العوامة موجودة تحت الكنبة من ناحية الباب اليمين هتتنى الكنبة وترفعها على قدام هتلاقى زى صامولة كبيرة بلاستيك ودى اللى رابطة على العوامة وبالنسبة لفلتر الكربراتير بيبقى فلتر 3 خرم موجود تحت العمة ممكن تبص عليه لو فيه تسريب منه برده ممكن يبقى سبب
انا راجعت على كل الخراطيم والفلاتر والجوانات الحمد لله مفيش اي تسريب بس فيه حاجه مهمه اوي كنت ناسيها .. فيه اربعة أخرام في العمه من فوق دول كانوا بيدخلو هوا مباشر للكربراتير بعيد عن الفلتر الهوا انا قفلت كل الاخرام دي وحاجه كمان.. السلانسيه بتاع العربيه كان عالي اوي خلال الفتره الي فاتت ودا اكيد بيخلي العربيه تاكل بنزين لما وطيت السلانسيه المكنه صوتها هدي كتيير وفيه حاجه كمان حصلت في العربيه لما هديت السلانسيه ودي اهم حاجه.. الحاجه الي هتجنني بقالها شهرين وهي اني لما بقيت اقفل الكونتاك العربيه تبطل علطوووووووووول مبقتش مصدق:Ob_mak1[1]:
وقعدت ازود للعربيه واسخنها جدا وابطل العربيه تبطل علطوووول :Ob_mak1[1]:
بس فيه حاجه انا مبعرفش اضبط الكهربا مع الهوا مع السلانسيه انا بعمل كل حاجه لوحدها بس مبعرفش اضبطهم مع بعض ازاي وانا خايف بعد م هديت السلانسيه امشي بالعربيه تبطل مني في المطبات وكمان بتهيألي ان السلانسيه بتاع عربيتي بيعلى لوحده بعد فتره فياريت تقولي على طريقه ضبطهم مع بعض واعمل ايه في السلانسيه الي بيعلى لوحده ده
ظبط العربية بتقلل السلانسية لغاية مالعربية تقف وبعدين تعليه شوية لما الموتور يبقى صوته واطى جدا ويتهز وبعدين تضبط الهواء سنه سنه لغاية لما تلاقى هز الموتور اقل مايمكن وبعدين تدوس بنزين مفاجئ وتشوف صوت الموتور بيعلى مفاجئ ولا بيبقى مكتوم وتبدء تغير الكهرباء لغاية لما تلاقى استجابة الموتور مع البنزين سريعة وبعدين تظبط السلانسية تانى لغاية rbm 8 او صوت الموتور مايبقاش عالى وده كله تكون فاكك عمة الكاربراتير وربنا يقويك !!
[shr71=http://im78.gulfup.com/ZDZDBI.jpg]null[/shr71]http://im78.gulfup.com/ZDZDBI.jpg
شكراً يا بشمهندس بس كنت عايز اعرف المدخل اللي بيروح عليه خرطوم زيت الفايظ اللي هو تحت العمه انا صورة صوره من تحت العمه و مرقم المدخلين اللي شوفتهم يا ريت توضحلي انهي مدخل فيهم اللي صح جزاك الله عنا كل خير
ازيك يا صديقى العزيز
هتلاقى كوع بلاستيك او فبر تحت العمة و هتلاقى لونه اسود على قد مقاس فتحة الخرطوم
هو دة اللى تركب فى الخرطوم للاسف الصورة مش موضحة الكوووووووووع فين
و لو انتا روح عند اى ميكانيكى 10 جنية خليه يركبهولك
لانه مهم جدااااااا
منتظرك ترد عليا
بالتوفيق ان شاء الله
مفيش فايده مهما اعمل هو هو نفس استهلاك البنزين العالي والرده الي بتحصل لما بقفل الكونتاك رجعت تاني نفس الي بيحصل لما بروح للميكانيكي يظبطلي العربيه يوم واحد وبترجع زي ما كانت .. باقي حاجه واحده اني اغير الفواني وبالذات الفونيه بتاعة السلانسيه (الي راكبه عندي مقاسها 92.5 ) وكل ما اقلل السلانسيه بعد شويه يعلى لوحده والموتور يبقى سريع .. بس عايز اعرف مقاس الفونيه المفروض يكون كام
السلام عليكم
فوانى الفيليشيا واحدة مقاسها 120 والتانية 92 ...........بالتوفيق
انا حاولت اضبط الموتور تاني بنفسي اكتشفت ان الهوا كان مفتوح ع الاخر كان الميكانيكي بيفتحه على اخره عشان بثبت حركه الموتور انا قلت اجرب اقفل الهوا شويه لقيته بيجيب معايا كتييييير .. المهم قفلت الهوا شويه كتير والعربيه بقت تماام والرده الي بتحصل لما بقفل الكونتاك قلت بشكل كبيييير الحمد لله لسه بس استهلاك البنزين هعرفه لما افول
السلام عليكم .. عندي مشكله في ذراع النور بيعلق في العالي والواطي او بينور الاتنين بول في وقت واحد لما بكون منور الواطي .. رحت للكهربائي قالي عايز يتحل ويتظبط ياريت لو حد يعرف طريقه حله عشان احله بنفسي واضبطه وياريت لو الدراع معقد من جوه حد يقولي عشان اروح للكهربائي ومبوظش الدنيا
ده لينك الموضوع هيفيدك جدا
http://www.nilemotors.net/Nile/312351-a.html\
ملحوظة انا جبت الموضوع من المدافن بتاعة قسم سكودا