إستطلاع : عربيات سيئة السمعة

**misoalex** · 11-08-2011 06:15 PM

المشاركة الأصلية كتبت بواسطة ghosts

عوامل الأمان نقطة بتهم بعض المصريين ....
أو نسبة بسيطة جدآ من المصريين ....
يبقى الواحد يسمع كلام مييين ؟؟؟
أشترى العربية اللى فيها ....
كل عواااااامل الأمان ....
ولا العربية الفاضية ....
اللى لما تتباع ....
ماخسرش ....
فيها ؟؟؟

السؤال ده على حسب تفكيرك اولا وعلى حسب ميزانيتك ثانيا

لان حتلاقى العربيات اللى فيها وسائل امان وحمايه مهدور حقها هنا فى مصر وبالتالى قطع غيار وصيانه مش منتشره اوى
ده غير اعاده البيع بتقل من تمنها

دى العيوب لكن لو انت تستحمل قطع الغيار ومش ناوى تبيع العربيه بعد كام سنه يبقى اتكل على الله واشترى عربيه المانى او اروبى لان الناس دى مبتهزرش فى حياه البنى ادم ده حتى التابلوه بيصنعوه من مواد متأزيش الركاب لو حصل حادثه

وخد بالك ان حتلاقى العربيات اللى فيها وسائل امان اكتر فيها رفاهيه واوبشن اكتر

**Ghosts** · 11-08-2011 06:27 PM

المشاركة الأصلية كتبت بواسطة abou_ruqi

بص في اخ هنا كان ليه وجهة نظر محترمة قوي
قبل ما يجيب السيفيك الناس قالتله اوعى انت مجنون دي مالهاش سعر في السوق وحتخسر كتير وكلام التجار ده اللي انت عارفه نصحوه يجيب ياريس او اوكتافيا باين او حاجة زي كده
بس هو حسبها كالاتي : اتنكد خمس سنين علشان يوم ما ابيعها ابقى مبسوط ، والا انبسط خمس سنين واتنكد يوم وحنساه بعد يومين تلاتة ؟
وتوكل على الله وجاب سيفيك

أنا عايش فى صراع رهيييييب ....
لأنى متردد مابين ال rb و الجين 2 .....
عشان الأتنين فيهم مميزات وعيوب فبالتالى مبئتش عارف أقرر ....

**Ghosts** · 11-08-2011 06:41 PM

المشاركة الأصلية كتبت بواسطة misoalex

السؤال ده على حسب تفكيرك اولا وعلى حسب ميزانيتك ثانيا

لان حتلاقى العربيات اللى فيها وسائل امان وحمايه مهدور حقها هنا فى مصر وبالتالى قطع غيار وصيانه مش منتشره اوى
ده غير اعاده البيع بتقل من تمنها

دى العيوب لكن لو انت تستحمل قطع الغيار ومش ناوى تبيع العربيه بعد كام سنه يبقى اتكل على الله واشترى عربيه المانى او اروبى لان الناس دى مبتهزرش فى حياه البنى ادم ده حتى التابلوه بيصنعوه من مواد متأزيش الركاب لو حصل حادثه

وخد بالك ان حتلاقى العربيات اللى فيها وسائل امان اكتر فيها رفاهيه واوبشن اكتر

حكاية البيع دى الواحد مننا مبيعرفش هتحصل أمتى ....
يعنى ممكن تلاقى واحد شارى عربية ومش فى دماغة خالص أنة هيبيع ....
لكن تحصلة ظروف قهرية تخلية يضطر أنة يبيع زى أنة يعيا مثلآ أو أنة يمر بضائقة مالية ....
محدش عارف بكرة مخبى لنا أية وكما يقول المثل تأتى الرياح بالرمال والأتربة ....

عشان كدة نقطة أعادة البيع دى مهمة جدآ ....

وأسطورة الأمان اللى فى العربيات الأوروبى دى أنتهت بالنسبة لى أمبارح بليل ....
لما شفت على U Tube عربيات من أقوى ماركات العالم ....
وهى عبارة عن شوية فتافيت على الطريق ....

**Car's Sniper** · 11-08-2011 06:59 PM

فيديبو للنوبيرا على سرعة 80 كويسة الى حد ما اما على سرعة 160 فبقت علبة سردين
http://www.youtube.com/watch?v=dMVeq6P5s9E

**Ahmod** · 11-08-2011 07:56 PM

بصراحة انا قريت بعض الردود تقول فوق سرعة 100 البي ام تتساوى بالهيونداي ! ! اعتقد اللى قال كدة اكيد بيهظر ! !

انا مش هقول اختبارات امان ولا واخدة كام نجمة والكلام ده

انا هتكلم من واقع حصل معايا شخصيا

عملت حادثة مع زميلي من حوالي عشر ايام على الصحراوي بعربيته

BMW 530i السرعة انا مش متذكر بصراحة كنا ماشيين كام

فلك ان تتخيل الحادثة اتعملت على سرعة كام ! مش هقدر احدد سرعة لاني بما يرضى الله مش فاكر لكن اعتقد مش اقل من 170 ! والله اعلم !

