حكمت المحكمة على أبو غالى / سوبارو إمبريزا 2008

**hamido46** · 15-08-2011 04:33 PM

أنا مش عارف أقولك اه غير ربنا يصبرك و يقويك و إن شاء الله يكرمك

**old_cars_lover** · 15-08-2011 11:33 PM

المشاركة الأصلية كتبت بواسطة SYD

الف مبروك يا باشا
انا متابع موضوع حضرتك منذ 2008 (مع اني لسة جديد في المنتدي) ايوة انا فتحت اللينك وسهرت عليه امبارح لحد لما خلصته (بس حقتك كنت زودت شوية في الحلقات لحد 30 وكنا اخرجناه وعملاناه مسلسل زي ادهم الشرقاوي)

اوعي تزعل انا بهرج معاك بكلمتين قبل الفطار

بس انا ليا كام سؤال واستفسار
1- حضرتك راكن عربيتك من اواخر 2008 ؟؟؟؟؟؟؟؟؟ (انا راكن عربيتي من اواخر الأسبوع الي فات واتخنقت)
2- حضرتك منتظر 10,000 جنيه فقط ولا في حاجة تاني ؟؟؟؟؟؟
3- ال50,000 ليه الدولة تاخدوهم؟؟؟؟؟؟ تعويض عن ايه ؟؟؟
4- ياتري اشتريت اي حاجة في الفترة الي فاتت دي ؟؟؟؟؟؟؟؟؟

بجد انت مثال للراجل الشريف الي تعبان في فلوسه ومش مستعد يضيع منها مليم اونطة

واعتقد انك لو قاعد الفترة دى كلها مستني استبدال عربيتك السوبارو امبريزا فأنت فعلا تستحقها

ربنا معاك واحنا كلنا بنشجعك ومعاك

والله المستعان
،
،

الإجابه:

أيوه ده حقيقى ، وبركب عربيه TOYOTA HIACE الشهيره يابانى برضه بس 11 راكب (واقعيا 20 راكب) بيسوقها سواقين محترفين راليات ..... الميكروباص يعنى ، ولما بخرج بالأسره بيبقى أى عربيه بيضه مكتوب عليها TAXI
لأ .. أنا منتظر التعويض النهائى ... ربنا يدينى ويديكوا طول العمر
ال 50 ألف دول غرامه حق الدوله والشعب فى هذة القضيه بإعتبار النيابه العامه هى المدعيه الأصليه فى الدعوى نيابة عن الشعب . وده مستفز فى حد ذاته أن الدوله تاخد 50 ألف فورا وانا المتضرر الأول أخد 10 الاف فقط وأروح أرفع قضيه تانيه للتعويض النهائى.
أيوه قررت شراء الصبر والإصرار والنفس الطويل ، وربنا أدهوملى ببلاش.

**opelawy** · 16-08-2011 12:01 AM

ربنا معاك يا رب و ادعي و انت صايم لاني من بكرة هدعيلك
عشان تاخد حقك من الظالم

**Ahmed Selim** · 16-08-2011 12:48 AM

أحييك.....بشدة.....و بقوة و عنف.

ربنا يخلصك من الموضوع ده على خير و أنت راضى و فى أسرع وقت إن شاء الله.

**omarr** · 17-08-2011 06:31 AM

مبروك عليك وشد حيلك فى التعويض و ماتسكتش على حقق علشان كلة يحترم نفسة بعد كدة

**SYD** · 17-08-2011 04:38 PM

المشاركة الأصلية كتبت بواسطة old_cars_lover

الإجابه:

أيوه ده حقيقى ، وبركب عربيه toyota hiace الشهيره يابانى برضه بس 11 راكب (واقعيا 20 راكب) بيسوقها سواقين محترفين راليات ..... :copy of m-s5: الميكروباص يعنى ، ولما بخرج بالأسره بيبقى أى عربيه بيضه مكتوب عليها taxi
لأ .. أنا منتظر التعويض النهائى ... ربنا يدينى ويديكوا طول العمر
ال 50 ألف دول غرامه حق الدوله والشعب فى هذة القضيه بإعتبار النيابه العامه هى المدعيه الأصليه فى الدعوى نيابة عن الشعب . وده مستفز فى حد ذاته أن الدوله تاخد 50 ألف فورا وانا المتضرر الأول أخد 10 الاف فقط وأروح أرفع قضيه تانيه للتعويض النهائى.
أيوه قررت شراء الصبر والإصرار والنفس الطويل ، وربنا أدهوملى ببلاش.

حضرتك قطعت شوط كبير في القضية واعتقد الي جاي اسهل من الي فات واساسا حضرتك من 2008 يعني خلاص هانت

بس انت دلوقتي العربية وضعها ايه ؟؟؟ مركونة ولا عند التوكيل ولا النيابة اتحفظت عليها ؟؟؟؟ ولا ايه وضعها ؟؟؟

ومعقولة حضرتك يبقي دة جزائك ؟؟؟؟ انت المفروض كنت لأبو غالي زبون محترم داخل يشتري عربية محترمة ودافع دم قلبك وعد كل دة تتبهدل في المواصلات ؟؟؟؟؟

الله يعينك علي ما بالاك

ولو احتاجت اي حاجة انا اخويا محامي ولو عايز اي استشارة قولي وانا هسألهولك وهرد عليك انشاء الله

والله المستعان
،
،