استفسار بخصوص بولو 99

**Islam_galal** · 13-05-2008 11:52 AM

أنا آسف يا باشا بمراجهة الكتالوج وجدت فعلا جنط 15 موجود
و كانت الأنواع المسموح بيها كالآتي:
- 175/65 R13 80t.
- 185/55 R14 78h.
- 195/45 R15 78v.
- 155/70 R13 75t

**ahmed polo** · 26-12-2012 01:52 AM

ممكن لو سمحت تذكروا لينا جدول صيانة بولو 1999

**titos_81** · 28-12-2012 11:32 PM

توكل على الله و دوس يا باشا مفيش مشكله بي المهم نوع الجنط ابعد عن الصينى و الاندونيسى شوف ال hrsالتيوانى ممتاز انا مركبه عندى او كمان ممكن تشوف عند بتوع الاستيراد bbs او حاجه من الحجات الاصلى
وبلاش ال 14 عشان حيقرفك فى مقاس الكاوتش
ركب ال 15 و هات مقاس الكاوتش 195/15/50 عشان مش حتلاقى 195/15/45 و كمان حيكون البروفايل قليل قوى و الكاوتش حيجييب بلالين و العربيه حتنشف
ال 50 حيكون افضل و حيفرق معاك فى عداد السرعه حوالى 7 كيلو يعنى لو ماشى 90 على العداد الفعلى بتاعك 97
و برضه نوع الكاوتش مهم فى البروفيل القليل عشان يعيش معاك يستحسن تجييب كونتننتال عشان طرى و خامته عاليه و ربنا يوقفك للاصلح

**titos_81** · 28-12-2012 11:40 PM

لو حضرتك من اسكندريه فيه محل فى سموحه عند صينيه مسجد على بن ابى طالب اسمه الحرميين جنب معرض العربيات عنده تشكيله ممتازه من الجنوط و الكاوتش و صاحب المحل راجل لذيذ اسمه ا/محيى طبيخه حيظبط معاك الكلام قوله انا تبع تامر اللى معاه البولو الفضى
ولو عايز الجنوط استيراد حتلاقى عند فتحى عدس اللى فى العيسوى او النمر بتاع الاسكودا