الموضوع: رابطة حائزى فلوينس سيدان و ميجان هاتش باك 3 --مشاركات 2011

السلام عليكم

سؤال كمان

هو الزجاج الامامى كلة بينزل بلمسة واحدة ؟

الف الف مبروك د تامر و بما ان كل رجالة الرينو هنا انا عندي شوية اسئلة لان العربية عجباني موت لاني كنت في الميكانكيون العر بسال علي الاسبورتاج و شوفت الفلوانس و عجبتني و مصدقتش ان كل الكماليات دي بالسعر ده المهم

انا خايف من التكنولوجيا الزيادة اللي فيها دي علشان ممكن فجاة تعطل و مش اي حد بيعرف يصلحها؟

اخبار قطع غيارها في السوق ايه و اسعارها ايه بره التوكيل لان سالت علي التيل مثلا في التوكيل لقيتة 420 جنيه؟

هل في مراكز صيانة غير الميكانكيون و فرنش بيعملها صيانة يعني صنايعية فاهمة او مراكز عادية مش معتمدة بس تكون محترمة؟

و معلش طولت عليكم و ارجو الافادة ضروري

معلش يا بوكلا باشا كمان سؤال ..بنزين 92 شغال بكفاءة مع الفلوانس ولا ايه اصل 95 دا عالى اوى

المشاركة الأصلية كتبت بواسطة bukla

اسأل زى ما انت عايز
شوف انا حكون صريح معاك انا شخصيا باستعمل 95 من يوم ما استلمت العربيه لغاية وقتنا هذا و الحمد الله ماعنديش مشاكل
ده مش معناه انك لازم تستعمل 95 لان فيه اخوه اعضاء بيستعملوا 92 من غير مشاكل لكن برضه للاسف فى اخوه اعضاء بيستعملوا 92 حصلهم مشكله مؤشر البنزين و هى انه بيعطى قراءه غير صحيحه لكمية البنزين اللى فى التانك و التوكيل بيعالجها بسهوله و ده سببه ان كثير من محطات البنزين العاملين فيها ماعندهمش ضمير و بيغشوا فى البنزين و ده السبب اللى مخلينى استعمل ال 95 لكن لو عارف محطه عندك شويه ثقه فيهم ممكن تستعمل 92 من غير مشاكل ان شاء الله

العربيه بتاعتي مكملتش شهرين وعداد البنزين بيخرف بمعني الكلمه.

شكلي هاروح التوكيل لاني حاسس ان العربيه فيها مشكله.

وفيه حاجه تانيه لما اجي امشي بالعربيه دلوقتي وتكون لسه بارده يعني مؤشر الحراره موصلش لاخره
بحس بنتشه في النقلات واضحه جدا. بتختفي لما العربيه تسخن ده ممكن يكون من ايه

طب الحمد لله ان التوكيل بيعالجها ..والف شكر يا بوكلا وباذن الله اكون من مالكى الفلوانس قريب ..

صباح الوحوش. انا معايا فلوينس 2012 عامل بيها 1000 كم تقريبا. عندي مشكلة صغيرة كده، سعات الكاسيت يطفي و يشتغل تاني. حد قابل المشكلة ديه ؟