الموضوع: رابطة حائزى فلوينس سيدان و ميجان هاتش باك 3 --مشاركات 2011

المشاركة الأصلية كتبت بواسطة ebso

بسم الله الرحمن الرحيم

الحمد لله استلمت على خير و رخصت ودلوقتي جه معاد التقرير
الفلوانس 2013 e3
فعلا الواحد كان في حيرة بطريقة عجيبة ، وكان الاختيار صعب لأن كل العربيات اللي في السوق فيها مشاكل ومفيش حد بيشكر في عربية خالص ولكن الحمد لله ربنا هداني بعد الاستخارة واشتريت الفلوانس وده جه بعد مراجعة كل مشاركات رابطة حائزي الفلوانس من أول صفحة لآخر صفحة.

الفلوانس أول ماتشوفها تحبها ، حتى لما شوفتها كان جنبها النترا خليجي و سيراتو و كورولا و انواع تانية كتير لأني اول ماشوفتها كان في المصرية لكن فعلا لا يمكن مقارنتها بالكوري ولا الياباني وان كان يمكن مقارنتها بالكورولا على استحياء نظرا لقلة الاوبشنز و الشكل القديم للكورولا ، بس المقارنة تيجي مع السكودا و البيجو و الفولكس بس طبعا فيه فرق سعر كبير.

أنا عربيتي لونها شامبين ، وهو لون مكنتش بفكر فيه وكان عاجبني السيلفر لكن لما شوفته عجبني جدا و على فكرة كل الالوان فيها جميلة جدا ، ومفيش أي لون شوفته عليها مش لايق أو تقدر تقول ده لون وحش.
- بالنسبة للاستلام كان بعد اسبوع من الحجز - اول مادخلتها و المهندس قعد يشرحلي الاوبشنز قولت لنفسي ده الموضوع كبيير او\زاي هافتكر كل الكلام ده وانا سايق ولكن بعد يوم واحد بس لقيت ان الموضوع بقى سهل جدا و مريح لدرجة انك عايز الطريق ماينتهيش وتفضل سايق .

- الخامات الداخلية ممتازة و التصميم راقي جدا ( تقدر تقول فعلا شغل باشاوات مش شعبي مع احترامي لكل السيارات اللي في السوق) بجد يا جماعة فيه فرق كبير جدا في جودة الخامات و التقفيل و التصميم .
- جسم السيارة و التصميم الخارجي طبعا جميل جدا و الصاج محمل بطريقة نادرة اليومين دول ، وطبعا انا كان الشكل واهمني من زمان .
- الاوبشنزاللي موجود فيها بيتهيألي مفيش حاجة بتفكر فيها مش موجودة ومحدش يقولي usb علشان مينفعش بعد كل الشياكة دي تحط فلاشة في التابلوه :t_thum1[1]:
- أول ماسوقتها حسيت بأبعاد جديدة جدا و كنت مقلق ومش شايف بس تاني مرة طلعت بيها الموضوع بقى سهل ، وبعد الترخيص بقيت بشد بيها عادي خالص و هو موضوع تعود مع الوقت مش أكتر ، بس يا جماعة فعلا هي في الركن مابتشوفش حاجة ورا خالص و الابعاد الخلفية مع علو العربية صعب شوية ( محتاجة بارك سنسور ضروري هايخلي الحياة جميلة)

- السيارة عالية عن الأرض وانسى أي مطبات في مصر مع انها ثابتة جدا مع السرعات (120كم ده اللي قدرت اوصله) وفي الملفات ولا أروع - وده كان حاجة مهمة جدا ليه في الاختيار علشان كل مطب بياكل العربية من تحت كان بالنسبالي بيسببلي حالة نفسية :i_angr1[1]:

- نيجي بقى للموتور ، بسم الله ماشاء الله ناعم جدا ومفيش صوت مسموع نهائي و طبعا مش قادرأحكم على السحب خصوصا في الطلعة لأن لسه مامشيتش أكتر من 100 كم بس واضح ان بعد ماتعدي 50 كم السحب بيبقى ممتاز .

- العفشة جيدة ولسه هاتبان أكتر مع الاستهلاك بس مبدئيا هيه رائعة و الفرامل ممتازة .

- العزل جيد جدا جدا أحسن من الكوري بمراحل ، و التكييف أدائه جيد مافيهوش مشكلة خالص و بلاش مقارانات علشان الغرض من التكييف هو ان الواحد مايحسش بحر مش اني اتجمد وانا جوة العربية و اقعد انزل في المروحة لحد ماأطفيه :w_022:

- العربية يا جماعة زي مابيقولو ( ركوبه ) احساس تاني وانت سايق و فعلا الكراسي مريحة ومع تظبيط الكرسي و مخدع الرأس بتبقى تمام، بالاضافة للفخامة و أمان و شياكة.

- العربية واسعة جدا و الشنطة مساحتها واسعة .

- الجديد ان فيه وحدات رفع للزجاج بتشتغل من الزرار اللي في باب السواق بالدوس مرتين ، و الزجاج أمامي وخلفي بيترفع و ينزل من دوسه واحده فقط

- بالنسبة لملحقات السيارة ( الكوريك و مفتاح العجل و القاطرة و الدواسات و الاريال و الاستبن 15 ومسامير الاستبن و الكاتلوجات في حافظة سوداء )

- بالنسبة للنتشة حسيتها طبعا بين الاول والتاني و مش زي ماكنت متخيل هيه حاجة كده لاتذكر و مش موجودة على طول تقريبا محتاجة تظبيط علشان ماتظهرش

- الطلعة بتاعتها بطيئة شوية و يارب تتحسن بعد لما الموتور يتلين و غير كد مفيش حاجة سلبية ، والعربية ما شاء الله ربنا يعطينا من خيرها جميعا و يكفينا شرها و الحمد لله انا مبسوط بيها جدا و الاختيار كان تمام و كل اللي شافوني بيها قالو نفس الكلام ، كفايه السيفتي

ملحوظة : تم اثبات الستائر على الرخصة

ان شاء الله ارفع الصور قريب جدا و متشكر جدا و آسف للاطالة والله يا جماعة انا مش بحب كترالكلام بس كله علشان خاطر الأعضاء اللي زي العسل.

اولا الف مبروك و ربنة يحفظهالك ثانيا انا بردو مش متخيل وحدات الرفع دية بتشتغل ازاى اللى انا فاهمة ان وحدات الرفع دية بتشتغل مع ريموت العربية لما تقفل العربية المريات تقفل و الزجاج يقفل لوحدة لو كان مفتوح ازاى بقة بتشتغل ؟؟ يعني كل ما تيجي نازل تدوس على زرار عشان تفعل وحدات الرفع ؟ ولا كل مرة تدوس على زرار عشان الزجاج يقفل ؟ انا مش فاهم :)

المشاركة الأصلية كتبت بواسطة bukla

بسم الله ما شاء الله
الف مبروك ربنا يديك من خيرها و يكفيك شرها
و أن شاء الله ربنا يحفظها لك و تستمتع بيها طول ما هي معاك لغاية ما تجيب اللي أحسن منها أن شاء الله

بوكلا باشا ازيك منورنا والله :) معلش استاذنك تفهمنى موضوع وحدات الرفع اللى بزرار دية ؟:):b4_556:

المشاركة الأصلية كتبت بواسطة Hegazio

مش فاهم الجديد فوحدات الرفع ده..ماهو من العربية ده موجود
اللي كان موجود فالميجان و مش موجود هو رفع من الريموت

انا كدة مش فاهم حاجة اكتر شوية توضيح يا حجازيو باشا