى ارواح الناس - و ربنا يكرمنا دائما بهذا النوع يا رب


و هناك نوعية اخرى ، و عددهم ليس بقليل ، تتعامل معهم بحرص ، كما و لو كان معاك عربية و وديتها لمكانيكى مشكوك فى امرة و تخاف انه يلعبلك فى العربية و يجيب اجلها. و ممكن توصل المسألة انك ترفض انك تخليه يكلمك علاج او انك تاخد الدوا اللى كاتبه ، و هذا النوع بالطبع ليس بالسهل على معظمنا اكتشافه حيث انه يحتاج الى بصيرة و علم ، و لسنا كلنا عندنا هاتان النعمتان

سيدي الفاضل أولا ادعو الله أن يتم شفاء زوجتك و يرزقها الصحة بأمره
أنا مدرس في كلية طب القاهرة و حاليا في كندا ابتدأ من الصفر ثانية لأن شهاداتي المصرية غير معترف بها
حال التعليم الطبي و حال الطب عامة في مصر لا يختلف عن حال بقية أوجه الحياه في مصر ...من سيئ لاسوأ للاسف الشديد
أعجب لمن ينتظر تقدم في مجال واحد بينما بقية المجالات في تدهور مستمر ...بالبلدي هو إيه في مصر ماسك نفسه عشان الطب يبقى كويس .....هي منظومة كاملة تصلح أو تفسد ...و الواقع لا يخفي على أحد

أرسل أصلا بواسطة alaa_dash
طيب بالنسبة للعينة بعد الزرع ؟؟؟

لا تقلق يا أخي الفاضل العينة بعد عملية الزرع لتشخيص وجود لفظ للعضو المزروع لا قدر الله
و عليها يترتب نوعية و جرعات الأدوية المثبطة للمناعة
من الأخر حاجة مهمة و نفعها أكبر من ضررها باذن الله