التقرير الخاص بمأساة شراء ميجان 2

**triton** · 14-08-2011 12:28 PM

حسبي الله و نعم الوكيل في تاجر لص

**M.Elgergawy** · 14-08-2011 01:21 PM

لا حول ولاقوة الا بالله دا انت قطعت قلبي يا راجل وبحسدك على هدوء اعصابك ده
يا باشا انت طيب اوي انت كنت تروح للافندي اللي اشتريت منه العربية
في بيته وبهدلته وخت فلوسك وسيبتلوا العربيه هو يعيش بيها وأكيد كان عارف
انها مغيره موتور

**SonaSteel** · 14-08-2011 03:48 PM

يعني جزاك الله خيرا علي التوضيح ده لكل الناس
وربنا يجعل المشاوير ديه كلها في ميزان حسناتك
ده انا روحت يومين للغربية وطنطا والعربية طلعت عليها غرامة ويحظر التعامل معها ... وطلعت حوالي 800 جنيه
والراجل اللي باعها طلع محترم وجيه وخفضها ودفعها .... بس اللي العن اني تبع مرور السلام
واللي شوفته في طنطا ميجيش 1/10 من اللي شوفته في المرور الملعووووون عليه من الله ما يستحق اللي اسمه السلام
والله والله ... كل يوم اخلص واجري ... لانهم كل شويه بعد ما اخلص ينادوا عليا ..... عايزينك في الشباك ... لغاية ما كرهت لفظ شباك ده من اللغة العربية
واخر يوم لما طلعت الرخصة ... أخدتها وجريت لغاية ما نفسي اتقطع ... وقفت ورا حيطة و دمعت وكان هاين عليا أعيط والله
العربية بقي كانت متلصمة ... وكل يوم يتفك فيها حاجة والحمد لله غارت في ..........
---------------------------
المهم قدر الله وماشاء فعل
وربنا يحببك فيها ويرضيك عنها
وتبسطك وتتمتع بيها وربنا يرضي عنك
اقعد بالعافية :))

**graffittiii** · 14-08-2011 05:11 PM

المشاركة الأصلية كتبت بواسطة egyzizo

لما قريت القصة افتكرت مشاعرى من 10 سنين ، لما صديقى وحبيبى واللى طافحين مع بعض عيش وملح أكتر من ميت مرة اتوسط لى فى شراء عربية مازدا 323 وجابها لى لحد عندى (ونعم الصداقة) ، وعرفت بمحض الصدفة ان العربية كان فيها تكييف وفكه وأخده لعربيته وهو جاى فى السكة.

لاإله إلا الله ... بجد صاحبك ده كان مريض ...ربنا يهديه ويعفو عنه ..

**graffittiii** · 14-08-2011 05:14 PM

طيب أحنا دلوقتي ناخد إزاي بصمة الموتور اللي ف العربية وأحنا بنشتريها ...
زي مابيحصل ف الفحص ولا في طريقة غير كده تكون سهلة شوية ؟

**madawbs** · 14-08-2011 05:22 PM

المشاركة الأصلية كتبت بواسطة muhammadaomar

والله إنت زي الفل بجد عيب المصريين الكبير جدا انهم مش عارفين حقوقهم فين.. الناس تفضل تقولك ده محدش يعرف ياخد مع فلان حق ولا باطل (استغفر الله العظيم) وهو لو عملتله محضر واحد بس هيكش ويجيب ورا .. ولو كل واحد دور على حقه فعلا مش هيبقى في رشوة ولا نصب ولا كلام من ده عشان ساعتها كل الناس هتخاف تغلط من قبل ماتفكر حتى في الغلط ... :)

وعلى فكرة الموضوع بتاع الرشوة ده ملهوش علاقة برمضان أو بره رمضان الناس دي مسلمين اسما بس ليس إلا بجد كفاية هم عايزين إيه تاني ولا ثورة نافعة ولا رمضان نافع و حالة من انعدام الضمير ل اقصى الحدود ..

