الكارثة

**turboman** · 07-05-2008 02:39 PM

انا في موضوع مزنوق في زوري بقالوا كام يوم....و مش عارف اكلم مين فيه؟لكن هنا في نايل موتورز لاننا اسرة و ميزة الاسرة دي ان محدش عارف حد........يعني بفضفض براحتي من غير محد يعرفني بعضكم عارف اني دكتور و اللي ميعرفش انا دكتور اطفال و من المنصورة الموضوع هو مستوى الطب اللي بقى زبالة في بلدنا........انا زوجتي عندها ورم نادر شوية........و التعامل معه لازم يكون بطرق خاصة المصيبة اني اكتشفت ان عندنا في المنصورة اللي بنتباها انها قلعة الطب في مصر الباشوات الاساتذة ميعرفوش عنه حاجه و ميعرفوش ازاي المفروض يتعالج و اشعة الرنين المغناطيسي اللي عملتها في مركز مشهور جدا في المنصورة كانت معمولة غلط وكل اما اكلم واحد حمار من اساتذة الاورام في المنصورة يقول على طريقة علاج غلط .......اقوله في امريكا بيعملوا كذا و انا شفته على النت يقولي نت ايه و قرف ايه......الصح كذا يا سلام اكنه يعني عايزني اكدب امريكا و اصدقه........الحمدلله انا ماشي في طريق غالبا هو صح دلوقتي لكن ايه اللي بيحصل في بلدنا ده؟............انا كرهت البلد و كرهت اللي فيها كل حاجة غلط في غلط...........الواحد كره نفسه و قررت اني اول مااخلص الدراسات العليا هاسيب البلد دي و امشي و مش هارجعها تاني..........و ربنا يكون في عون كل مريض اهله ميعرفوش الصح ايه و بياخدوا راي واحد اخذته العزه بلاثم

**Abo_Lina** · 07-05-2008 02:51 PM

قلبي معك يا أخي..خلي املك في الله كبير
ماهو لما البلد ترميلنا 70000 دكتور كل سنة ولا حاجة لازم النتيجة تبقى كده
ربنا معاك و يهديك لدكتور كويس

**Karim_Monir** · 07-05-2008 03:15 PM

لا حول ولا قوة الا بالله
طب ده كدة وانت دكتور
امال الغلابة اللي مش فاهمين حاجة يعملو ايه
ربنا يتملك شفاء زوجتك على خير
ويرحمنا

**M_HaFeZ** · 07-05-2008 03:38 PM

للأسف فى ناس هنا ممن نحسبهم اطباء معندهمش فكره او العلوم اللى درسوها قديمه اوى او جزارين فلوس وخلاص
هاقولك على الموقف اللى حصل معايا
والدى رحمه الله عليه كان عنده فيروس سى فى الكبد وكان عنده بالهارسيا قديمه فالكبد كان فى حاله متأخره ..
والدى راح معهد الاورام بناء على طلب من طبيب هناك واللى كشف عليه نائب مدير معهد الاورام وطبيب آخر وطلبوا اخذ عينه من الكبد للتحليل . انا كنت مع والدى ورايح معاه وكان طبيعى
والطبيبه نائبه المدير .. او كان الطبيب هو نائب مدير المعهد .. قالت انا بخبرتى الطبيه اقدر اقولك ان مفيش حاجه وان شاء الله كله تمام ده بناء على تحاليل كان عملها والدى
المهم دخل يعمل العينه .. وخرج والدى بيتسند على ومن يومها وتدهور الحال بسرعه رهيبه
وسافر والدى الى انجلترا لاجراء الفحوصات تمهيدا لعمليه زرع كبد فى واحده من اكبر المستشفيات فى اوروبا فى التخصص ده
رحنا هناك واللى كشف على والدى طيبب صغير فى السن حوالى 25 سنه ولما سألناه على العينه من الكبد قال الموضوع ده مبيتعملش دلوقتى خالص ... وطلب فقط اجراء اشعه مغناطيسيه
وكانت النتيجه ان حاله والدى كانت متدهوره وقال له الطبيب من الافضل انك ترجع بلدك وتقعد مع ولادك ...
والمعلومه اللى عرفتها عن البهوات الجزارين فى مصر ان اجراء عينه من الكبد ده شئ غايه فى الخطوره لانه يحفز الكبد بشده ولايرجع فى حالته الطبيعيه .. والموضوع ده كان حصل مع قريب لنا من قبلها بسنين ونفس التأثير حصل بعد اجراء العينه
حسبنا الله ونعم الوكيل

**M_HaFeZ** · 07-05-2008 03:40 PM

موقف تانى حصل مع عم صديق لى
تخرج عم صديقى فى كليه الطب وسافر الى امريكا
ولما ذهب الى هناك وطلب رخصه المزاوله عرف بما معناه ان الشهاده دى تبلها وتشرب ميتها
واضطر انه يدرس فترات مع العمل علشان يقدر ياخد شهاده يزاول بيها فى امريكا
وفى الاخر يقولوا اطباء

**احمدعبدالعزيز** · 07-05-2008 03:44 PM

المشاركة الأصلية كتبت بواسطة karim_monir

لا حول ولا قوة الا بالله
طب ده كدة وانت دكتور
امال الغلابة اللي مش فاهمين حاجة يعملو ايه
ربنا يتملك شفاء زوجتك على خير
ويرحمنا

100000000000000+

**MTAK** · 07-05-2008 03:50 PM

لا حول و لا قوة الا بالله
نفس الموقف مع جدى من كام يوم
دكاترة عماله تعالج فيه بقالهم سنيييين و واحد منهم كان عايز يعمل له عمليه
و بالمصادفة اكتشف ان كل العلاج ده كان اشتغاله و هو عنده ورم و لم تمسه اى من العلاجات السابقة

شفا الله زوجتك و سائر مرضى المسلمين

-

-

الموضوع: الكارثة

LinkBack

أدوات الموضوع

عرض

الكارثة - انشر الموضوع فى :

-

-

-

-

المواضيع المتشابهه

ساعدونى بسرعة قبل الكارثة يا تريوسية

الكارثة اللي إسمها المقطورة

الحق بيع عربيتك الان قبل الكارثة

الفرامل و الكارثة المروعة

يا خبر اسود..شوفتوا الكارثة دي!! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة