الموضوع: رابطة حائزى فلوينس سيدان و ميجان هاتش باك 3 --مشاركات 2011

المشاركة الأصلية كتبت بواسطة salsaa

.. اثناء القيادة بحس بهوا سخن (صهد) عند رجلى جاى من ناحية الموتور .. اما بصيت كويس عند دواسة البنزين لقيت تقريبا مفيش اى عزل فى المنطقة دى .. وفيه بعض الاسلاك طالع و باينة من مكانها .. معرفش هل الموضوع ده عادى ولا لأ .. وهل ممكن اروح التوكيل يركبولى عازل حرارى ولا حاجة؟؟!! وهل يا ترى فيه حد من ملاك العربية اتكلموا مع التوكيل فى النقطة دى؟؟!!

اسلاك اية اللى طالعة و باينة من مكنها دى يا صلصا ...محتاجين صورة كدة نشوف اية حكاية الاسلاك دى ..انا معنديش اى اسلاك طالعة ولا نزلة ...؟؟؟!!

و برضو مافيش موضوع السخونة دة اللى بتتكلم علية ..هو فى فتحات للتكيف عشان الرجلين ..يمكن انت مش مضبط التكيف صح ..حاول توجة التكيف انة يصقع فوق فقط و جرب كدة شوف موضوع الصهد دة اية حكايتة ...

و قصدك اية ان مافيش عزل عند دواسة البنزين ؟؟..ارضية العربية كلها متغطية بالموكيت

المشاركة الأصلية كتبت بواسطة wawoo

اسلاك اية اللى طالعة و باينة من مكنها دى يا صلصا ...محتاجين صورة كدة نشوف اية حكاية الاسلاك دى ..انا معنديش اى اسلاك طالعة ولا نزلة ...؟؟؟!!

و برضو مافيش موضوع السخونة دة اللى بتتكلم علية ..هو فى فتحات للتكيف عشان الرجلين ..يمكن انت مش مضبط التكيف صح ..حاول توجة التكيف انة يصقع فوق فقط و جرب كدة شوف موضوع الصهد دة اية حكايتة ...

و قصدك اية ان مافيش عزل عند دواسة البنزين ؟؟..ارضية العربية كلها متغطية بالموكيت

هوة ده!!! اعتقد المشكلة فعلا كانت فى فتحة التكييف .. اما تكون فتحة التكييف اللى ناحية الرجلين مفتوحة و التكييف مقفول بتدخل هوا سخن (وده طبيعى بصراحة) .. انا جربت امبارح اقفل فتحة التكييف دى وامشى بيها من غير تكييف .. الصهد ماكنتش حاسس بيه .. بس محتاج اجربها كمان انهاردة عشان اتاكد ..

بالنسبة للأرضية .. فعلا هية متغطية بموكيت لغاية تحت الدواسة .. بس لو طلعت فوق شوية كمان (المكان ده يعتبر تحت التابلوه) .. هتلاقى مفيش موكيت (معرفش ده طبيعى ولا لأ بصراحة) .. و افتكرت ان ده هوة السبب .. بس بتهيألى السبب زى مانت قلت بالظبط ..

امبارح انا طلعت بيها اول سفرية .. ايه ده!!!! ما شاء الله ثبات و عزم و نعومة مفيش بعد كدة .. و بعدين مثبت السرعة ده اختراع .. ده الواحد حاسس انى كنت قاعد جنب السواق .. مش انا اللى سايق

انا فضلت ماشى الطريق كله بمثبت السرعة ( إحداث بقى ) .. فعلا هى دى متعة القيادة زى ما بيقولوا ..

المشاركة الأصلية كتبت بواسطة bukla

الف مبروك
ربنا يديك من خيرها و يكفيك شرها ان شاء الله
و بإذن الله تكون العربيه عند حسن ظنك بيها
اما بخصوص الباركينج سينسور انا بصراحه ما اعرفش حد ركبه لكن اللى اعرفه ان التوكيل بيركب نوعين الاصلى و ده بيبقى غالى حبتين و نوع مش الاصلى لكن بيكون بضمان من عندهم و بيتكلف حوالى 500 جنيه
يا ريت لو حضرتك قررت و ركبته تبقى تحكيلنا عليه و عن مميزاته و تكلفته المظبوطه
بالتوفيق ان شاء الله

السلام عليكم
ان نفسي جداً في الباركينج سينسور علشان العربية كبيرة شوية والواحد ما بيكنش شايف شنطة السيارة ولكن الموضوع ده مش تركيب وبس والعربية بتكون مجهزة اعتقد لأ فيه حاجة بتتعمل في ضفيرة الكهرباء وبصراحة انا باخاف من اللعب في الضفيرة حتى لو كان من الصيانة لان الضفيرة دي جاية كده من المصنع صحيح ناس كتير عاملوا الموضوع ده مش بس في الفلواينس وحتى اخويا عملها في التريوس بلااااااااش لعب في الضفيرة وده رايي وربنا المستعان

استاذ بوكلا
انا كان لى استفسار لحضرتك ياترى الفلوانس تسارعها على الطريق بالتكيف اخباره ايه يعنى بتجيب 180 بسهولة ولا فى صعوبة واخبار الثبات ايه بعد 160
الحاجة التانية هل بتزود بعد 180 فى وجود التكييف وفى طرق مستوية ليست بها منازل او مطالع لانى بصراحة العربية عجبانى لكمالياتها مقابل سعرها
على عكس الالنترا اللى تقريبا هدفع نفس الثمن مقابل كماليات اقل بكتير فى سبيل الحصول على تسارع وسرعة قصوى افضل وشكل داخلى وخارجى واعاده بيع

شكرا لحضرتك

المشاركة الأصلية كتبت بواسطة bukla

السلام عليكم و رحمة الله و بركاته
تسارع الفلوينس على الطريق من الحركه انا بعتبره مش بطال يعنى مش سيء و مش ممتاز بمعنى انك بتحس بكامل قوه العربيه لبعد لما توصل لسرعه 60 او 70 كيلو متر فى الساعه
التكييف بيأثر تأثير بسيط على تسارع العربيه و كمان لما بتقرص على العربيه الكومبريسور الخاص بالتكييف بيفصل المهم الوصول لسرعه 180 و التكييف شغال بتيجى عادى و مابتقاش صعبه و لا حاجه لكن لو قافل التكييف بتيجى اسرع
الثبات بقى مميز جدا حتى على 180 مش 160 لكن ممكن تبتدى تحس بانه ابتدى يقل لما بتعدى 180 انا شخصيا جبت بيها 200 و ماكنتش قلقان قوى و لما كنت على سرعة ال 200 فوجئت بمطب هواء شوفت العربيه اللى قدامى بتنزل فيه فدوست و شيلت رجلى من على الفرامل قبل المطب السرعه نزلت تقريبا ل 160 وخدت المطب لكن الحمد الله العربيت لمت معايا بسهوله
الالنترا عربيه فعلا جميله و ممكن تتميز عن الفلوينس فى التسارع و السرعه القصوى لكن فى الامان و الثبات و الفرامل اسمحلى فى فرق مش قليل لصالح الفلوينس الشكل بقى ده بيختلف عليه الناس و انا زى ما قولت انا شايف الالنترا جميله لكن برضه الفلوينس عربيه تحس فى شكلها بالجمال و الفخامه ماعرفش ليه لما بشوف الانترا ماشيه قدامى بحس انها خفيفه انا ماسوقتهاش علشان احكم حكم موضوعى لكن ده احساسى
اما سعر اعاده البيع للفلوينس الحمد الله لغايه دلوقتى ماسك نفسه علشان العيوب اللى ظهرت فى العربيه عيوب خفيفه لا بتأثر على عمل او ادائها
و فى الاخر عايز اقولك ان العربيه مش تسارع و جرى بس فيه حاجات ثانيه مهمه جدا مابنعرفهاش الا لما بتحصل مواقف معينه انا اعرف واحد ابنه عمل حادثه فظيعه بالفلوينس على طريق العلمين و اتقلب اكثر من مره و الحمد الله خرج منها سليم تماما و التقرير اللى اتعمل عليها فى التوكيل قال ان العربيه total loss و لما خلص اجرائات التأمين و اخذ الفلوس عارف راح اشترى ايه (فلوينس جديده) و كان تعليق والده ان اللى يخرج من حادثه بالشكل ده سليم بتوفيق من ربنا طبعا تبقى العربيه اللى كانت حامياه دى تستحق الاقتناء
فى النهايه استخير و توكل على الله
بالتوفيق ان شاء الله

انا بشكر حضرتك على ردك

النهاردة فى الاخبار فى اعلان للفلوانس وعرضين اسعار الصيانات وقطع الغيار متكوب الاتى
- فانوس امامى يمين 575 جم
- فانوس خلفى يمين 199 جم
- رديايتر 1142 جم
- رفرف امامى شمال 495 جم
- اكصدام امامى 595 جم
- زجاج امامى 1150 جم
- مساعد امامى 386 جم
- فلتر زيت 40 جم
- تيل فرامل 450 جم
- طلمبة مياه 295 جم

الاسعر غير شاملة الضريبة بس هل فعى الفانوس الامامى 575 جم لانى بصراحة لما سالت مندوب البيع فى توكيل رينو قالى فى حدود 1300 جم
وكمان انا حاسس ان الاسعار دى غير اللى مكتوبة فى المنتدى هنا

وانا اسف على الاطالة بس انا كان عندى نيسان سوبرصالون كان فيها زرار اوفر دريف بيخلى الفتيس ماينقلش للرابع وكنت بجيب 160 على الثالث
ياترى الفلوانس لما بتمشى بوضع التبترونيك بتحس بالنقلة بين الاول والثانى وهل الثالث اخره كام عشان تنقل للرابع

المشاركة الأصلية كتبت بواسطة bukla

شوفت فلوينس انهارده فى معرض عربيات لونها احمر عجبتنى قوى بس مش عارف هل لونها احمر مارلبورو و لا نبيتى علشان كده صورتها و مستنى ارائكم

نبيتي .. و هي نفس لون بتاعتي :)