الموضوع: رابطة حائزى فلوينس سيدان و ميجان هاتش باك 3 --مشاركات 2011

المشاركة الأصلية كتبت بواسطة Salsaa

انا لسة مكلم التوكيل من يومين لانى قررت ان شاء الله اجيب الميجان .. فى التوكيل قاللى انى لو هحجز دلوقتى هستلم كمان شهرين موديل 2012 .. والالوان المتاحة هى الاسود والفضى والفيرانى والنبيتى و الشمبين .. بس اللى قلقنى انه قاللى ان المواصفات هى هى بتاعة 2011 .. بس السعر مش مضمون .. يعنى فيه احتمال قليل ان السعر يتغير .. واللى فهمته ان لو حجزت دلوقتى و السعر زاد هدفع الفرق .. بس يمكن انا فهمت غلط .. فياريت تتاكدوا من الموضوع ده ..

انا بصراحة كدة كدة ظروفى ماتستحملش انى استنى .. فحجيبها من اى معرض بقى 2011 و خلاص .. اللى هى الفئة التانية ان شاء الله ..

بس بصراحة مستغرب ليه العربية دى مش منتشرة .. انا عملت دراسة على كل العربيات الاوروبى الهاتشباك اللى فى السوق .. وفعلا الميجان انسب عربية موجودة دلوقتى .. اكبر و اعلى عريبية هاتشباك موجودة .. بس الظاهر كل الناس بتروح للفلوانس .. بس انا مبحبش اسوق السيدان .. و الميجان اساسا شنطتها واسعة (حوالى 400 لتر) ..

ان شاء الله يكون اختيار سليم .. لانى تعبت اوى على بال ما خدت القرار ده ..

وان شاء الله هكتب تقرير عن العربية بعد اما استلمها .. بس كان فيه سؤال صغير للأخ wawoo .. يا ترى هل واجهتك مشكلة او سمعت عن مشكلة فى الكارت بتاع العربية ؟؟!! لان فيه ناس كتير بيقلقونى من الكارت الذكى و بيقولولى ان المفتاح العادى اضمن ..

ان شاء الله تكون حضرتك تكون اخدت القرار السليم و لو حضرتك فعلا مش عايز تستنى يبقى هات 2011 مش هتفرق و بالنسبة للانتشار فالناس بتجيب الفلوانس عشان معظم اللي بيجيبوها بيجيبوها بهدف انها تبقى عائلية مع انها ممكن تمشي شبابية برده بس الميجان طبعا قمة الشبابية و الفخامة .. وبعدين الكارت مفيهوش اي مشكلة بتاتا .. المشكلة في شعبنا الوقور انه بيحب الحاجات التقليدية حتى لو كانت من الازمنة الحجرية و بيخاف من اي تكنولوجيا جديدة .. وانا مش عارف الصراحة المفتاح اضمن في ايه ! الكارت ده عامل زي المفتاح الريموت بتاع اي عربية بس في ميزة اضافية ان العربية بتحس اذا كان بعيد عنها و لا لأ عشان لو مش في المجال بتاعها متدورش و دي ميزة جميلة فعلا .. مش عارف انا ايه الناس دي اللي بتحب تفتي في حاجات يمكن عمرهم ما جربوها او شافوها من اصله

عالعموم صلى استخارة و توكل على الله و مش هتندم ان شاء الله و كل يوم هيزيد اعجابك و حبك للعربية

المشاركة الأصلية كتبت بواسطة Mandible

ان شاء الله تكون حضرتك تكون اخدت القرار السليم و لو حضرتك فعلا مش عايز تستنى يبقى هات 2011 مش هتفرق و بالنسبة للانتشار فالناس بتجيب الفلوانس عشان معظم اللي بيجيبوها بيجيبوها بهدف انها تبقى عائلية مع انها ممكن تمشي شبابية برده بس الميجان طبعا قمة الشبابية و الفخامة .. وبعدين الكارت مفيهوش اي مشكلة بتاتا .. المشكلة في شعبنا الوقور انه بيحب الحاجات التقليدية حتى لو كانت من الازمنة الحجرية و بيخاف من اي تكنولوجيا جديدة .. وانا مش عارف الصراحة المفتاح اضمن في ايه ! الكارت ده عامل زي المفتاح الريموت بتاع اي عربية بس في ميزة اضافية ان العربية بتحس اذا كان بعيد عنها و لا لأ عشان لو مش في المجال بتاعها متدورش و دي ميزة جميلة فعلا .. مش عارف انا ايه الناس دي اللي بتحب تفتي في حاجات يمكن عمرهم ما جربوها او شافوها من اصله

عالعموم صلى استخارة و توكل على الله و مش هتندم ان شاء الله و كل يوم هيزيد اعجابك و حبك للعربية

صحيح الفتى ده مشكلة كبيرة .. بس برضه الناس عندها حق تقلق .. محنا طول عمرنا بنفتح العربيات بمفاتيح من ساعة ما ربنا خلق العربيات .. نفتحها بحاجة تانية دلوقتى ليه .. ده حتى اسمه مفتاح .. عشان يفتح ..