العربيه بتبطل لوحدها !! رجاء المساعده

**Dr_Smart** · 09-08-2011 05:53 AM

عربيتي السوزوكي sx4 2009 عامله 35 الف كيلو اوتوماتيك

من اسبوعين تلاته كده كنت مسافر بيها الغردقه ( وبالمناسبه العربيه دي ممتازه في السفر ثبات عالي وقفلت العداد 200 بالتكييف و4 افراد كبار والشنط .. وموفره جدا في البنزين في الطوالي بس طبعا مش على سرعة 200 )

المهم .. كنت بركنها وعامل r لقيتها زي ماتكون هتبطل والار بي ام نزل زيرو وبعدين اشتغلت على طول لوحدها ( ده حصل خلال ثانيتين ) وحصل اول لما المروحه جت تشتغل

ونفس الموقف اتكرر تاني بعدها بيومين

وبعدين اتكرر معايا بعدها حوالي 4 مرات .. منهم مرتين بطلت خالص ودورتها تاني والاقي الساعه اتصفرت كإني فصلت البطاريه

كل المرات دي بتحصل وانا بركن او واقف في اشاره ورجلي مش على البنزين .. بس مش كل يوم طبعا هي عملتها بتاع 6 مرات

غير كده مفيش حاجه تانيه .. بتدور عادي والسحب طبيعي وكله تمام

ممكن تكون المشكله في ايه ؟؟؟؟؟

فيه حاجه تانيه مش عارف طبيعيه ولا لا .. لما بكون عامل مارشدير R ومولع النور العالي واجي ادوس فرامل الاقي النور العالي ضعف

او مثلا لما اشغل الانتظار والعالي ونور الصالون .. الاقي نور الصالون بيضعف ويعلى مع الانتظار

ولو مشغل النور العالي والمروحه بتاعت الردياتير اشتغلت الاقي النور ضعف ( غمز )

هل ده كده طبيعي ولا فيه مشكله في كهربة العربيه ؟

**Defender** · 09-08-2011 05:59 AM

ان شاء الله خير ، حضرتك تشوف البطارية سليمة ولا لاءة ، إذا كانت سليمة ، غالباً هيكون العيب ان شحن الدينامو ضعيف
وان شاء الله باقي الأعضاء يفيدوك أحسن مني :)