الحقوني الاطارات الاماميه الفرامل بتقفش عليهاوتسخن جدا لما العربيه تسخن في الزحمه

**aboomar22** · 08-08-2011 09:20 PM

منتظرين ضرورى الميكانيكى هيقولك ايه بس هو لو الكليبر هيبقى فى عجلة واحده مش فى الاثنين صح ولا ايه تفتكر مكن يكون الماستر العمومى لانه بياثر على العجلتين مع بعض

**HOBANEW** · 08-08-2011 10:13 PM

دوست علي الفرامل و هي مبطله بتكون محجره شويه صغيره و لما دورت البدال نزل شويه صغيرين
الجدييد بقااا
النهارده لما العجل سخن و الفرامل قفشت عليه فكيت الصامولتين بتوع العجلتين الاماميتين من الماستر جابو شويه زيت و بعدين قفلتهم تانى العربيه اتظبطت بس رجعت تانى و انا راجع متعرفوش ده ايه؟؟؟؟ عامتا انا بكره رايح للمكانيكى و هقولكم عملت ايه

**ahmedhawas** · 09-08-2011 03:08 AM

أومال فين بوبوس !! هههه
شوف يا باشا في حاجة تانية برضو لازم نقولها في الموضوع ده.
وهي زيت الفرامل.
1- دايما اشتري نوعية نضيفة ومضمونة.
2- اتأكد من مستوى زيت الفرامل ميكونش أكتر من الماكسيمم.
3- شوف لون الزيت هل قلب على بني أو ان الزيت مليان شوائب عايمة في الإربة؟؟ يبقى تغيره أحسن.

- زيت الفرامل شديد الامتصاص لبخار المياه الموجود في الجو ، عشان كده متسيبش الغطا مكشوف لفترة كبيرة (بمجرد التزويد أو التشييك وتقفل فورا)

**popos88** · 10-08-2011 01:07 AM

هههههه انا اهو بس كنت داخل من عند ابن خلتي
المهم رحت للميكانيكي قالي ده عيب ماستر عمومي قلتلو بس ده لسه جديد قالي انا هحلو و اشوفه و اعمل اللزم..
جاب طقم اصلاح و خراطيم و كوتشات كلهم ب 20 جنيه و مخدش مصناعيه... خت العربيه و روحت بيها نفس العيب طلع تانى كلمتو قالي كده يبقا عيب مواسير ال متوصله من الماستر العمومى و ال تحت..
ان شاء الله بكره هروحلو و اغيرهم و هقولكو عملت ايه و علي فكره انا غيرت الزيت الفرامل

**aboomar22** · 10-08-2011 01:40 AM

انا متابع معاك لان نفس المشكلة دى عندى بالضبط انا كمان غيرت الماستر العمومى والمواسير والخراطيم وجبت كاوتشات للماستر اللى فى العجل ونفس المشكلة موجودة فى الشتاء كله تمام مفيش اى مشكلة وطول ما انا ماشى فى السريع مفيش مشكلة المشكلة لو وقفت فى اشارات تسخن العربية تظهر المشكلة مفيش قدامى الا تغيير التيل والكشف على بلى العجل ونشوف ان شاء الله خير

**popos88** · 12-08-2011 03:29 PM

الميكانيكي اعد يفحص و يمحص في الفرامل لحد ما لقى وصلتين (خرطومين) مسدودين واحد بتاع العجله الشمال و التاني بتاع العجله اليمين الواحد طوله حوالي 20 سم و هو يربض بين الماستر ال تحت علي الطنبوره و الماسوره ال جايه من الماستر ال فوق جبت الوصلتين ب 50 جنيه و العربيه بقت تمام و العجل مبقاش يسخن.. و دي صوره الواصله بعد ما ركبت
ImageShack® - Online Photo and Video Hosting