رابطة حائزى فلوينس سيدان و ميجان هاتش باك 3 --مشاركات 2011

**bukla** · 06-08-2011 11:12 AM

المشاركة الأصلية كتبت بواسطة ahmadm

الف مبروك على الموضوع الجديد ان شاء الله يثري القراء و المشاركين

الله يبارك فيك و ان شاء الله يكون موضوع مفيد لكل الاخوة الاعضاء فى المنتدى
اما بالنسبة لمشاركتك اللى كانت فى الموضوع القديم

المشاركة الأصلية كتبت بواسطة ahmadm

السلام عليكم يا استاذ بوكلا انا حسيت انك افتكرت ان انا بتريق عليك فى ردي اللى فوق دة و طنشتنى فى الرد و انك زعلت انا والله العظيم مش بتريق خالص و على العموم انا بعتذر لو الكلام زعلك

مين قال انى زعلت ازاى ازعل من احلى اعضاء فى احلى منتدى
انا دائما و علشان اكون واقعى "على قد ما اقدر" بفترض حسن النية فى الكلام الى ان يثبت العكس و الحمد الله لغاية دلوقتى فى ردود الاخوة فى المنتدى عليا لم يثبت العكس و ان شاء الله تفضل كدة
ربنا يديم العلاقة الطيبة ان شاء الله

**ahmadm** · 06-08-2011 05:57 PM

المشاركة الأصلية كتبت بواسطة bukla

السلام عليكم و رحمة الله و بركاتة
استفسارك منطقى ان مش شايف فية حاجة
بس حابب اطمنك انا برضة الصيف اللى فات كنت مسافر فى طريق العلمين و كنت محمل فى العربية 5 افراد غير الشنط و برضة ما جابتش معايا اكثر من 180 لكن فى الشتاء اللى فات كنت رايح العين السخنة و بنفس العدد و انا رايح فى اول الطريق جربت اجرى برضة ماكانتش عايزة تعدى ال 170 طفيت التكييف و غيرت الفتيس على الستيب ترونيك يا دوب لمست ال 190 بالعافية اما بقى و انا راجع برضة ابتديت اجرى شوية بشوية لقيت العربية ابتدت تفتح شوية كمان و جابت ال 200 و كنت حاسس انها ممكن تزيد عن كدة كمان (واضح ان الموتور فقط كان محتاج يتفتح) المهم فجأة لمحت مطب على الطريق من النوع اللى تحس فية الاسفلت بيبقى فية منخفض (مطب هوى) المهم دوست فرامل و نزلت سرعة العربية ل 160 او 170 و خدت المطب و حسيت ان العربية مرجحت لكن الحمد الله لمت بسرعة قولت كفاية جرى بقى و الحمد الله على كدة
طبعا انا مع الاخوة تماما فى ان الجرى بالسرعات دى مالوش لزمة و خطر ربنا يكفينا جميعا شر الطريق لكن هيا بتبقى مرة كدة الواحد بيبقى عايز يشوف عربيتة ممكن تجيب لغاية كام
بالتوفيق ان شاء الله

طيب الاستابيليتى على السرعة المرعبة دية بيكون عامل ازاى ؟؟ هل بتتحكم كويس فى العربية ؟ الاحساس الداخلى بالسرعة دية ؟ بتكون حاسس انك مركز جدا ؟ لو قابلك ملف ؟

**moh_gawad** · 07-08-2011 03:54 PM

أنا شخصيا أقصى سرعه جبتها كانت 170 والعربيه لسه فيها بس الطريق لم يسمح , الأستابيلتى رائعه و التجميع ممتاز

**bukla** · 08-08-2011 12:05 AM

المشاركة الأصلية كتبت بواسطة ahmadm

طيب الاستابيليتى على السرعة المرعبة دية بيكون عامل ازاى ؟؟ هل بتتحكم كويس فى العربية ؟ الاحساس الداخلى بالسرعة دية ؟ بتكون حاسس انك مركز جدا ؟ لو قابلك ملف ؟

الاستابيلتى ممتازة و حاسس بمنتهى الامان لغاية 160 قول 170 بعد كدة لغاية ال 200 كونت خايف و عينى كانت على العداد و الطريق حسيت زى ما يكون وزن العربية بقى اخف علشان كدة ما طولتش كثير على سرعة ال 200 يمكن الرقم هوة اللى خلانى احس الاحساس دة الله اعلم
و فى الاخر ارجوكم انا بنصحكم ان محدش يمشى على السرعات دى كثير مش خوف من العربية قد ما هو خوف من الطريق و مفاجآتة ان لسة انهاردة الصبح وصلنى خبر وفاة زميل عمل قديم وابنة و والدتة فى حادثة على طريق العجمى عربية نقل بمقطورة قطعت علية الطريق فجأة معرفش يلم العربية دخل تحت النقل
انا كنت عارف من زمان ان الزميل دة كان غاوى جرى و التفاخر بالسرعات العالية اللى كان بيجبها و عربيتة كانت bmw يعنى المفروض منتهى الاستابيلتي و عوامل الامان لكن قدر الله محتوم انا لله و انا اليه راجعون
ربنا يكفينا جميعا شر الطريق و يرحم امواتنا و اموات المسلمين اجمعين

**bukla** · 08-08-2011 11:50 PM

المشاركة الأصلية كتبت بواسطة abomar77

الف مبروك على الموضوع الجديد .....

انا شفت التوبيك ده على الfacebook وقلت انقله وهو بخصوص عوامات البنزين .....

مشكلة فى عوامة تنك البنزين لرينو فلوانس ؟؟
كان فى مشكلة فى عوامة البنزين بتاعت رينو فلوانس كانت بتعلق ودى ما كنتش عيب فى العربية لكن فى فرق فى البنزين ما بين بتاعنا و بتاع برة (تقريبا فى مادة فى البنزين نسبتها اعلى عندنا ) و كانت بتظهر مع الى بيحوت بنزين 92 و نازل و ماكنتش بتظهر مع الى بيحوت 95 لكن رينو مصر بعتت لرينو فرنسا و رينو عملت عوامات جديدة تتناسب مع البنزين بتاعنا و كل الى علقت معا صلحوها مجانا و المشكلة دى اتحلت فى كل الموديلات الجديدة.

جزاك الله كل خير على نقل المعلومة

**ahmadm** · 10-08-2011 01:15 AM

المشاركة الأصلية كتبت بواسطة a7aaa

لو سمحت انا كنت عايز اركب فرش جلد للعربية عند ناس محترمة و بتفهم .. حد عنده فكرة منين و هيتكلف كام تقريبا؟

السلام عليكم اولا انا ارجو بس من حضرتك تغيير اسمك عشان ظاهر بشكل مش كويس

انا اعرف ان جينز كار فى مدينة نصر هو انضف واحد بيعمل فرش انا رحت مع واحد صاحبيى كان بيركب فرش لنيسان. عندة كرتلة الوان للجلد و القماش و بينزل كمان فى الاسعار و النتيجة النهائية كانت ممتازة عشان هو بيفصل الفرش طبق الاصل لتفاصيل الفرش الاصلى و دة الموقع بتاعة جينز كار لفرش السيارات