الموضوع: انا تقريبا ما ضحكتش من يوم الخميس

المشاركة الأصلية كتبت بواسطة no comment

بص يا بشمهندس محمد ... علشان تحس براحة نفسية وتخرج من الحالة دى .
لازم تتخيل انك كان ممكن لا قدر الله تكون بسبب الحادث ده موتت حد أو انك أصبت أصابة جامدة أنت أو صديقك اللى كان معاك .
ساعت لما هتتخيل الحوار ده ... هتلاقى نفسك بتقول الحمد لله الذى عفانا مما ابتلى به غيرنا وقدر الله وما شاء فعل .
لان فى ناس حوادثها بتكون اكبر وبتفقد فيها يا أهل يا اصدقاء يا هيا اللى بتنصاب جامد .
والشئ بالشئ يذكر ... جار لنا يسكن فى العمارة أمامنا توفى فى حادث سيارة هو وحفيدته الصغيرة ، وزوجته وابنته قدر الله لهم الحياة بكسور ، وده كله بسبب خطأ الغير كمان .

فحين مقارنة هذا بما حدث لك ستجد أنك لم يحدث لك شيئاً وستقول الحمد لله .

هذه نصيحة من شخص حدث له حوادث سابقة تؤدى الى الموت وبقدر الله لم يحدث لى شى .

وأذكر الله كثيراً ... الا بذكر الله تظمئن القلوب .
http://www.nilemotors.net/nile/236860-a.html

كتر الف خيرك يا باشا

وربنا يصبر جارك

انا فعلا جت في دماغي الفكرة دي امبارح وقولت الواحد ممكن يضرب نفسه بالنار لو مجرد بس خض بنته ولا ابنه في حادثة والحمد لله اني كنت لوحدي او كان معايا يعني راجل وهو عموما بردو صديق عمري ورفيق الكفاح من اكتر من 16 سنة دخلنا الثانوية سوا والجامعة سوا (نفس الكلية) واتخرجنا سوا واشتغلنا في نفس الشركة سوا وبنسهر بليل سوا ولما اتجوزنا اتجوزنا (مش سوا طبعا) ورا بعض علي طوول واحنا الأتنين ربنا رزقنا ببنوتين قد بعض تقريبا ومش قادر اقولك انا وهو قد ايه زي الأخوات ولو كان بردو جراله حاجة كان الواحد ممكن يضرب نفسه بالنار

الحمد لله علي كل حال

وقضا اخف من قضا

اكيد ربنا فدي بيها بنتي ولا اي حاجة تانية

الله المستعان
،
،