المشاركة الأصلية كتبت بواسطة heshamzaky
بص يا باشا قبل الخطوبة بتكون عارف انك حا تقبل على حياة جديدة بالنسبة لك و السبب أن بعض العائلات بتطلب ان الشبكة تقدم فى الخطوبة بيبقى نوع من أنواع ضمان الجدية فى المعملات يعنى حا أشرحها لك بصورة مبسطة و ليس المقصود بالموضوع شخصك انت بس بوحة عام
لو بعض الشباب شاف بنت و هو معندوش الجدية لاكمال الموضوع ممكن يفكر و يقول الخطوبة عبارة عن حفلة و دبلتين فقط و لو حصل حاجة حا اخلع بدون اى خسائر بس لو فية شبكة مقدمة و هو الى فسخ الخطوبة لانة كان غرضة التسلية من البداية لما يخسر الشبكة حا يفكر الف مرة قبل ما يلعب ببنات الناس
غير كدة بعض العائلات مش حا ترضى أن شخص يفضل داخل خارج عليهم و هو ملبس دبل فقط لان كدة مفيش جدية نسبيا
و بعض الناس الاخرى حا توافق على حسب ظروف كل حالة و ظروف كل عائلة وزى ما قولت لك أنا معنديش أخوات بنات و حتى أولادى ولدين بس صدقنى لو كان عندى بنت ما كنتش حا ارضى ان حد يخطبها بدبل فقط كدة و فى أى لحظة ممكن يفسخ الخطبة و يقول مع السلامة
فهمت قصدى أنا حاولت اشرحها بساطة و طريقة مبسطة
و برضو دى مش قاعدة عامة بس العرف ماشى كدة فى معظم العائلات على فكرة
و عائلات كتير جدا برضو بترفض موضوع كتب الكتاب قبل الدخلة يعنى يبقى كتب كتاب و دخلة فى وقت واحد دة افضل برضو على فكرة