انا تقريبا ما ضحكتش من يوم الخميس

**No Comment** · 08-08-2011 07:04 PM

بص يا بشمهندس محمد ... علشان تحس براحة نفسية وتخرج من الحالة دى .
لازم تتخيل انك كان ممكن لا قدر الله تكون بسبب الحادث ده موتت حد أو انك أصبت أصابة جامدة أنت أو صديقك اللى كان معاك .
ساعت لما هتتخيل الحوار ده ... هتلاقى نفسك بتقول الحمد لله الذى عفانا مما ابتلى به غيرنا وقدر الله وما شاء فعل .
لان فى ناس حوادثها بتكون اكبر وبتفقد فيها يا أهل يا اصدقاء يا هيا اللى بتنصاب جامد .
والشئ بالشئ يذكر ... جار لنا يسكن فى العمارة أمامنا توفى فى حادث سيارة هو وحفيدته الصغيرة ، وزوجته وابنته قدر الله لهم الحياة بكسور ، وده كله بسبب خطأ الغير كمان .

فحين مقارنة هذا بما حدث لك ستجد أنك لم يحدث لك شيئاً وستقول الحمد لله .

هذه نصيحة من شخص حدث له حوادث سابقة تؤدى الى الموت وبقدر الله لم يحدث لى شى .

وأذكر الله كثيراً ... الا بذكر الله تظمئن القلوب .
http://www.nilemotors.net/Nile/236860-a.html

**A.Saad** · 08-08-2011 11:25 PM

محمد
فيه حاجة نقدر نساعدك فيها فى موضوع العربية والقضية

**dieseltrucker** · 09-08-2011 12:27 PM

السلام عليكم
اذكرك يا باشمهندس بالقول الأثور عن سيدنا عمر ابن الخطاب كان يقول اذا نزلت بي مصيبه حمدت الله ثلاثا (شوف الجمال)
انها لم تكن في ديني يعني فتنه او بلوه مسيحة او غلطة تودي الواحد في الاخرة في مصيبه
انها لم تكن اكبر منها .........ياسلااااااام لو كل واحد فينا حصلتله مصيبه وقدر انها كويس اللي مازادتش عن كده
انها لاتعادل مصيبتي في رسول الله صلى الله عليه وسلم .....
واوصيك بالاستغفار
هوا الحل السحري لاي مشكلة بس مش الواحد يستغفر مرتين ويقول اهه انا استغفرت ومافيش نتيجه ولكن الزم الاستغفار
وكمان دعاء سيدنا يونس
لا اله الا انت سبحانك اني كنت من الظالمين
مخصوص لفك الكرب والضيق
وماتزعلش الفلوس بتروح وتيجي ربنا هايسهلها وبكره تفتكر الموضوع ده وتحكيه لولادك وانت بتضحك كمان
اصل انا ياما اتزنقت وشفت ايام سودا
واهوه عايش واحسن من الاول كمان

**waelfarid** · 09-08-2011 12:40 PM

اكتر من كدة ويزيح ربنا واللي يشوف بلوة غيرة تهون عليه بلوته هي بتبقي صادمة بس قضا اخف من قضا وكله بأمر الله
لا اله الا الله محمد رسول الله واستغفر الله العظيم واتوب اليه

**ahmed_mido1889** · 09-08-2011 12:42 PM

بص يا باشا

انا هقولك نصيحتي بناءا علي تجربتي لما عملت حادثه وشلت واحد بالعربيه

هو الحمدلله الراجل سليم

بس اتعملي محضر وطلعت النيابه واتسحلت

حاول تعيش حياتك طبيعي جدا زي قبل الحادثه

يعني روح شغلك وروح اي حته كنت بتروحها قبل الحدثه

وشيل من دماغك انك عملت حادثه

ومتتكلمش مع حد فيها

علشان في ناس هتريق وتقولك انت بقيت سوابق وحوارات كده ودول مش قليلين

يا راجل انا كنت وصلت لمرحله اني كل ما اجي انام اتخيل منظر الراجل وانا بشيله

بس الحمدلله كل ده راح لحاله

واللي بقي يكلمني في موضوع الحادثه ده بديله علي دماغه

هي فتره بس وانت اللي هتعرف تخرج نفسك منها

وحاول تلتزم يالصلاه وادعي انت بتصلي

وربنا ان شاء الله يكرمك ويخرجك من اللي انت فيه

**Akram** · 09-08-2011 01:27 PM

قدر الله و ما شاء فعل ,
لازم تعرف انك خرجت في الوقت ده و في المكان ده علشان مقدر ليك تعمل الحادثة دي ,

فيه مثل بيقول اللي يشوف بلوة غيره تهون عليه بلوته ,
انزل يا باشا و اعمل زيارة للقصر العيني و شوف الحالات اللي بسبب الحوادث ,
و انت هتعرف انك في نعمة ,

و بعد كده سافر و لو حتى يوم و غير جو ,
ايه رأيك تروح الاسكندرية تفطر و تصلي التراويح في جامع ابراهيم و تسهر على الكورنيش ,

هتحس فعلا بتغير كبيييييييير ,

**mailo** · 09-08-2011 01:47 PM

قدر الله و ما شاء فعل

لو فيه مساعدة ممكن حد يقدمهالك قول

**tarek_2005** · 09-08-2011 02:03 PM

الي حصل افضل بكتير من الي ممكن عقلك والشيطان يصورولك بلاوي كتير اوي
الحمد لله الي حصل دا مقدر ومكتوب
الحمد لله

-

الموضوع: انا تقريبا ما ضحكتش من يوم الخميس

LinkBack

أدوات الموضوع

عرض

-

-

-

-

-

-

المواضيع المتشابهه

رجة الدريكسون بعد 120 تقريبا

رجة الدريكسون بعد 120 تقريبا

33 كيلو متر تقريبا

لو ما ضحكتش ليك عندى ربع جنيه بس لو ضحكت هات بقى الربع جنيه

الكلمات الدلالية لهذا الموضوع

المفضلات

المفضلات

ضوابط المشاركة