اقتباس المشاركة الأصلية كتبت بواسطة meridian71 مشاهدة المشاركة
أنا الحمد لله يا جماعة إستلمت النهاردة و العربية ما شاء الله عليها - الله أكبر -

بس يا جماعه أنا لاحظت إنى من أول سرعه 60ك بأسمع صوت تكتكة من الخلف تحديدا الجنب اللى وراء السواق و سرعة التكتكة بتزيد مع زيادة السرعه. مش عارف دة من إية. كلمت التوكيل و إدونى نمرة م/محمد جاد و من هنا لهنا إ تفقنا نتقابل بكرة الجمعه علشان يسمع الصوت و يحدد السبب و يحله أو أروح التوكيل
إن شاء الله يكون السبب صغير زى مثلا يكون مقفول على الجنط زيادة. هل فيه أى إقتراحات للصوت ده يا جماعه؟

شكرا ليكم و إختيار موفق إن شاء الله و عربية فعلا تحفة
اولا الف مبروك ربنا يديك من خيرها و يكفيك شرها
اما بخصوص صوت التكتكة اللى بتقول علية انا عايزك تبص على الصورة دى

دى صورة الحزام الخلفى وراء السائق حتلاقى قطعة بلاستيك اعلى الحزام هيه مش باينة فى الصورة دى المهم القطعة دى وظيفتها تمسك القطعة المعدنية اللى فى الحزام علشان ماتنزلش لتحت جرب تدخل الحزام فيها او تحشرها ما بين ظهر الكنبة و القائم يمكن تكون هية السبب فى صوت التكتكة دة لانها كانت عاملة صوت زى التكتكة عندى مضايقنى قوى و فضلت مدة بحاول اكتشف الصوت دة جاى منين لغاية ما اكتشفت انة جاى من قطعة البلاستيك دى
بالتوفيق ان شاء الله