امبارح كنت سمعت صوت كده في بدايت الدوارة وبيروح علطول لما تسخن
المهم رحت الميكانيكي طلعت بليه التقسيمه فاغيرت الطقم كله البليتين الثابتين (نوعهم فيبي الماني) و البلية اللي فيها سوسته دي (نوعها ليتينس كندي) وسير التقسيمة بالمرة ( نوعه كونتينتال مكسيكي) ال3 بليات عملوا 530 جنيه و السير ب120 جنيه
المهم الراجل ظبط الكلام والعربيه الحمد لله اشتغلت كويس
بس في ملحوظة الميكانيكي طبعا وهو بيفك شال الفيش بتاعت حساس الهواء و كام حساس كده اللي هما ناعيت السيور وفيشه درجة الحرارة والفيشه اللي جنبها دي اللي تحت طرمبة المياة ولما ركب السير قبل ما يقفل دور العربية علشان يجرب من غير ما يركب الفيش(هل ده هايؤثر في حاجه؟)
الغريب بقه اللي قالقني
وانا ماشي من عنده كانت الدنيا زحمه وفجاه لقيت المراوح اشتغلت علي السعة العالية لان صوتهم طلع قوي و بابص علي عداد الحرارة لقيتها علي ال100 رحت راكن علي جنب ومبطل العربية لقيت المروحتين شغالين بسرعة عالية اوي,,
سبتها لحد ما هديت وبصيت علي قربة المياة لقيتها طبيعيه جدا
دورت و طلعت علي الميكانيكي تاني وقولتلوا علي اللي حصل (هو صاحبي اوي يعني ) فا قاللي ماتقلقش فبص عليها وشال الفيشة بتاعت درجة الحرارة وفيشه الحساس اللي جبنه تاني وحطهم تاني وقاللي دور جورناها وسبناها لحد ما تسخن و جت عند ال92 واشتغلت المروحتين عادي خالص علي السرعة الهاديه دي وبطلوا لما الحرارة نزلت وطلعنا مشينا بيها شويه لقيتها عادي خالص و طبيعيه
تاني يوم بقا كنت نازل مع خطيبتي كارفور وكانت الدنيا زحمة اوي وفي عز الظهر بقا قولت اشغل التكييف بقا وكانت درجة حرارة الجو الظاهرة في الشاشه 46 في بدايه لما شغلت التكييف لقيت الحرارة طلعت تاني ناحيت ال95 كده(وده مش الطبيعي خالص) وكنت حاسس بالكمبروسور وكنت باحس برعشه العربية وهي واقفة و المروحتين يشتغلوا جامد بس مش بانتظام مع علي درجة علي معينه زي الطبيعي قبل ما اغير سير التقسيمة و بليهم وكمان مش بيشتغلوا علي السرعه الهادية تلاقيهم بيشتغلوا علي السرعة العالية علطول لما الحرارة توصل ال98 ولما وصلت كارفور بطلت العربية لقيتهم بيشتغلوا علي السرعة الهادية .. ساعتها كنت هاتجنن بقاااااااااا
طبعا وصلت خطيبتي جوه وقلتلها خليكي قاعده هنا لحد ما اشوف في ايه في العربيه دي
شمرت و فتحت الكابوت وفصلت البطارية علي اساس اني باعملها ريستارت كده لعل و عسي يمكن يرجعوا زي ما كان
بردوا مافيش فايدة رحت مكلم تامر قاللي ادوس علي زرارين بتوع التكييف مع بعض 6 مرات ورا بعض او اشيل المقامة الرمادي و احطها تاني
عملت زي ما تامر ما قاللي بردو ما فيش فايدة واللي لاحظتوا زياده علي كل ده اني لما بادوس علي زرار الكومبريسور بلاقيه بيشتغل عادي لكن مروحة السربنتينة مش بتشتغل غير بعدها بنص دقيقة لوحدها و علي السرعة العالية من غير مروحة الردياتير مش بتشغل خالص ولما اقفل الكومبريسور بلاقي مروحة السربنتينة بتفضل شغالة علي السرعة العالية لفترة مع ملحوظة ان درجة الحرارة تحت ال 90
اتصلت بتامر تاني قولتلوا مفيش فايدة قاللي ماتقلقش سيبها تهده وهي هاتشتغل كويس
سبتها و دخلت قضيت يومي مع خطيبتي وبعد الفطار وانا مروحها كان الجو حلو فا مفيش اي مشكلة في الحرارة
وانا تحت البيت قصدت اني ادوس شوية بنزين لحد ما الحرارة توصل لل92 لقيت المروحتين الحمد لله اشتغلوا علي السرعة الهاديه لحد ما نزلت تحت ال 90 و سكتوا ( وكده يبقوا رجعوا لطبيعتهم)
قولت اجرب الكومبريسور لقيت بردو المروحه بتاعت السربنتينه مش بتشتغل غير بعدها بشويه و لما اقفل الكومبريسور بلاقيها لسه شغالة رحت قافل العربية وطالع وانا متعكنن بقا
انا مش عارف اعمل ايه حد يلحقني ويقولي ايه الحل لان العربية والله كانت شغالة كويس والحرارة ما بتزدش عن ال92 خااااالص ومن امبارح و انا قلبي بيقف لما بلاقي عداد الحرارة قريب من ال100 حد يقولي ايه السبب وايه الحل
مع ملحوظة ان العربية قبل ما يحصل الكلام ده كله كانت درجة الحرارة لا تتعدي ال92 ولما بتوصل لل92 المروحتين كانوا بيشتغلوا علي السرعة الهادية والحرارة بتنزل في اقل من دقيقتين لل88 وعمرالحرارة ما وصلت لل98 دي خااااااالص ولا سمعت المروحتين بيشتغلوا علي السرعة العالية خالص ولما كنت باشغل التكييف الحرارة كانت بتنزل علي 85 كده ولا كانت بتتحتح اكتر من كده....
بالله عليكما حد يلحقني بالحل..
المفضلات