صحيح الفتى ده مشكلة كبيرة .. بس برضه الناس عندها حق تقلق .. محنا طول عمرنا بنفتح العربيات بمفاتيح من ساعة ما ربنا خلق العربيات .. نفتحها بحاجة تانية دلوقتى ليه :grin21: .. ده حتى اسمه مفتاح .. عشان يفتح ..
:grin21: :grin21:
اهلا يا صلصا باشا..
بالنسبة لسعر الحجز ..هما فى المابيعات ممكن يقوحو شوية ..انة لو السعر اتغير حتدفع الفرق ..بس قلوهم انا مش حدفع غير بسعر الحجز ..و حاول معاهم حيوافقو فى الاخر ..لانة مش ذنبك السعر يغلى عليك مع طول الانتظار ..لو السعر الجديد اقل ماشى ادفع السعر الجديد ..
مش عارف حتلاقى فى المعارض منها او لا.. لانها بتيجى بالطلب فقط اعتقد .
- بالنسبة للانتشار هى بدائت تنتشر بس التوكيل مهتم اكتر بالفلوينس عشان مش مصريين كتير عندهم ثقافة الهاتش باك انت عارف و بالرغم من كدة بتعجب ناس كتير من اللى بيشوفوها "تاخد بالك من العين " .
و هى فعلا من افضل الاختيارات حاليا مقابل سعرها ..حتى بعد ما ذادت كام الاف جنية عن سعرها وقت نزولها وانا دورت كويس فى سوق الهاتش باك لحد ما استقريت على اختيارها الحمد لله ..
بالنسبة للكارت ..فانا جايب فعلا اول فئة اللى شغالة بالمفتاح العادى و فية الريموت هو اللى بيفتح .. و دة افضل من ناحية الامان يعنى فى رايى وكمان فى قفل على الدركسيون بيمنعة من الحركة من غير المفتاح
-بالنسبة للكارت ممكن تكون قريب من العربية او حاجة حد يخدها او يفتح او اى حاجة تحصل لا قدر الله
و وجدت ان اول فئة موجود فيها معظم الكماليات المطلوبة ..و مش محتاج حساسات المطر و الاضائة و مرايات الضم او غيرها ..لان حتى اسعرها معقولة فى قطع الغيار لا قدر الله بعد كدة ..
بالتوفيق فى الشراء ان شاء الله
انا فعلا لقيتها فى كذا معرض .. عند محمد زكى و الطارق .. بس الفئة التانية و التالتة بس .. وكدة كدة انا مايل للفئة التانية .. لانى هجيبها تقسيط .. و بصراحة الفرق فى الامكانيات يعوض ال 10000 جنيه الفرق و اكتر .. يعنى الجنوط 16 و بلوتوث و تكييف ديجيتال و سمارت كارد و مثبت و محدد سرعة و مرايات ضم ..
موضوع القرب من العربية ممكن يفتح العربية .. فى دى عندك حق .. بس على حسب العربية بتحس بالكارد من على اى بعد .. نبقى نسال فيها دى .. و لو حد عنده المعلومة دى يقوللنا .. من مالكى الفلوانس او الميجان ..
بالنسبة للفروق ..هو طبعا الزيادة مناسبة للكماليات الاخرى ..
- بس اقدر اقولك انة مثلا مثبت و محدد السرعة موجود فى اول فئة ..
- و عجلة القيادة جلد ايضا فى اول فئة
- بالنسبة للمرايات الضم ..انا لقيت ان مسافة الضم مش كبيرة ..و المرايات عندى اتخبتط عدة مرات بسبب عرض السيارة ..مش عارف بقى لما تكون كهرباء اية النظام فى الخبط .
بالنسبة للكارت .. بيشتغل على بعد مسافة حوالى 2 متر من جوانب السيارة و يفتحها ..بس ممكن تقفل الخاصية دى لو قلقان يعنى او فى اى ظرف مش عادى
هو حضرتك المسافة المسموحة متر و نص يعني متلحقش تمشي تلات خطوات بعيد عن العربية و دي مفهاش مشكلة خالص بل بالعكس دي ميزة عشان انت ممكن على طول تخلي الكارت في جيبك و تفتح الابواب بحساس لليد عند الاكرة و تدوس ستارت و تعيش من غير شغل المفتاح بأة و الحاجات القديمة دي يعني انت بتسوق و مفتاح (كارت) العربية في جيبك مش لازم حتى تحطه في المكان المخصص ليه في التابلوة ... و في خاصية انك لو نسيت الابواب مفتوحة و معاك الكارت و بعدت عن المسافة المسموحة العربية تقفل لوحدها من غير اي تدخل ... بذمتك في احسن من كدة بأة :)
و بعدين عندك حق انك تجيب الفئة التانية .. انا لما كنت بجيب الفلوانس حسبتها كدة برضة و لاقيت ان الميزات اللي هاخده اغلى بكتير من ال 10 الاف فرق بين الفئتين .. و كفاية الفرش اصلا تحس انك راكب عربية تانية تماما (قماش في جلد ) .. اتوكل على الله و هات الفئة التانية و مش هتندم و طالما انت هتكع بقى يبقى هات الحاجة الانضف و التكنولوجيا الاحدث لانها عربية مش هتعد معاك سنة و لا سنتين .. دي هتعد عالاقل بتاع 7 سنين ان شاء الله فمش هتحب تكون عربيتك متاخرة تكنولوجياََ ساعتها
يا جماعة انا كان عندي سؤال مهم .. هو ايه استخدامات ال rca ؟ ممكن اوصله بالموبايل زي ال aux كده ولا ايه وظيفته بالظبط؟
و بعدين يا جماعة ..كل ما روح محطة بنزين ..يقولو على ارقام شكل فى ضغط اطارات السيارة
مش عارف اية الحل ..يعنى اشترى مقياس ضغط و اقيس بنفسى و اجيب جهاز نفخ ..يترى اية الحل