كنت كتبت موضوع بخصوص الحادثة ولكن طلبت من الادارة حذفه لظروف خاصة

كل اللى حصل اننا اتخبطنا في الخرسان اللى بيفصل بين الاتجاهين من الجانب الشمال والعربية لفت 180 درجة ووقفت طبعا انا وزميلي اغمى علينا ومش فاكر التفاصيل ولا فاكر اتخبطنا ازاي وليه !

اولا هنتكلم في نقطة الامان

انا فقت من الحادثة على العربية بتتصل بالاسعاف ! ! ايوة العربية بتتصل بالاسعاف لوحدها مع العلم ان ماكنش مركب فيها شريحة موبايل وماتسألش اتصلت ازاي !

دي اول نقطة

تاني حاجة ال air bags محاوطة الجمب الشمال كله من نحية الخبطة وده اللى خلاني انا وزميلي طلعنا من الحادثة بكدمات بسيطة ! كل اللى شاف العربية وشاف الحادثة كان بيقول اي عربية تانية كان زمانا ماطلعناش منها مع العلم اننا ماكناش رابطين الحزام

تالت نقطة على الرغم من ان الجمب الشمال داخل بطريقة فظيعة في الخرسان الحديد ومدمر الا ان الابواب مادخلتش نحية الكبينة نهائيا ! ! اكن الباب امتص الخبطة تماما وعزلها عن الكبينة والكراسي !

فازاي فوق ال 100 البي ام زي العربيات التانية ! امال فرق الفلوس ده رايح فين ! !

العربية كان الجمب الشمال كله محتاج تغيير وحادثة معمولة على سرعة عالية وعلى الرغم من انه كان مدمر الا انك تبص للعربية تحس انها واقفة وماسكة نفسها مش زي العربيات بتاعتنا لما بتعمل حادثة تحسها بقت علبة بسكوت ! ! !

------------

تاني حادثة حصلت مع واحد زميلي بنيسان صني سوبر صالون

دي صورة العربية بعد الحادثة

العربية كان راكب فيها تلاتة

زميلي سايق وواحد جمبه وواحد ورا

مش هقول ايه اللى حصل لكن اللى هقوله كلمة واحدة

ان اللى كان قاعد ورا هو اللى التقط الصورة دي بعد الحادثة مباشرة ! والحمد لله محدش حصله حاجة !

**SYD** · 11-08-2011 11:24 PM

يا جماعة فعلا الحوادث علي سرعات جميع العربيات تقريبا بتتساوي

بس الفكرة في ان العربية توصل بيك لمرحلة انها تتسبب في حادثة

هديك مثال

حادثة الأميرة ديانا

كانت بسيارة مرسيدس s600
العربية خيالية في الثبات والأتزان والأمان

لكن كونك وصلتها لمرحلة انها تعمل حادثة اتساوت بالفيرنا او الأكسنت وموتت الي جواها بما فيهم السواق

في حين ان بعد الحادثة (ودي أثرت بشكل كبير جدا علي مبيعات مرسيدس في التسعينيات) كان مدير في مرسيدس اعتقد مدير المبيعات او التسويق دخل نفس النفق وبسرعة اعلي بعربية اقل في الموديل واعتقد كانت زلموكة E300 وكان بيسوق بأيد واحدة وبيتكلم في الكاميرا كمان

يعني العربية لو فيها عوامل امان اكتر كل ماهو نالك بتقلل فرصة وقوع الحوادث والله المنجي في الأول والأخر، لكن لو حصل وعملت حادثة هتبقي المرسيدس زي الهيونداي

والله المستعان
،
،

**Elawany13** · 12-08-2011 02:14 AM

العقل وعدم التهور
هو أهم وسيلة أمان

**Ghosts** · 12-08-2011 10:40 AM

المشاركة الأصلية كتبت بواسطة Elawany13

العقل وعدم التهور
هو أهم وسيلة أمان

أنت كدة جبت المفيد ....
المشكلة مش فى العربيات ....
المشكلة فينا أحنا وكل ما الواحد بيبقى معاة ....
عربية غالية و مزودة بكل وسائل الأمان كل ما تلاقية متهور أكتر ....
يعنى واحد معاة عربية هامر مثلآ وماشى فى طريق فاضى هتلاقى الشيطان ....
بيلعب فى دماغة ويقولة دة أنت معاك دبابة مش عربية وفيها كل حااااااااااجة ما تجرى مستنى أية ؟

ياريت يا جماعة تتفرجوا على الصور دى يمكن تكون عبرة لعشاق السرعة الجنونية ....
Hummer Crashes - YouTube

-

الموضوع: إستطلاع : عربيات سيئة السمعة

LinkBack

أدوات الموضوع

عرض

-

-

-

-

المواضيع المتشابهه

عربية سيئة السمعة

الوكلاء و مراكز صيانة سيئة السمعة

السمعة السيئة للواجا وبروتون عماتا فى الخارج !

هل عربيات بروتون وحشة و سيئة و ...

الكلمات الدلالية لهذا الموضوع

المفضلات

المفضلات

ضوابط المشاركة