الكاسيت التاتش بتاع الجيتا ؟؟؟؟

**islamaboelnaga** · 09-09-2009 09:58 AM

محدش عنده فكره عن الكاسيت التاتش اللى بينزل فى الجيتا 2010 ؟؟؟ هل حد يعرف حد بيبعه او بيدخله فى القديم بتاع 2009 ؟؟ و ياريت لو حد يعرف سعره ؟؟؟ و يركب عادى على 2009 ولا فى مشاكل ؟؟؟

**umoussa** · 09-09-2009 03:26 PM

انت تقصد الي فيه نافيجيشن وهارد ديسك 30 جيجا وsd كارد وبيشغل فيديو أوتوماتيك وكاميرا قيادة خلفية مع المارشردير وطبعاً معاه البلوتوث الأصلي بالميكروفون وبيعرضلك أرقام تليفونك على العداد أمامك وتغير في كل حاجة بالدراعات وزارير الطارة؟

لو كده كلمني على الخاص، محدش حيفيدك في الموضوع ده غير العبد لله

**SAiF3S** · 09-09-2009 04:51 PM

راجع الموضوع ده فى كل اللى انت عاوز تعرفه

**aneo** · 09-09-2009 07:08 PM

طب يا اسلام باشا مش انت موديلك 2009 و فيها الكاسيت التاتش RNS 510

ما هو دا تقريبا اللى بينزل فى 2010 ولا انا غلطان
كان ليا استفسار يا باشا عن عربيتك هى كمالياتها ايه بالظبط و الكاسيت التاتش دا بالطلب ولا فى الموديل الكامل بس و فيه usb ولا لأ و شوية تفاصيل عنه هو مش عاجبك ولا ايه ؟
و هل هى اعلى حاجة و جبتها بكام و منين

**islamaboelnaga** · 09-09-2009 08:12 PM

لأ ياباشا هو دا اللى انا عايز اركبه مش دا اللى عندى ...التاتش نزل فى 2010 بس و انا اخر 2009

**SAiF3S** · 09-09-2009 09:24 PM

راجعوا الرايط ده يا شباب هنـــــــــــــــــــا
وده موجود على ال EBAY و مافيش شحن لمصر و كمان حتى لو فيه مصر مش موجوده على ال PAYPAL
البياع ده انا براسله من اكتر من شهرين وادانى اسم الشركه الى بيشتغل فيها واللى ممكن اشترى منها على طول والسعر غير شامل الشحن

**aneo** · 09-09-2009 10:06 PM

طب يا اسلام باشا الكاسيت اللى فى عربيتك نوعه ايه يا ريت لو تصوره
و بعدين مش عربيتك فضى و العلامة اللى قدام مسروقة و بتركن قدام مسجد عباد الرحمن عند بهجت و سمير
كنت عايز اعرف الاوبشن اللى فى عربيتك ايه و جبتها بكام و منين ربنا يباركلك فيها

**umoussa** · 09-09-2009 11:53 PM

المشاركة الأصلية كتبت بواسطة SAiF3S

راجعوا الرايط ده يا شباب هنـــــــــــــــــــا
وده موجود على ال EBAY و مافيش شحن لمصر و كمان حتى لو فيه مصر مش موجوده على ال PAYPAL
البياع ده انا براسله من اكتر من شهرين وادانى اسم الشركه الى بيشتغل فيها واللى ممكن اشترى منها على طول والسعر غير شامل الشحن

يا عزيزي الي موجود في الصور ده مضروب صيني مش أصلي

ودا كنا عاملين بيه طلبية من حوالي 4 شهور ونزلناه مصر بحوالي 2500 جنيه للجملة

بس دا بجودة رديئة

إلي عايز يجيب الطقم الأصلي كامل يكلمني على الخاص

من غير epay ولا Paypal ولا وجع قلب

**SAiF3S** · 10-09-2009 12:23 AM

عزيزى اسامه جايز انك بتتكلم على النسخه القديمه هنـــــــــا
لكن النسخه اللى بتكلم عليها فيها تعديلات جامده جدا ولسه نازله من اسبوعين و من شهرين الراجل البياع قالى استنى النسخه دى لانها احسن بكتير

طبعا انا نفسى فى الاصلى لكن الواضح انه هيبقى معدى جدا معايا و انا ناقشتك فى السعر لكن انت ما أدتنيش عرض محدد وواضح

**umoussa** · 10-09-2009 12:33 AM

نصيحة لوجه الله يا عزيزي جودة الصيني رديئة جداً

الشاشة بتتجرح والهيد بتاعة السي دي بتبوظ بعد 6 شهور
البلوتوث الناس اشتكت منه

ثانياً انت أولاً مكلمتنيش على الخاص علشان تقولي على طلباتك إيه علشان أديلك سعر.

حسب قواعد المنتدى، مش مفروض نتكلم في بيع وشراء داخل المواضيع

وأكيد أنا مش عايز حد يلومني في المنتدى أو حتى يحذرني

كلمني على الخاص وقولي بالظبط محتاج إيه وأنا أديلك السعر النهائي واوضحلك كيفية الشحن وإرسال المبلغ