رابطة حائزى فلوينس سيدان و ميجان هاتش باك 3 --مشاركات 2011

**horas3000** · 06-12-2011 11:24 AM

احمد باشا
منور يا زعيم
و مبروك عليك الفلوينس
مكنتش اعرف انك انضميت للرابطه

اما بقي بالنسبه لمشكلتك فبصراحه معنديش تفسير
انا اخري بالفلونس كان 130 علي الدائري بوصلاته و العربيه كانت كويسه
لكن متعرضتش لمطبات الهوي دي قبل كده
و تفسيري الشخصي انه ده ممكن يكون لنعومه العفشه
و زياده في الاحتياط يستحسن تبص عليها لتكون محتاجه تربيط او حاجه و شيك برضه علي ضغط الكوتش
و ان شاء الله خير

**ashouhdy** · 07-12-2011 03:21 AM

طالما طالع و نازل يبقى نعومية عفشة والف مبروك يأحمد :))

**horas3000** · 07-12-2011 09:06 AM

المشاركة الأصلية كتبت بواسطة Ahmed Anwer

الله يبارك فيك ،،، ربنا يكرمك يا باشا

ما هوا أنا فعلا الكلام ده بيكون في أسوأ حالاته علي 130

و علي الدائري مثلا في الحتت اللي قدام التجمع اللي فيها طالع ونازل

مستبعد حكاية العفشة محتاجة تربيط دي !!! أصلي في العادي مبسمعشي أي اصوات أو اي حاجة غير طبيعية

عموما سيبك ،، لو أنتا في القاهرة عايزين نتقابل مرة

تسلم يا زعيم
و بصراحه شايف ان اي عربيه هتعمل كده علي سرعات عاليه خصوصا مع طريق سيئ زي الدائري
و كلام في سرك البي ام عملت معايا اللي بتقوله ده بس علي سرعه اعلي من ال 130 بشويتين كده

و مش لازم العفشه تعمل اصوات لو مش متربطه و متنساش ان عزل الفلوينس كويس فممكن متاخدش بالك و شيك عليها مش هتخسر حاجه

و ان شاء الله في اقرب فرصه انزل فيها هبقي اقول و نتقابل و يا ريت تكون مقابله للمنتدي كمان

**bukla** · 07-12-2011 07:33 PM

المشاركة الأصلية كتبت بواسطة ahmadm

السلام عليكم

هو بوكلا مختفى لية يا رجالة ؟ لعل المانع خير إن شاء الله

السلام عليكم و رحمة الله و بركاته
اشكرك اخى الكريم على سؤالك ربنا يديم العلاقه الطيبه
اسف لعدم مشاركتى معاكم طول الفتره اللى فاتت لظروف خاصه لكن انا من وقت لأخر بأدخل المنتدى اتابع اخر الاخبار و ان شاء الله سأعود للمشاركه الايجابيه قريبا
و تمنياتى بالتوفيق للجميع