المشاركة الأصلية كتبت بواسطة shaddadfalcon1
الراجل في ايده يعمل البدع علي عكس الست
انا عن نفسي لما بسيب الموضوع ده واعتمد علي مراتي بلاقي العلاقه كل شويه بتموت واحس اني ببعد كل يوم عن مراتي لدرجة اني ساعات بحس اني لو فضلت كده يبقي اخري كام شهر واطلقها
بس كل شويه لازم اقعد معاها ونجدد علاقتنا ونسترجع زكريات الجواز والخطوبه
يعني مثلا مفيش راجل متجوزش الا وتلاقيه اول شهر ولا حاجه في الجواز قبل ماينزل الشغل يبقي فيه نظره حلوه كده او قبله ونفس النظام لما يرجع من الشغل وطبعا بعد كام اسبوع الموضوع بيختفي وانا نفسي حصل كده معايا
طيب ليه متفعش الموضوع ده تاني؟
ومحدش يقولي عيال لاني النهارده اكتر من نص ساعه بحاول افلت من العيال عشان اعرف انزل الشغل ومحمد ابني بيحاول يخليني افطر
كلمه بسيطه لمراتك او قعدة حلوه تتفقو فيها ان كل واحد يعمل اللي يقدر عليه عشان يسعد التاني هتخلي الحياه ورد يعني انت توعدها انك هتقولها كلام حلو كل يوم وانها لازم قبل ماانت تنزل من البيت تعمل زي زمان وانك لازم تعمل كذا وهي كذا كانكم داخلين مشروع جديد ومش عيب ولا حرام