الموضوع: رابطة حائزى فلوينس سيدان و ميجان هاتش باك 3 --مشاركات 2011

المشاركة الأصلية كتبت بواسطة mah_khourshid

الله ينور عليك يا بوكلا من يومك وانت متألق

يا باشا ده بس من زوقك

المشاركة الأصلية كتبت بواسطة ahmedsql

شكرا ياباشا , شكلي هجبهم من هناك عشان الجبتهم من بره مش نافعين. اعتقد تقصد شارع عبد الرحيم صبري متفرع من شارع التحرير صح ؟

الشكر لله
هو انا ماروحتش ليهم لسه انا جبت عنوانهم منهم بالتليفون بس فى الغالب هو المتفرع من شارع التحرير لو عايز تتأكد من العنوان كلمهم فى التليفون 33358686
بالتوفيق ان شاء الله

المشاركة الأصلية كتبت بواسطة amrelserw

انا كان عندى سؤال هو مش المفروض ان المساحات تتغير فى الضمان اصل مش معقول ان كل الناس الى عاوزا تغيرها كان سوء استخدام منهم و لا ايه؟

فكرت فى كده برضه و كنت ناوى استنى لغايه صيانه ال 30 الف علشان اناقشهم فى الموضوع ده على اساس انه مش معقوله المساحه تبوظ بعد سنه واحده من الاستعمال ده انا عندى اللانوس شاريها فى اكتوبر 2003 يعنى من 8 سنين و ما غيرتش كاوتشت المساحات لغايه انهارده هي صحيح محتاجه تغيير من حولى سنتين او اكثر و انا مكسل عليها لكن قول فضلت سليمه خمس ست سنين
لكن اللى خلانى اغير قرارى و انوى اشتريها من مركز توزيع قطع الغيار ان ليا صديق من هنا فى المنتدى كان اول امبارح من المقطم كان بيعمل صيانه للفلوينس و كلمنى فى التليفون قالى ان فيه لوحه معلقينها بالحاجات اللى يجب تغييرها بعد مدد محدده و منها كاوتش المساحات يتغير كل سنه
فقولت يبقى كده المناقشه خسرانه من قبل ما تبدى
بالتوفيق ان شاء الله