بس تصدق انا طلع عيني بعد ما اتصالحنا علشان اتنازل عن المحضر لفين اقسام الزمالك وقصر النيل ومدينه نصر واحد واتنين والشروق ونقطه شرطه كمان نش فاكر اسمها وكل واحد يدينا دقم صادر للي بعده وانا بيني وبينك برضه ماكنتش متخيل ان فيه حاجه ممكن تجيبلي حقي وكنت متخيل الظباط في القسم هايضحكوا ضحكات شريره متقطعه نياه نياه هاااااه ويقولولي القانون لا يحمي المغفلين يا كابتن شوف مين الي نصب عليك وحل مشاكلك معاه او حاجه كده تكسفني والسلام وكنت برضه متوقع ان البائع هايلم اهله بقي وييجوا بالاسلحه البيضاء وفين يوجعني بقي ازاي تتجرأ وتعمل لنا محضر ياض يعني كمان مش عاجبك انك يتنصب عليك طاخ بوم دش بس ماحصلش حاجه من دي خالص والامور مشيت تمام وبمجرد ما راح له امين شرطه يقوله كلم الباشا في القسم وهو ركبه خبطت في بعض وجابلي الورق علي طول

**airfox** · 18-03-2012 06:44 PM

شكرا علي القصه ديه يا جماعه انا حصل معايا تقريبا حاجه شبه القصه الديه بس من غير موضوع الموتور ده .برده قالي انه دكتور و هو ساكن في الرحاب و اسمه عماد محمد رحت هناك و اشتغلني برده و سكن في شقه نظيفه و لما روحت التوكيل اللي في الرحاب كشفوا علي العربيه و الاخ الدكتور اتخانق هناك علشان الحاجات اللي التوكيل طلعها في العربيه المهم انا اخت المهندس علي جنب و سالته و قالي العربيه نظيفه و الحاجات اللي فيها ديه استهلاكيه المهم لما روحت بيته و احنا بنكتب العقد طلع في 3 توكيلات و طلع في البطاقه مش دكتور و قال انه دكتور في الجامعه بس و اخد اجازه و فاتح شركه خاصه .المهم روحنا الشهر العقاري و خلصت بس لما روحت ارخص قالولي لازم تروح مرور الدقي علشن اجيب بيانات للعربيه و في الاخر بعض الدوخه ادوني تصريح تسيير لحين وصول الملف و انت عارف بقي حبال المرور و ربنا يستر و الملف ييجي و بعدين العربيه طلعت متهانه من جوه جامد الفرش و التابلوه و حتي مادنيش كود الكاسيت و مش عارف اعمل ايه لو البطاريه فصلت .المهم انا اكتر حاجه دايقتني ان الراجل طلع تاجر و رسم عليا فيلم كبير علشان يلبسني .اول حاجه بداء بالمريات الكهرباء بتفتح علي الاخر بس انا شفت انها جاجه سهله و ممكن تتعمل بس الحاجات الصغيره ديه بتدايق الواحد عمتا

**nemo2000x** · 20-03-2012 12:33 AM

ربنا يسترها من معدومي الضمير

**bedooracle** · 20-03-2012 08:15 AM

عن تجربتى السابقة الميكانيكون العرب اكبر نصابين فى التاريخ اشتريت عربية و طلعوا تقرير ان مفهاش همسة روحت توكيل العبور قمة الاحترام و الادب وخصوصا امجد اللى فى الاستقبال طلعوا فيها قواعد موتور و مقص و بطاحة و موتور فانوس دا توكيل سىء وكل اللى فيه فى الاستقبال شوية دجالين و معدومى الضمير

الموضوع: التقرير الخاص بمأساة شراء ميجان 2

LinkBack

أدوات الموضوع

عرض

-

-

-

-

المواضيع المتشابهه

طفحيط يقلب بمأساة ...!!!

لكل الراغبين في شراء سيارة في عرض التصفية الخاص بميتسوبيشي شارك 2009

محتاج الكود الخاص بدهان البي إم الأسود الخاص بالتوكيل ..

محتاج الكود الخاص بدهان الجيتا الفراني او الرصاصي الخاص بالتوكيل ..

وإليكم التقرير الوافى فى شراء الجين تو

الكلمات الدلالية لهذا الموضوع

المفضلات

المفضلات

ضوابط المشاركة